ខេត្តបន្ទាយមានជ័យ ៖ ៨០ % នៃពលករចំណាក ស្រុកដែលទៅរកការងារធ្វើលើ ទឹកដីថៃតាមរយៈការប្រើប្រាស់ ប័ណ្ណឆ្លងដែន (Border pass) នៅច្រកទ្វារអន្តរជាតិប៉ោយប៉ែត បានសំដែងការខឹងសម្បានិង និយាយថា តម្លៃប័ណ្ណឆ្លងដែន សម័យលោក ស៊ឹម សំអាត ដែលឡើងជាមេប៉ុស្តិ៍នគរបាល ច្រកទ្វារព្រំដែនអន្តរជាតិប៉ោយ ប៉ែតជំនួសលោក សៅ ប៊ុនរិទ្ធ ថ្លៃកប់ពពក ។
ប្រភពពលករមកពីខេត្ត ចំនួន ៤ រួមមាន ៖ កំពង់ចាម, តាកែវ, កំពង់ស្ពឺ និងត្បូងឃ្មុំ សរុប ១៤ នាក់ និយាយថា ពួក ខ្លួនចាកចេញពីស្រុកកំណើតក្នុង គោលបំណងទៅធ្វើការលើទឹក ដីថៃវិញ ព្រោះទើបត្រូវរបប យោធាថៃចាប់បញ្ជូន កាលពី ចុងខែមិថុនា ២០១៤ ។
ពលករក្រុមនេះបន្តថា មុន ការឆ្លងដែនពីកម្ពុជាទៅប្រទេស ថៃតាមច្រកទ្វារអន្តរជាតិមួយ នេះពួកខ្លួនត្រូវចំណាយប្រាក់ ម្នាក់ៗរហូតដល់ទៅ ២.៣០០ បាតប្រាក់ថៃ គិតជាប្រាក់រៀល ខ្មែរប្រហែល ៣០ម៉ឺនរៀល ដោយការធ្វើនេះ តាមរយៈអ្នក រត់ការម្នាក់មិនស្គាល់អត្តសញ្ញាណ សោះ ។
ដោយឡែក ពលករមួយក្រុម ទៀត មកពីភូមិអូរក្របៅ ឃុំ មោង ស្រុកមោងឬស្សី ខេត្ត បាត់ដំបង ដែលកាន់ប័ណ្ណឆ្លង ដែន9បៀរដរេ ផាសសប នៅនិងដៃ ប្រុងឆ្លងចេញទៅប្រទេសថៃ តាមច្រកទ្វារអន្តរជាតិដដែល នេះបានអះអាងប្រាប់ក្រុមអ្នក យកព័ត៏មានថា ពួកគាត់បាន ចំណាយប្រាក់ម្នាក់ ១៨០០បាត ប្រាក់ថៃ គិតជាប្រាក់រៀលខ្មែរ ជាង២០ម៉ឺនទៅលើអ្នករត់ការ មុនទទួលបានប័ណ្ណឆ្លងដែននេះ។
ពួកគាត់បន្តថា ការធ្វើប័ណ្ណឆ្លងដែននៅព្រំដែនអន្តរជាតិ ប៉ោយប៉ែតងាយស្រួលបំផុត សម្រាប់ពួកគាត់ដោយពួកគាត់ គ្រាន់តែផ្ញើរប្រាក់និងរូបថតភ្ជាប់ មកជាមួយនៅអត្រានុគោល ដ្ឋានថតចម្លងតាមរថយន្តក្រុង ៣ ទៅ ៤ថ្ងៃ ក្រោយទទួលទូរស័ព្ទពីអ្នករត់ការឱ្យឡើងរថយន្ត ឆ្ពោះមកក្រុងប៉ោយប៉ែតទទួល បានប័ណ្ណឆ្លងដែនដោយមិនចាំ បាច់តម្រង់ជួរដូចអ្នកស្រុកអូរជ្រៅ និងក្រុងប៉ោយប៉ែតដែលគ្មានខ្សែ ទុយោឡើយ ។
ជុំវិញការធ្វើប័ណ្ណឆ្លងដែន នៅច្រកទ្វារអន្តរជាតិប៉ោយប៉ែត មានការរិះគន់ពីមជ្ឈដ្ឋាននានា ជាច្រើនថាសម័យលោក ស៊ឹម សំអាត ដែលទើបផ្លាស់ប្តូរពី ច្រកអន្តរជាតិដូងខេត្តបាត់ដំបង មកជំនួសតំណែងលោក សៅ ប៊ុនរិទ្ធ នៅច្រកទ្វារអន្តរជាតិ ប៉ោយប៉ែតនេះ មានករណីមិន ប្រក្រតីច្រើនរាប់មិនអស់ពោល គឺបំពានលើអនុក្រិត្យរបស់ប្រមុខ រាជរដ្ឋាភិបាលនិងពាក់ព័ន្ធនិង អំពើរពុករលួយខ្លាំងជាងសម័យ ខ្លាកំណាចបាក់ចង្កូម ពេជ្រ សា រ៉ន និងសម័យតោកំណាច សៅ ប៊ុនរិទ្ធ ទៅទៀត ។
គេចាំបានថា អនុក្រិត្យលេខ ៦៨ ចេញនៅឆ្នាំ២០០៣ និង ចុះហត្ថលេខាដោយនាយករដ្ឋ មន្ត្រី ហ៊ុន សែន មានមាត្រា ចំនួន ២ ក្នុងមាត្រា ចំនួន ៩ មាត្រា ០១ ចែងថា តម្លៃប័ណ្ណ ឆ្លងដែនម្នាក់ ២០ពាន់រៀល ស្មើ និង២ម៉ឺនរៀល ។ ហើយមាត្រា ០១ទៀត ចែងថាប័ណ្ណឆ្លងដែន អនុញ្ញាតិឱ្យធ្វើបានសម្រាប់តែ អ្នករស់នៅស្រុកក្រុងជាប់ព្រំដែន រួមមានស្រុកអូរជ្រៅនិងក្រុង ប៉ោយប៉ែតតែប៉ុណ្ណោះ ។ ប័ណ្ណ ឆ្លងដែននៅច្រកទ្វារអន្តរជាតិ ប៉ោយប៉ែតក្នុងសម័យគ្រប់គ្រង ដោយលោក ស៊ឹម សំអាត នេះ គេឃើញបានចេញឱ្យពលករមក ពីគ្រប់ខេត្តក្រុងទាំងអស់ក្នុង នោះតម្លៃក៍ថ្លៃកប់ពពកទៀត ពលករខ្លះអះអាងថា អស់ម្នាក់ ១.៥០០បាត និងខ្លះថា អស់ ១.៨០០បាត និងខ្លះថាអស់ ២៣០០បាតនិងខ្លះថាអស់រហូត ជិត៣០០០បាតក៏មានដែរ ។
ប៉ុស្តិ៍នគរបាលច្រកទ្វារព្រំ ដែនអន្តរជាតិប៉ោយប៉ែតសម័យ គ្រប់គ្រងដោយលោក ស៊ឹម សំអាត នេះមិនត្រឹមតែរងការ រិះគន់ថា បំពានលើអនុក្រិត្យ របស់ប្រមុខរាជរដ្ឋាភិបាលនិង ពាក់ព័ន្ធនិងអំពើពុករលួយនោះ ទេសំខាន់ការងារនៅអង្គភាព មួយនេះ ហាក់អនាធិបតេយ្យ បំផុតបានបណ្តោយឱ្យមានអ្នក រត់ការកាន់ឯកសារធ្វើប័ណ្ណឆ្លង ដែនឱ្យពលករក្នុងតម្លៃខ្ពស់និង ម្នាក់ៗទាំងបាច់ហើយគ្មានវិធាន ការទប់ស្កាត់ឡើយ ។
ដែលបញ្ហានេះត្រូវមជ្ឈដ្ឋាន នានាជាច្រើនរិះគន់ថា ថវិកា ចូលរដ្ឋបានតិចតួចផលប្រយោជន៍ ធំបានទៅបុគ្គល ប៉ុន្តែអ្នកដែល ទទួលអំរែកធ្ងន់ធ្ងរនិងរងការិះ គន់ពីក្រុមវាយប្រហារគឺប្រមុខ រាជរដ្ឋាភិបាល ៕
ដោយ ៖ កញ្ញា
