ផ្ទះ១ខ្នងទំហំ៥ម គុណ៧ម ត្រូវបានលោកឧត្តមសេនីយ៏ត្រី ហង្ស ថុល មេបញ្ជាការកងរាជអាវុធហត្ថខេត្តកំពង់ធំ និងលោកវរៈសេនីយ៏ត្រី លក វង្ស មេបញ្ជាការកងរាជអាវុធហត្ថស្រុកសណ្តាន់ ព្រមជាមួយសហការរីសាងសង់ជូនប្រជា ពលរដ្ឋក្រីក្រលំបាកស្ថិតនៅក្នុងភូមិងន ឃុំងន ស្រុក សណ្តាន់ កាលពីថ្ងៃទី ២៥ ខែ កក្កដា ឆ្នាំ ២០១៤!
លោក វរសេនីយ៍ត្រី លក វង្ស មេបញ្ជាការមូលដ្ឋានកងរាជអាវុធហត្ថសណ្តាន់បានឲ្យដឹងដែរថា ដោយមើលឃើញពី ទុក្ខលំបាក កំសត់វេទនា ក្រីក្រតោកយ៉ាករបស់លោកយាយ ឈ្មោះ ព្រំ រ៉េត អាយុ៧២ ឆ្នាំ រស់នៅក្នុងខ្ទមកំសត់ជាមួយនិងចៅ កំសត់២នាក់ ដែលត្រូវម្តាយបង្កើតទុកចោលរត់ទៅយកប្តីថ្មី ធ្វើឲ្យបុរសជាប្តីដែលធ្លាប់មានជំងឺវិកល់ចរិកពីមុនមកផងនោះ ក្លាយ ខ្លួនជាមនុស្សឆ្កួតលីលាលែងដឹងខុសត្រូវអ្វីទាំងអស់នៅពេលដែលរោគាធ្វើទុក្ខម្តងៗ ឲ្យតែមានសត្វឬក៏មនុស្សទៅជិតគឺចាប់បាន ហែកស៊ីឆៅ ។ ហេតុដូច្នេះហើយបុរសនោះក៏ត្រូវបានឪពុកម្តាយចាប់ដាក់ច្រវ៉ាក់កដៃកជើង កុំឲ្យដើរបង្ករឿង ព្រោះពួកគាត់គ្រាន់តែ ដើរសង់ប្រាក់គេ នៅពេលណាកូនប្រុសសសៃរប្រសាទ បង្ករឿងម្តងៗនោះឡើងធ្លាក់ខ្លួនក្រលំបាកតោកយាក!ឃើញដូច្នេះលោកក៏បានរាយការណ៍ជូន លោកឧត្តមសេនីយ៍ត្រី ហង្ស ថុល មេបញ្ជាការកងរាជអាវុធហត្ថខេត្ត ដើម្បីចុះជួយទៅដល់គ្រួសារ ក្រីក្រនេះរួមមានផ្ទះ១ខ្នងទំហំ៥ម គុណ៧ម ធ្វើអំពីឈើប្រកស័ង្កសីដោយចំណាយទឹកប្រាក់អស់ចំនួន១០លានរៀល ក្នុងនោះដែរ លោកឧត្តមសេនីយ៍ត្រី ហង្ស ថុល លោកក៏បានជួយឧបត្ថម្ភនូវថវិការផ្ទាល់ខ្លួនបន្ថែមចំនួន១០០$ រួមជាមួយអង្ករ១០០គីឡូ សារុង៥ ក្រម៉ា២ កន្ទេល មុង ភួយខ្នើយ ចានឆ្នាំ ទឹកត្រី ទឹកស៊ីអ៊ីវ និងសម្ភារៈជាច្រើនសរុប៣៣មុខទៀតជូនដល់លោកយាយ!
លោកយាយឈ្មោះ ព្រំ រ៉េត អាយុ ៧២ឆ្នាំ បានឲ្យដឹងថា ប្តីរបស់គាត់បានស្លាប់ ច្រើនឆ្នាំមកហើយសព្វថ្ងៃរស់នៅជាមួយចៅ ២នាក់ ទី១ឈ្មោះ ជិន សៅ ប្រុសអាយុ៦ឆ្នាំ និងទី២.ឈ្មោះ ចាន្ធី ភេទស្រី អាយុ៣ឆ្នាំ ក្នុងខ្ទមតូចនេះ គឺជាកម្មសិទ្ធិរបស់ដន្លង គាត់ ឈ្មោះ កែវ ទិត និងប្រពន្ធឈ្មោះ អ៊ុង ហ៊ឺ នៅក្នុងភូមិងន ឃុំងន ស្រុកសណ្តាន់ ដែលមានកូនវិកលចរិកកំពុងជាប់ច្រវ៉ាក់ ហើយក៏ត្រូវជាកូនប្រសារប្រុសរបស់លោកយាយផងដែរ!បន្ទាប់ពីលោកយាយបានទទួលនូវផ្ទះព្រមជាមួយនិងសម្ភារៈទាំងអស់នេះហើយមានចិត្តត្រេកអរឥឧបមារកអ្វីមកប្រៀបផ្ទឹមពុំបានដោយមិននឹកស្មានសោះថានៅក្នុងចាកជីវិតចុងក្រោយលោកយាយបានសម្រានយ៉ាងលក់ស្កប់ស្កល់នៅលើផ្ទះដ៏សម្រមសម្រាប់ជីវិតយ៉ាងដូច្នេះសោះ ហើយក៏បានលើម្រាមដៃទាំង១០សូមបួងសួង ដល់អស់វត្ថុ សក្តិសិទ្ធក្នុងលោក សូមមេត្តាតាមជួយបីបាច់ថែរក្សាដល់លោកឧត្តមសេនីយ៍ត្រី ហង្ស ថុល មេបញ្ជាការកងរាជអា វុធហត្ថខេត្តកំពង់ធំ និងលោក វរសេនីយ៍ត្រី លក វង្ស មេបញ្ជាការមូលដ្ឋានកងរាជអាវុធហត្ថសណ្តាន់ ព្រមទាំងសហការីដែលបានជួយសាងសង់ផ្ទះនិងពាំនាំមកនូវសម្ភារៈជាច្រើនជូនដល់គាត់ដែលកំពុងតែមានទុក្ខលំបាកវេទនា!
ជាមួយគ្នានេះដែរលោកវរសេនីយ៏ឯក ឈាង សុខុម មេបញ្ជាការរងអាវុធហត្ថខេត្ត ជំនួសមុខឲ្យលោកឧត្តមសេនីយ៏ត្រី ហង្ស ថុល ក៏បានមានប្រសាសន សំណេះ សំណាលថាដោយទទួលបានបទបញ្ជាពីឯកឧត្តម នាយឧត្តមសេនីយ៍ សៅ សុខា អគ្គមេបញ្ជាការរងនៃកងយោពលខេមរៈភូមិន្ទ និងជាមេបញ្ជាការកងរាជ អាវុធហត្ថលើផ្ទៃប្រទេស តាមបណ្តាអង្គភាពកងរាជអាវុធហត្ថទូទាំងប្រទេសធ្វើយ៉ាងណាត្រូវយកចិត្តទុកដាក់លើការងារចុះជួយដល់ប្រជាពលរដ្ឋដែលជូបការលំបាកខ្វះខាត នោះលោក មេបញ្ជាការមូលដ្ឋានកងរាជអាវុធហត្ថស្រុកសណ្តាន់ក៏មានគំនិតជួយសង់ផ្ទះ១ខ្នង ដែលមានទំហំទទឹង ៥ម៉ែត្រ និង បណ្តោយ ៧ម៉ែត្រ ធ្វើអំពីឈើ ប្រក់ស័ង្សស័ង្កសី រួមជាមួយនិងអំណោយ ថវិការ គ្រឿងឧបភោគបរិភោគ និងសំភារៈប្រើប្រាស់ទាំងអស់នេះជូនដល់ លោកយាយ សូមលោកយាយថែរក្សា និងប្រើប្រាស់ឲ្យបានសម្រមទៅតាមសេចក្តីត្រូវការរបស់លោកយាយចុះ ៕
