បាត់ដំបង ៖ យុវជនម្នាក់ចាប់ខ្លួនពីបទរំលោភសេពសន្ថវៈ តាមដីកាលេខ២៤អក/២០១ដីការ បញ្ជាអោយចូលខ្លួនចេញដោយលោក នួន សាន ព្រះរាជអជ្ញាអមសាលាដំបូងខេត្តបាត់ដំបង ចុះថ្ងៃទី៣១ ខែកក្កដា ឆ្នាំ២០១៤ ។ ជនសង្ស័យត្រូវបានចាប់ខ្លួននៅផ្ទះកាលពីព្រឹកថ្ងៃទី៤ខែសីហាឆ្នាំ២០១៤នៅភូមិថ្មីឃុំព្រៃតូចស្រុកមោងឬស្សីខេត្តបាត់ដំបង។
ជនសង្ស័យឈ្មោះ វឿត វណ្ណា ហៅ ប៉ោង បានបដិសេធថា មិនបានពាក់ព័ន្ធករណីចាប់រំលោភទេ ។
មន្ត្រីអនុវត្តដីការបានអោយដឹងថាតាមដីការលោកនួនសានព្រះរាជអជ្ញាអមសាលាដំបូងខេត្តបាត់ដំបង មានខ្លឹមសារដូចតទៅ (ក្រោយពីប្រព្រឹត្តបទល្មើសជនសង្ស័យ ឈ្មោះ វឿត វណ្ណា ហៅ ប៉ោងអាយុ១៩ឆ្នាំ នៅភូមិថ្មីឃុំព្រៃតូចស្រុកមោងឬស្សី ខេត្តបាត់ដំបង បានគេចខ្លួនពីមូលដ្ឋានមិនដឹងទៅទីណាក្រោយមកសមត្ថកិច្ចស្រាវជ្រាវ ទើបដឹងថា ជនសង្ស័យទៅស្នាក់នៅភ្នំពេញ។ ដើម្បីធ្វើការបំភ្លឺបណ្តឹងស្រេងវន្នីគប្បីឈ្មោះ វឿត វណ្ណា ហៅ ប៉ោងចូលមកបំភ្លឺការពិតនៅអយ្យការអមសាលាដំបូង ខេត្តបាត់ដំបង។ ហេតុនេះ គប្បីចេញដីកាបញ្ជាអោយចូលខ្លួនដើម្បីអោយឈ្មោះវឿតវណ្ណា ហៅប៉ោងមកបំភ្លឺនៅអយ្យការអមសាលាដំបូងខេត្តបាត់ដំបងពាក់ព័ន្ធពីបទ រំលោភសេពសន្ថវៈ) ។
មន្ត្រីអនុវត្តដីការបានអោយដឹងថា កាលពីចុងខែមិនាឆ្នាំ២០១៤ជនសង្ស័យឈ្មោះវឿត វណ្ណា ហៅ ប៉ោង មានរបរបើកបររថយន្តក្រុងបានរំលោភក្មេងស្រីអាយុ ១៤ ឆ្នាំ នៅចំណុចភូមិដំណាក់ហ្លួងសង្កាត់វត្តគក្រុងបាត់ដំបងហើយគេចខ្លួនបាត់។ បច្ចុប្បន្នជនសង្ស័យត្រូវឃាត់ខ្លួនបញ្ជូនទៅតុលាការ នាព្រឹកថ្ងៃទី៥ ខែសីហា ឆ្នាំ២០១៤ ចាត់ការតាមនិតិវិធី ៕
