ខេត្តឧត្តរមានជ័យ ៖ កាលពី ថ្ងៃទី ១០ ខែសីហា ឆ្នាំ២០១៤ មន្ត្រីប៉ូលិសប៉ុស្តិ៍ពីររូបរួមទាំង កម្មកររបស់លោក សុខា រិទ្ធ ៤ នាក់បានទៅគាស់ចេក និងសង់ បង្គោលព្រំដីនៅចំណុចអូរអំបិល ភូមិអូរតាម៉េង ឃុំអន្លង់វែង ស្រុកអន្លង់វែង ខេត្តឧត្តរមានជ័យដែលប្រជាពលរដ្ឋនៅតំបន់ នោះ សង្ស័យថា មន្ត្រីប៉ូលិសនិង លោក សុខា រិទ្ធ ដែលជាអ្នក គ្រប់គ្រងដីទីទួលសុវត្ថិភាពជា អ្នកបញ្ជាដោយចង់បានដីរបស់ ប្រជាពលរដ្ឋធ្វើជាកម្មសិទ្ធិ ។
មន្ត្រីប៉ូលិសមួយឈ្មោះ ហាប់ ជាឈ្មោះ ហៅក្រៅបំរើ ការប៉ុស្តិ៍រដ្ឋបាលនគរបាលឃុំលំ ទងពីរ ស្រុកអន្លង់វែង ឈ្មោះ យ៉ាន បំរើការនៅអធិការដ្ឋាន នគរបាលស្រុកអន្លង់វែង ។ រីឯ កម្មកររបស់លោក សុខា រិទ្ធ បួននាក់ទៀត មួយឈ្មោះ ១- ខ្វង់, ២-ខា, យាយប្រេង និង ៤-វែង ។
ប្រជាពលរដ្ឋមួយរូបឈ្មោះ មិត្ត អៀម ដែលត្រូវបានគេបោះ បង្គោលរំលោភយកដីនិងលើ ផលដំណាំបាន ឱ្យដឹងថា លោក បានសួរទៅកម្មទាំង ៤នាក់ ដោយឆ្លើយតបថាដីនេះផ្តិតមេ ដៃឱ្យគាត់អស់ហើយ ។
សព្វថ្ងៃគេសង្កេតឃើញ មានការរិះគន់ពីមហាជនថា លោក សុខា រិទ្ធ ដែលជាម្ចាស់ គ្រឿងចក្រឈូសឆាយនៅដីទី ទួលសុវត្ថិភាពចំណុចអូរអំបិល ភូមិអូតាម៉េង ឃុំអន្លង់វែង ស្រុកអន្លង់វែង ខេត្តឧត្តរមានជ័យថា បានឈូសឆាយបំផ្លាញ ព្រៃឈើរំលោភយកដីចំណុចអូរ អំបិល និងដីព្រៃសហគមន៍ ។
លោក សា ថ្លៃ ជាប្រធាន បណ្តាញសហគមន៍ខេត្តឧត្តមាន ជ័យបានលើកឡើងថាលោកមិន បានយកផែនទីចាស់ មកប្រើការ ទេ ដោយលោកប្រើប្រាស់តាម ផែនទីថ្មី ដោយមានកិច្ចព្រម ព្រៀងពីលោក ឈាង តុលា នាយខណ្ឌរដ្ឋបាលព្រៃឈើខេត្ត សៀមរាបនៅឆ្នាំ២០០៩ ។
លោក ឆើត លន ប្រធាន គណកម្មាធិការផ្នែកដាំដុះសហ គមន៍អូរតាម៉េងបានលើកឡើង ថា បើអនុវត្តតាមផែនទីកិច្ចព្រម ព្រៀង ២០០៩ ឃើញថា ការ ឈូសឆាយទីទួលសុវត្ថិភាព គឺ រំលោភចូលដីព្រៃសហគមន៍ទទឹង ២០០ម៉ែត្រ បណ្តោយរាប់គីឡូ ដីបំផ្លិចបំផ្លាញព្រៃឈើសហគម ន៍រាប់រយហិកតាដែលគេសង្ស័យ ថា មានការឃុបឃិតគ្នារវាង គណៈកម្មាធិការសហគមន៍មន្ត្រី ជំនាញរដ្ឋបាលព្រៃឈើនិងអាជ្ញា ធរដែនដី ។
ចំណែកលោក សុខា រិទ្ធ ជាអ្នកគ្រប់គ្រងទីទូលសុវត្ថិភាព លើកឡើងថា លោកនិងស្រាវ ជ្រាវរកអ្នកដែលសង់បង្គោល ដែលលោក ពុំ បានបញ្ជានោះ ឡើយហើយលោកមានតែជួយ អភិវឌ្ឍន៍សាលារៀនបន្ថែមដើម្បី ឱ្យកូនចៅប្រជាពលរដ្ឋបានចូល រៀនសូត្រ ៕
ដោយ ៖ សាន យន្ត
