បាត់ដំបង ៖ កាលពីម៉ោង១០យប់ថ្ងៃទី២៨ខែកក្កដាឆ្នាំ២០១៤នៅចំណុចដំណាក់ចេកភូមិស្ពានយោលឃុំជ្រៃសីមាស្រុកសំពៅលូន។ ស្ត្រីម្នាក់ពេលប្តីចេញទៅផឹកស៊ីយូរពេកត្រូវបុរសម្នាក់ស្រវឹងឡើងចាប់រំលោភសម្រេច១ដងដៅយគំរាមអ្នកផ្ទះមិនអោយស្រែក ។
លោកគឹមវាសនាមេបញ្ជាការអាវុធហត្ថស្រុកសំពៅលូនបានអោយដឹងថាបុរសសង្ស័យដែលសមត្ថកិច្ចឃាត់ខ្លួនមានឈ្មោះអុលសុភ័ក្រអាយុ២១ឆ្នាំមានទីកន្លែងកំណើតភូមិឃុំអរិយក្សត្រស្រុកល្វាឯមខេត្តកណ្តាល។បច្ចុប្បន្នស្នាក់បណ្តោះអាសន្ននៅចំណុចដំណាក់ចេកភូមិស្ពានយោលឃុំជ្រៃសីមាស្រុកសំពៅលូន។ចំណែកស្ត្រីរងគ្រោះមានឈ្មោះគសអ អាយុ ១៨ ឆ្នាំ មានប្តីមិនទាន់មានកូន ។
ឈ្មោះ អុល សុភ័ក្រ ជន សង្ស័យបានសារភាពថា កាលពីយប់ថ្ងៃទី២៨ ខែកក្កដា ខ្លួននិងបក្សពួក២នាក់ទៀតបានស៊ីផឹកជុំគ្នាអស់ស្រា៥លីត្រ ទើបឈប់បែកផ្លូវគ្នា ។ ខ្លួនពេលស្រវឹងបាននឹកដល់នារីរងគ្រោះ កាលមិនទាន់មានប្តី បានលួចស្រលាញ់នាងហើយនៅយប់នោះដឹងថាប្តីនាងចេញទៅស៊ីផឹកខាងក្រៅ មិនទាន់ចូលផ្ទះទេ ក៏បានដើរសំដៅទៅផ្ទះនាង ។ ពេលឡើងដល់ផ្ទះ នាងបានឃើញឈ្មោះ ជិន សំអនជាឪពុកក្មេកជនរងគ្រោះ កំពុងស្រវឹងដែរ និងក្មេងតូចៗ៤នាក់ ជាប្អូនក្មួយជនរងគ្រោះ ដេកក្នុងម៉ុងជាមួយនាង ។ ពេលនោះ ខ្លួនបានសម្លុតអោយឪពុកក្មេកនាងបិតភ្លើងនិងក្មេងទាំងនោះកុំអោយស្រែក បន្ទាប់មកខ្លួនក៏អូសដៃនាងចេញពីក្នុងម៉ុងមករំលោភក្បែរទ្វារហូតបានសម្រេច១ដង ។ ស្រាប់តែពេលនោះ ឈ្មោះ វិន ភាព ជាម្តាយក្មេកនាងមកទាន់បានស្រែកឆោរឡោរទាំងយប់ ខ្លួនភ័យខ្លាចពេកក៏លោតចុះពីលើផ្ទះរត់គេចខ្លួនតែម្តង ។ លុះម៉ោង៨និង៣០នាទីព្រឹកថ្ងៃទី២៩ខែកក្កដាឆ្នាំ២០១៤ត្រូវកម្លាំងអាវុធហត្ថឃាត់ខ្លួន នៅចំណុចភូមិអូរកណ្តោលឃុំសន្តិភាពស្រុកសំពៅលូនតែម្តង ។
បុរសសង្ស័យត្រូវកម្លាំងអាវុធហត្ថស្រុកឃាត់ខ្លួន កាលពីម៉ោង ៨ និង ៣០ នាទី ព្រឹកថ្ងៃទី២៩ ខែកក្កដា ឆ្នាំ២០១៤នៅចំណុចភូមិអូរកណ្តោល ឃុំសន្តិភាព ស្រុកសំពៅលូន និងបញ្ជូនទៅទីបញ្ជាការអាវុធហត្ថខេត្តនៅល្ងាចថ្ងៃដដែល។
លោក គឹម វាសនា បានបញ្ជាក់ថា ជនសង្ស័យត្រូវបានកសាងសំណុំរឿងបញ្ជូនទៅកាន់ទីបញ្ជាការអាវុធហត្ថខេត្ត ល្ងាចថ្ងៃទី២៩ ខែកក្កដា ឆ្នាំ២០១៤ដដែចាត់ការតាមផ្លូវច្បាប់ ៕
