ខេត្តបន្ទាយមានជ័យ ៖ សាច់មាន់ខូចគុណភាពនិង មាន់ទារស់ ត្រូវប្រភពរាយការ ណ៍ថា ឈ្មួញធ្វើការនាំចូលពី ប្រទេសថៃតាមច្រករបៀងមួយ ចំនួននៅក្រុងប៉ោយប៉ែតនិង ស្រុកម៉ាឡៃយ៉ាងអនាធិបតេយ្យ ដោយពុំមានការទប់ស្កាត់ឡើយ។
ប្រភពពីស្រុកម៉ាឡៃប្រាប់ ថា ច្រករបៀងមួយកន្លែងក្នុង ឃុំអូរស្រឡៅមានឈ្មួញខ្មែរនិងថៃឃុបឃិតគ្នាលួចនាំចូលសាច់ មាន់ខូចគុណភាព និងមាន់ទា រស់នៅពេលយប់ដែលច្រក របៀងមួយនេះ ពេលថ្ងៃគេនាំ ចូលហ្គាសរបៀបកន្ទេលធំបន្លំ ដេកទៀតផង ។
មន្ត្រីជំនាញមួយក្រុមនិយាយ ថា ច្រករបៀងខាងលើពួកខ្លួន ធ្លាប់ចុះទៅដល់នៅពេលយប់ ប៉ុន្តែក្រុមឈ្មួញហាក់ដឹងជាមុន បានយករបស់លាក់ទុកក្នុងអូរព្រំ ដែនអស់បន្សល់នៅតែទឹកកក ដែលយកមិនទាន់ជាច្រើនការ៉ុង ទំនងសម្រាប់ទុកចាក់ដាក់លើ សាច់មាន់កុំឱ្យខូចនៅពេលដែល ដឹកជញ្ជូនតាមរថយន្តចេញពី មាត់អូរព្រំដែនទៅតាមបណ្តា ខេត្ត ។
ដោយឡែក ច្រករបៀងនៅ ខាងត្បូងផ្លូវជាតិលេខ ៥ ក្នុង ក្រុងប៉ោយប៉ែតវិញ គេឃើញ ឈ្មួញនាំចូលមាន់ទារស់ពីថៃ យ៉ាងអនាធិបតេយ្យតាមច្រក របៀងមួយចំនួនដូចជា ច្រក របៀងដែលគ្រប់គ្រងដោយ លោក ឆែម ចំប៉ា, លោក ឡុង សំណាង នគរបាលការពារព្រំ-ដែនគោកលេខ ៨៩១ ។
បើទោះជាបច្ចុប្បន្នមន្ត្រី ជំនាញនិយាយថា ការនាំចូល មាន់ទារស់ពីប្រទេសថៃត្រូវបាន ក្រសួងអនុញ្ញាតិ ប៉ុន្តែគេដឹងថា មានកំណត់ត្រឹមត្រូវមិនមែននាំ ចូលរបៀបកន្ទេលធំបន្លំដេកនាំ ចូលហួសកំណត់នោះទេ ។ ហើយ ការនាំចូលមាន់ទារស់ទាំងនោះ ពុំមានការត្រួតពិនិត្យពីមន្ត្រីជំនាញ នោះទេតាមមាត់ច្រករបៀងឬ ការបាញ់ថ្នាំការពារជម្ងឺឆ្លងម្តង ណាឡើយ ។
ជាក់ស្តែងមាន់កសិកម្មនាំ ចូលពីប្រទេសថៃមួយរថយន្ត តាមច្រករបៀងចំណុចដីឡូតិ៍ លោកខូយប្រការ និងគ្រប់គ្រង ដោយលោក ភោគ វិបុល មេ ប៉ុស្តិ៍បុរីថ្មីនៃនគរបាលការពារ ព្រំដែនគោកលេខ៨៩១ កាលពី វេលាទាបភ្លឺព្រឹកថ្ងៃទី ៣ សីហា ២០១៤ បានផ្អៀងរថយន្តព្រោះ កង់ម្ខាងជាប់ផុងមិនអាចទៅ មុខរួចបានយករថយន្តផ្សេងមក សាងឬផ្ទេរហើយគេឃើញមាន់ នៅលើរថយន្តប្រភេទអ៊ីណូនោះ ហាក់ផ្ទុកលើសចំណុះនិងមាន មាន់ងាប់ជាច្រើនក្បាលមិនមាន មន្ត្រីជំនាញណាម្នាក់មកពិនិត្យ ឡើយ ។ ចំពោះសាច់មាន់ខូច គុណភាពវិញ តាមទីផ្សារនៅ ក្នុងខេត្តបន្ទាយមានជ័យពិសេស នៅក្រុងប៉ោយប៉ែតគេឃើញ ដាក់លក់យ៉ាងអនាធិបតេយ្យនិង អាំងលក់តាមរទេះរុញតាមដង ផ្លូវសង្ស័យជាសាច់នាំចូលពី តាមច្រករបៀង ។
គេចាំបានថា កន្លងមក លោក ម៉ក់ ពេជ្ជរិទ្ធ អគ្គនាយក នៃអគ្គនាយកដ្ឋានកាំកុងត្រូល ធ្លាប់លើកឡើងនៅច្រកទ្វារអន្តរ ជាតិប៉ោយប៉ែតថា អ្នកនាំចូល សាច់មាន់ខូចគុណភាពជាឃាតកឈាមត្រជាក់ដែលមិនត្រូវ លើកលែងឡើយ ព្រោះអ្នក ទទួលទានសាច់ខូចគុណភាពវា និងប៉ះពាល់ដល់សុខភាពព្រោះ សាច់ខូចគុណភាពមុននាំចូលពី ប្រទេសថៃត្រូវគេដាក់ថ្នាំប្រភេទ ហ្វូម៉ុល ៕
ដោយ ដួង គឹមឆៃ
