ខេត្តកោះកុងៈ បញ្ហាវិវាទដីធ្លី ដោយក្រុមហ៊ុនចិនមួយបានមក រំលោភយកដីប្រជាពលរដ្ឋត្រូវ បានអូសបន្លាយមានរយៈពេល ជាយូរមកហើយ ដោយពុំមាន ដំណោះស្រាយសមស្របសម្រាប់ ឱ្យប្រជាពលរដ្ឋទទួលយកបាន ឡើយ រីឯក្រុមហ៊ុនចិនបាន បង្កើតសកម្មភាពគំរាមកំហែង ប្រជាពលរដ្ឋឥតឈប់ឈរ ព្រម ទាំងដឹកនាំកម្លាំងសន្តិសុខនិង ទាហានដែលស៊ីប្រាក់ខែរដ្ឋចូល មកកាប់បំផ្លាញផលដំណាំប្រជា ពលរដ្ឋនិងដុតបំផ្លាញផ្ទះសម្បែង ផលដំណាំរបស់ប្រជាពលរដ្ឋក្នុង គោលបំណងបណ្តេញពួកគាត់ ឱ្យចាកចេញពីទីជម្រកលំនៅ ដ្ឋានរបស់ពួកគាត់យ៉ាងឃោរ- ឃៅទោះបីជាមានការប្រជុំរក ដំណោះស្រាយពីមន្ត្រីរដ្ឋាភិបាល ក៏ដូចជា សមត្ថកិច្ចថ្នាក់ខេត្ត ម្តងជា ២ ដង ក៏ដោយក៏លទ្ធ- ផលនៃដំណោះស្រាយពុំទាន់ ចេញជាផ្លែផ្កា ដែលប្រជាពល រដ្ឋអាចទទួលយកបាននៅឡើយ គេនៅតែឃើញក្រុមហ៊ុនចិន មួយនេះបន្តការធ្វើទុក្ខបុកម្នេញ ប្រជាពលរដ្ឋដែលជាម្ចាស់ដី ម្ចាស់ប្រទេសឱ្យរងទុក្ខវេទនា ឥតស្រាកស្រាន្តទៅវិញ ។
នាពេលថ្មីៗក្រុមហ៊ុនស៊ីណូ ម៉ិចស៊ីមបានយកសន្តិសុខ ២៣ នាក់មកគំរាមកំហែង ដែលដឹក នាំដោយលោក លី តឹកហៃ (ហៅតាលី)ក្នុងនោះមានតា នូង មេការចិន របស់ក្រុមហ៊ុន ស៊ីណូម៉ិចស៊ីម បានបំពានយកដី ប្រជាពលរដ្ឋនៅភូមិជីត្រេះ ឃុំ អណ្តូងទឹក ស្រុកបូទុមសាគរ ខេត្តកោះកុងព្រមទាំងបានដឹកនាំ កំលាំងសន្តិសុខនិងទាហ៊ានបាន កាប់បំផ្លាញ ដំណាំប្រជាពលរដ្ឋ និងដុតបំផ្លាញផ្ទះអស់៤ខ្នង និង ដំណាំប្រជាពលរដ្ឋហើយមិន ដែលឃើញលោក អន ភារៈ ជាអភិបាលស្រុកចូលមកដោះ ស្រាយជូនប្រជាពលរដ្ឋម្តងណា ឡើយ ខណៈអ្នកសារពត៌មាន ទូរស័ព្ទទៅលោកមិនលើកទូរ ស័ព្ទមានតែលោកមេឃុំ ហ៊ី តាន់ ចុះមកដោះស្រាយទាន់ពេល វេលាចំណែកចៅហ្វាយស្រុក គេចមុខពីប្រជាពលរដ្ឋ ។
អ្នកសារពត៌មានយើងបាន សួរឈ្មោះ លី តឹកហៃ (ហៅ តាលី)ប្រាប់សារពត៌មានយើង ថា លោកអភិបាលស្រុក បានស៊ី ញ៉េដីឱ្យក្រុមហ៊ុនស៊ីណូម៉ិចស៊ីម ហើយ ទើបក្រុមហ៊ុនហ៊ានមក ឈូសឆាយលើដីប្រជាពលរដ្ឋ ចំនួន៨៩គ្រួសារដែលមានទីតាំង នៅភូមិជីត្រេះ ។ ឈ្មោះ តាលី នោះដើរតែបំពានដីប្រជាពលរដ្ឋ ហើយយកកំលាំងទាហ៊ានមក ដុតផ្ទះនៅចំណុចជីសៀតជីត្រេះ កន្លងមកប្រជាពលរដ្ឋបានធ្វើ បាតុកម្ម ០២លើកមកហើយ ។ ក្រោយមកទៀតក៏មានដំណោះ ស្រាយមួយមានលោកអភិបាល រងខេត្តកោះកុង លោក ស៊ុន ដារ៉ា បានដឹកនាំកំលាំងក្រុមការ ងារចំរុះចុះមកប្រជុំនៅក្នុងភូមិ ជីត្រេះថា និងកាត់ដីឱ្យប្រជា ពលរដ្ឋ តែពាក្យទាំងអស់នោះ គ្មានការពិតទេប្រជាពលរដ្ឋថា ថ្នាក់ស្រុក ថ្នាក់ខេត្ត កុហកពួក គាត់ ។
ប្រជាពលរដ្ឋប្រាប់អ្នកសារ ពត៌មានថាចំណែកលោកអភិ បាលស្រុកបូទុមសាគរលោក អន ភារៈ មិនដែលចេញមុខមក ដោះស្រាយពីរឿងដីជូនពួកគាត់ គឺគេចមុខដូចអណ្តើកក្នុងស្នូក ប្រជាពលរដ្ឋនិយាយថា លោក អភិបាលស្រុក អន ភារៈ ធ្វើអភិ បាលស្រុក២អាណត្តិមកហើយ មិនដែលចេញមុខដោះស្រាយ រឿងដីធ្លីអោយប្រជាពលរដ្ឋទេ ចំណែកលោកអភិបាលស្រុក អន ភារៈ មានដីរាប់រយហិកតា ហើយមានផ្ទះវីឡាមានឡាន ទំនើប ២-៣ គ្រឿងទៀត តើ ថ្នាក់លើដឹងរឺទេគួរតែយកលោក អភិបាលស្រុក អន ភារៈ ទៅដុះ ក្អែលចេញម្តង ហើយប្រជាពល រដ្ឋនិយាយប្រាប់អ្នកសារពត៌មាន ថាមានតែលោកមេឃុំ ហ៊ី តាន់ ទេមកចេញមុខដោះស្រាយ
រឿង ដីធ្លីហើយនិយាយជាមួយក្រុម ហ៊ុនស៊ីណូម៉ិចស៊ីម ឱ្យក្រុមហ៊ុន ផ្អាកការឈូសឆាយការរុះរើនិង កាប់ដាំណាំប្រជាពលរដ្ឋចុង ក្រោយប្រជាពលរដ្ឋសុំសំណូម ពរដល់អភិបាលខេត្តកោះកុង ជួយពួកគាត់ផងហើយសុំអោយ សម្តេច ហ៊ុន សែន ជួយពួកគាត់ ហើយកាត់ដីឱ្យពួកគាត់ផង ៕
