ខេត្តមណ្ឌលគិរី ៖ សកម្មភាពដឹកឈើប្រណីត ខុសច្បាប់នៅតែបន្តយ៉ាងអនាធិ បតេយ្យដោយគ្មានអាជ្ញាធរមាន សមត្ថកិច្ចស្ថាប័នពាក់ព័ន្ឋនិង រដ្ឋបាលព្រៃឈើណាម្នាក់ចុះ បង្រាបបានម្តងឡើយព្រោះខ្លាច អំណាចរបស់ក្រុមហ៊ុនទ្រីភាព ។
តាមប្រភពព័ត៌មានពីប្រជា ពលរដ្ឋរស់នៅក្រុមពូលា ភូមិពូ ហ៊ាម ឃុំសែនមនោរម្យ ស្រុក អូររាំង ខេត្តមណ្ឌលគិរីបានប្រាប់ អ្នកសារព័ត៌មានមតិមហាជនឱ្យ ដឹងថា ជារៀងរាល់ថ្ងៃមានរថយន្តម៉ាកឡង់គ្រីស័រ ម៉ាករ៉េវឬ ប៉ាកុងដឹកឈើប្រណិតប្រភេទ ធ្នង់ឆ្លងកាត់ភូមិឃុំខាងលើ មិន ក្រោមពី ១០ ទៅ ២០គ្រឿង នោះទេក្នុងមួយថ្ងៃៗ ប៉ុន្តែគេមិន ដែលឃើញសមត្ថកិច្ចឬស្ថាប័ន ពាក់ព័ន្ឋនិងរដ្ឋបាលព្រៃឈើមួយ រូបណាចុះបង្ក្រាបម្តងឡើយ ជួនកាលពួកគាត់ចុះមកដល់ កន្លែងឃើញបទល្មើសជាក់ ស្តែងបានត្រឹមតែឈរមើលរថយន្តដឹកឈើប្រណិតពេញៗតែ មិនដឹងជាធ្វើយ៉ាងម៉េចប្រហែល ជាពួកគាត់ខ្លាចអំណាចក្រុមហ៊ុន ទ្រីភាពហើយតាមមើលទៅ ។
ប្រភពព័ត៌មានពីតៃកុងរថយន្តនិងកម្មករដើរតាមរថយន្ត ដឹកឈើទាំងនោះបានឱ្យដឹងថា តាមការពីតពូកគាត់គ្រាន់តែជា អ្នកស៊ីឈ្នួលដឹកប៉ុណ្ណោះ ហើយ ម្ចាស់ឈើប្រណិតទាំងអស់នោះ មិនជាតំណាងក្រុមហ៊ុនទ្រីភាព ទេ គឺជាលក្ខណៈឯកជនហើយ ពួកគេបានបង់ប្រាក់ជាកញ្ចប់ៗ ឱ្យទៅសមត្ថកិច្ចស្ថាប័នពាក់ព័ន្ឋ និងរដ្ឋបាលព្រៃឈើរួចរាល់ ហើយគឺរៀងរាល់ពេលដឹកចេញ ម្តងៗ ។ គាត់បានប្រាប់ទៀតថា ឈើទាំងនោះដឹកចេញពីផ្ទះ ក្រហម ឬ មេម៉ង់មក មានអ្នក រត់ការនិងកាងរហូតដល់ផ្លូវជាតិ ដែលមានឈ្មោះដូចខាងក្រោម ៈ ១.លោក ជា, ២.លោក ធី និង ឈ្មោះងួន ម៉ៅ ជាប៉េអឹម កូនចៅរបស់លោកសាក់សារ៉ាង មេបញ្ជាការកងរាជអាវុធហត្ថ ខេត្តមណ្ឌលគិរី។
ទាំងនេះគឺជាកំហុសឆ្គង របស់អាជ្ញាធរខេត្តមិនបានដាក់ បញ្ជាអោយបានតឹងរឹងក្នុងការ បង្ក្រាបបទល្មើសដឹកឈើប្រណិត ខុសច្បាប់ បែរជាបណ្តែត បណ្តោយឱ្យកូនចៅក្រោមឱវាទ ប្រព្រឹត្តអំពើពុករលួយអង្គុយចាំ តែទទួលសំណែនពីឈ្មួញដឹក ឈើទាំងអស់នោះ ជាពិសេសគឺ ឯកឧត្តម ឆេង គឹមស៊ុន ប្រតិភូ រាជរដ្ឋាភិបាលទទួលបន្ទុកផ្នែក រដ្ឋបាលព្រៃឈើទូទាំងប្រទេស គួរតែចាត់វិធានការយ៉ាងណាឱ្យ មន្ត្រីក្រោមឱវាទឬស្ថាប័នពាក់ ព័ន្ឋឱ្យអនុវត្តន៍បទបញ្ជាលេខ០១ របស់រា់ជរដ្ឋាភិបាលស្តីពីការទប់ ស្កាត់និងបង្ក្រាបការកស៊ីឈើ ប្រណិតខុសច្បាប់ឱ្យមានប្រសិទ្ធ ភាពខ្ពស់ ។
ម្យ៉ាងវិញទៀត សូមអោយ អាជ្ញាធរថ្នាក់ក្រោមរាយកាណ៍ ទៅថ្នាក់លើឱ្យដឹងផង ប្រសិន បើមានគំនាបផ្សេងៗពីសំណាក់ អ្នកមានអំណាចដូចជាបទល្មើស ជាក់ស្តែងក្រុមឈ្មួញទាំងនោះ ដឹកឈើឆ្លងកាត់ស្នាក់ការរង ការថ្មីដែនដីអភិរក្សជីវៈចំរុះនិង សាលាសហគមពូលាក៏គ្មានការ បង្ក្រាបដែរសូម្បីតែក្រុមឈ្មួញ ដឹកឈើទៅដាក់ក្បែរសាលា សហគមក៏ដោយនេះដោយសារ អាជ្ញាធរមានសមត្ថកិច្ចនិងស្ថាប័ន ពាក់ព័ន្ឋមានការឃុបឃិតគ្នាជាមួយឈ្មួញទុច្ចរិតទាំងនោះដែល ជាបរិវាជ្រកក្រោមឈ្មោះក្រុម ហ៊ុនទ្រីភាពដែលមានឈ្មោះ បីនាក់ខាងលើ មានភាពងាយ ស្រួលក្នុងការដឹកជញ្ជូន ។
បើតាមប្រភពព័ត៌មានពី ម្ចាស់ឈើវិញបានប្រាប់អ្នកសារ ព័ត៌មានឱ្យដឹងថាប្រសិនបើមាន ការឃាត់ ឬ ចាប់ឈើទាំងនោះ គឺឈ្មោះងួន ម៉ៅ ជាប៉េអឹម និង ឈ្មោះហាក់ សុខគា ជាតំណាង ក្រុមហ៊ុនរបស់លោកឧកញ្ញ៉ ទ្រាី ភាពជាអ្នកទទួលខុសត្រូវ ។ មិន ប៉ុណ្ណោះទៀតសោតរឿងមិនគួរ កើតប្រហែលជាពាក់កណ្តាល ខែមុនចូលឆ្នាំខ្មែរ២០១៤ ធ្លាប់ មានការបង្ក្រាបម្តងដោយមាន កម្លាំងប៉ូលិសសេដ្ឋកិច្ចសហការ ជាមួយមន្ត្រីរដ្ឋបាលព្រៃឈើបាន ចុះបង្ក្រាបហើយរិបអូសបានរថ យន្តម៉ាករ៉េវ ចំនួន ៤គ្រឿង យក ពីខាងក្នុងមកលុះមកជិតដល់ រដ្ឋបាលព្រៃឈើដោយក្រុមហ៊ុន ទ្រី ភាព នៅជិតគ្នាផងនោះ ។ ស្រាប់តែមានមនុស្សមួយក្រុម ប្រហែលជាង ១០នាក់ ប្រដាប់ ដោយអាវុធអាកា គ្រប់ដៃនាំគ្នា លើកកាំភ្លើងភ្ជុងតៃកុងរថយន្ត ឱ្យបើកចូលក្រុមហ៊ុនរបស់ឧកញ្ញ៉ា ទ្រីភាពតែម្តងធ្វើឱ្យអ្នកបើករថ យន្តភ័យហើយក៏បើករថយន្ត ចូល ក្រុមហ៊ុនទៅ ។
ចំណែកកម្លាំងប៉ូលិសសេដ្ឋ កិច្ចនិងផ្នែករដ្ឋបាលព្រៃឈើវិញ ហាក់ដូចជា ភ័យពេកក៏នាំគ្នា បើករថយន្តគេចបាត់អស់ទៅ នេះហើយជាមូលហេតុដែលនាំ ឱ្យអាជ្ញាធរមានសមត្ថកិច្ចគ្រប់ លំដាប់ថ្នាក់ដេកចាំតែទទួល លាភសក្ការៈទោះបីមានរថយន្ត ម៉ាកឡង់គ្រីស័រ រ៉េវ ឬប៉ាកុងដឹក ឈើប្រណិតខុសច្បាប់បើកកាត់ មុខប៉ុន្មានគ្រឿងក៏ដោយក៏ពួក គាត់មើលមិនឃើញដែរ លុះត្រា តែរថយន្តទាំងនោះ បែកកង់ ជាប់ផុងក្រឡាប់ឬគ្រោះថ្នាក់ ចរាចរដែលធ្វើឱ្យកកស្ទះផ្លូវ សាធារណៈទើបពួកគាត់ទៅ មើល ។ បើអស់មានគឺរថយន្ត បើក ចូលក្រុមហ៊ុនហើយទម្លាក់ ថ្លឹងវាស់វែងរួចរាល់ហើយ ទើប ឱ្យរថយន្តរបស់ក្រុមហ៊ុនទ្រីភាព នោះ ទយគូថចូលដាក់ឈើពេល ពេញរថយន្តហើយចង់ទៅច្រក ណា ស្រុកណា ខេត្តណាគឺមាន ឈ្មោះ គន់ មេការរបស់ក្រុមហ៊ុន ទ្រីភាពជាអ្នករត់ការតាមរថ- យន្តនោះឱ្យដល់គោលដៅគ្រប់ ពេល។
ចំណែកឯការពាក់ព័ន្ឋនិង ឈ្មោះ ងួន ម៉ៅ អ្នករត់ការ កាងបទល្មើសជាប៉េអឹមកូនចៅ របស់លោក សាក់ សារ៉ាង មេ បញ្ជាការកងរាជអាវុធហត្ថខេត្ត មណ្ឌលគិរីអ្នកសារព័ត៌មានបាន ព្យាយាមទំនាក់ទំនងទៅលោក សាក់ សារ៉ាង ដើម្បីសុំការបំភ្លឺ ប៉ុន្តែគាត់មិនព្រមទទួលទូរស័ព្ទ នោះទេ ។
សូមបញ្ជាក់ផងដែរថាឈើ ដែលដឹកចេញពីផ្ទះក្រហមឬ មេម៉ង់ ឆ្លងកាត់ស្នាក់ការថ្មីជា ដែនដីអភិរក្សនិងសាលាសហ គមន៍ពូលានៅចំនុចភូមិឃុំខាង លើមិនមែនស្ថិតនៅលើដែនដី សម្បទានរបស់ក្រុមហ៊ុនឧកញ្ញ៉ា ទ្រីភាពនោះឡើយ គឺជាដែនដី ជម្រករបស់រដ្ឋដែលរងផលប៉ះ ពាល់ដោយក្រុមឈ្មួញទុច្ចរិត ទាំងនោះ កាប់បំផ្លាញធ្វើឱ្យ វិនាសហិនហោចដល់ធនធាន ធម្មជាតិនិងប៉ះពាល់ដល់សង្គម ជាតិទាំងមូលផងដែរ ៕
ដោយ ៖ ហ៊ឹម ម៉ាត់
