បាត់ដំបង ៖ ប្រជាពលរដ្ឋប្រទះឃើញ ថ្ងៃទី១២ខែសីហាឆ្នាំ២០១៤ មាន បុរសម្នាក់នាំប្រពន្ធកូនពីខេត្តព្រៃវែង មកលេងម្តាយក្មេកនៅបាត់ដំបងតូចចិត្តម្តាយក្មេកស្តីបន្ទោស និងមានជំងឺរ៉ាំរៃបានយកខ្សែអង្រឹងឡើងលើផ្ទះថ្មជាន់ទី២ ដែលគេកំពង់សាងសង់ចងកសម្លាប់ខ្លួនតាំងពីរសៀលថ្ងៃទី១០ខែសីហាឆ្នាំ២០១៤ ភូមិកម្មករសង្កាត់ស្វាយប៉ោក្រុងបាត់ដំបងដោយសាកសពមានសភាពហើមស្អុយទៅហើយ។
ឈ្មោះ រី រចនា អាយុ១៩ឆ្នាំកូនប្រុសជនរងគ្រោះបានឲ្យដឹងថា ក្រុមគ្រួសារខ្លួនមានឪពុក ម្តាយនិងកូនៗបានមកលេងផ្ទះយាយខាងម្តាយ នៅភូមិកម្មករសង្កាត់ស្វាយប៉ោ ក្រុងបាត់ដំបង កាលពីមុនថ្ងៃសែនក្បាលទឹក ថ្ងៃទី១០ ខែសីហា ។ ក្រោយហូបបាយពេលថ្ងៃត្រង់រហូតដល់ម៉ោង ១ ក៏បាត់ឪពុកមិនដឹងទៅណាមកណាទេបានជួលវិទ្យុផ្សាយ រកតែមិនឃើញត្រឡប់វិលវិញ ។ លុះនៅព្រឹកថ្ងៃទី១២ ខ្លួនក៏ដើររកឪពុកទៀតស្រាប់តែប្រជាពលរដ្ឋថា ឃើញបុរសម្នាក់ចងកខ្លួនក៏ឡើងទៅលើផ្ទះថ្មដែលគេសាងសង់មិនទាន់ជាន់ទី ២ ក៏ប្រទះឃើញគាត់ចងកនឹងខ្សែអង្រឹងស្លាប់នៅក្រោមជណ្តើរបន្ទាប់មកខ្លួនក៏រាយការណ៍ប្រាប់សមត្ថកិច្ចមកត្រួតពិនិត្យសាកសព ។ ឪពុកខ្លួនមានជំងឺប្រចាំកាយជាច្រើនប្រភេទ ហើយគាត់ត្រូវចាញ់បោកគេអស់ប្រាក់ជាច្រើនមិនអាចទាគេវិញបាន និងទទួលការស្តីបន្ទោសពីអ្នកផ្សេងផងក៏គិតខ្លីចងសម្លាប់ខ្លួនតែម្តង ។
លោកអាត់រីមន្ត្រីផ្នែកកោសល្យវិច័យនិងបច្ចេកទេសវិទ្យាសាស្ត្រក្រុងបាត់ដំបងបានឲ្យដឹងថាសពបុរសជនរងគ្រោះមានឈ្មោះទ្រីសុខាអាយុ៤៣ឆ្នាំមានស្រុកកំណើតនៅភូមិតាហ៊ុយឃុំត្រពាំងប្រាសាទស្រុកពាមជរខេត្តព្រៃវែងទើបមកស្នាក់នៅផ្ទះម្តាយក្មេកមុនបុណ្យសែនក្បាលទឹក។វត្ថុតាងសពមានខ្សែអង្រឹងប្រវែង ២ ម៉ែត្រ ជាប់កកំពស់១ម៉ែត្រផុតពីការ៉ូ ។
លោក អាតិរី បានបញ្ជាក់ថា ក្រោយពីធ្វើកោសលវិច័យសមត្ថកិច្ចរកមិនឃើញស្លាកស្នាមអ្វីផ្សេងឡើយ សន្និដ្ឋានថា សាកសពពិតជាស្លាប់ដោយសារចងកសម្លាប់ខ្លួនពិតប្រាកដមែន មិនមានអំពើឃាតកម្មអ្វីផ្សេងទេ ។ សាកសពត្រូវបានប្រគល់ឲ្យក្រុមគ្រួសារយកទៅធ្វើបុណ្យតាមប្រពៃណី ៕
