ខេត្តកំពង់ធំ ៖ លោកវរៈសេនីយ៏ត្រី ញ៉ែម ឈុនលី អធិការដ្ឋាននគរបាលក្រុងស្ទឹងសែនបានឲ្យដឹងថា ដោយបានទទួលបទបបញ្ជាពី លោកឧត្តមសេនីយ៏ត្រី ជូ សំអាន ស្នងការដ្ឋាននគរបាលខេត្តកំពង់ធំ និងលោកវរៈ សេនីយ៏ឯក កែ ខាន់ណារ៉ា ស្នងការរងទទួលបន្ទុកព្រហ្មទ័ណ្ឌ កំលាំងនៃអធិការដ្ឋានគរបាលក្រុងស្ទឹងសែ នធ្វើការឃាត់ខ្លួនជនសង្ស័យដែលជាមុខសញ្ញាលួច និងប្លន់ម៉ូតូប្រជាពលរដ្ឋបាន១នាក់ កាលពីរសៀល ថ្ងៃទី០១ ខែសីហា ឆ្នាំ២០១៤ នៅចំនុចមុខសណ្ឋាគារសំបូព្រៃគុបជិតគល់ស្ពានកំពង់ធំ និងដកហូតបាន អាវុធខ្លី១ដើម ម៉ាក K54 AH35631953 ដែលមានគ្រាប់ចំនួន៨គ្រាប់ និងបង់កាំភ្លើង១ ។
នៅចំពោះមុខសមត្ថ កិច្ចជនសង្ស័យបានសារភាពថា ខ្លួនឈ្មោះ ព្រំ សំអុល ភេទប្រុស អាយុ៣៩ឆ្នាំរស់នៅភូមិទឹកម្លាង ឃុំសណ្តាន់់ ស្រុកសណ្តាន់ ធ្លាប់ជាប់គុក១ដង ពីបទលួចម៉ូតូប្រជាពលរដ្ឋ លុះចេញពីគុកមកវិញ នៅក្នុងចុងខែមិថុនា ឆ្នាំ២០១៤ រូបខ្លួនក៏បានលួចយកកាំភ្លើងខ្លីម៉ាក K54 ខាងលើនេះ ពីឈ្មោះ វុធ ជាអ្នករកស៊ីនៅខេត្តកំពង់ចាម ក្រោយមករូបគេមិនបានចាំថ្ងៃខែនោះទេ! គេក៏បានយកកាំផ្លើងខ្លីដែលលួចបាននោះ ទៅធ្វើសកម្មភាពភ្ជង់ប្លន់យកម៉ូតូម៉ាកវេវអាល់ហ្វាពណ៌ខ្មៅ គ្មានផ្លាកលេខពីបុរសមិនស្គាល់ឈ្មោះ១នាក់ នៅចំនុច ភូមិបឹង តំបន់ក្បាលជ្រូក ស្ថិតក្នុងឃុំមានរិទ្ធ ស្រុកសណ្តាន់យកមកជិះមិនទាន់បាន់ប៉ុន្មានថ្ងៃផង ម៉ូតូនោះ ក៏ត្រូវគេលួចបន្តរទៀតបាត់ទៅ!មុនពេលឃាត់ខ្លួនរូបគេបានមករងចាំជិះរថយន្តនៅចំនុចគល់ស្ពានកំពង់ធំ ក្នុងគោលបំណងធ្វើដំនើរទៅកាន់តំបន់៩៩ ក្នុងភូមិសាស្ត្រស្រុកសណ្តាន់វិញ ក៏ត្រូវសមត្ថ កិច្ចចាប់ខ្លួនតែម្តងទៅ!
លោកវរៈសេនីយ៏ឯក កែ ខាន់ណារ៉ាស្នងការងទទួលបន្ទុកព្រហ្មទណ្ឌបានឲ្យដឹងផងដែរថា!បន្ទាប់ ពីបានទទួលពាក្យបណ្តឹងពី ខាងជនរងគ្រោះ លោក ឧត្តមសេនីយ៏ត្រី ជូ សំអានស្នងការនៃស្នកការដ្ឋាន នគរបាលខេត្តកំពង់ធំបានដាក់បទបញ្ជាឲ្យតាមដានស្រាវជ្រាវរកមុខសញ្ញាចាប់ជនសង្ស័យយកមកផ្តន្ទាទោសទៅតាមផ្លូវច្បាប់ឲ្យ ខាងតែបាន រហូតមកដល់ ថ្ងៃទី០២ ខែសីហា ឆ្នាំ ២០១៤ ជនសង្ស័យឈ្មោះ ព្រំ សំអុល ត្រូវបានចងក្រងសំនុំរឿងបញ្ជូនបន្តរទៅកាន់សាលាតំបូងខេត្ត និង ឲ្យទៅសម្រាកនៅក្នុងពន្ធនាគារសាជាថ្មីម្តងទៀត! ៕
