ក្រុងប៉ោយប៉ែត ÷ ភាពគ្មានសណ្ដាប់ធ្នាប់លើដងផ្លូវជាតិលេខ ០៥ ក្នុងក្រុងប៉ោយប៉ែតខេត្តបន្ទាយមានជ័យ ដែលកើតចេញពីការចតម៉ូតូ នឹងម៉ូតូកង់បី ដើម្បីចាប់ដណ្ដើមម៉ូយចុះពីរថយន្ដក្រុង បានកើតមានភាពប្រសេចប្រសាច យ៉ាងអនាធិបតេយ្យបំផុតការប៉ះពាល់ដល់ សណ្ដាប់ធ្នាប់ធ្វើឱ្យអ្នកដំណើរ រអ៊ូរទាំស្ទើជារៀងរាល់ថ្ងៃ សមត្ថកិច្ចពិសេស អាជ្ញាធរក្រុងគួរមានវិធានការ ណាមួយហើយ ។
ការចតរថយន្តតូចធំ ម៉ូតូនឹងម៉ូតូកង់បីបែបអានាធិបតេយ្យតាមចាប់ដណ្ដើមម៉ូយជាអ្នកដំណើរដែលចុះពីរថយន្ដក្រុងដឹកអ្នកដំណើរដែលមានទីតាំងតាមដងផ្លូវជាតិលេខ០៥ហើយបញ្ហាខាងលើនេះធ្វើឱ្យអ្នកដំណើរធ្វើការរអ៊ូរទាំរាល់ថ្ងៃផងដែរ។
សូម្បីតែការចតយានយន្ដម៉ូតូនឹងម៉ូតូកង់បីចាប់ដណ្ដើមម៉ូយពលករចំណាកស្រុកប្រថុយប្រថានខុសច្បាប់ ទៅតាមររយះក្រុមមេខ្យល់ ដែលត្រូវបានភាគីថៃ សមត្ថកិច្ចចាប់បញ្ជូនមកកាន់អាជ្ញាធរខ្មែរ បញ្ជូនមកកាន់មាតុភូមិកម្ពុជាវិញ ឱ្យប៉ូលិសអន្ដោរប្រវេសន៍នៅក្បែរចំណតរង្វង់មូលច្រកទា្វរអន្ដរជាតិប៉ោយប៉ែត និងនៅចំណុចផ្សារមង្គលថ្មី ជាដើម ក៏ដូចគ្នាដែរគឺការចាប់ដណ្ដើមម៉ូយពលករប្រទីងប្រទង់ពេញតាមដងផ្លូវហើយត្រូវគេចតលើដងផ្លូវជាតិលេខ០៥ប្រៀបដូចជាចំណតរថយន្ដទៅហើយម៉ូតូនឹងម៉ូតូកង់បីរហូតអាចដល់ការកក់ស្ទះផងដែរ។
បើតាមការអះអាងពីភ្ញៀវអន្តរជាតិ ជនកាណាដា ប្រាប់ថា រូបគាត់បានឆ្លងកាត់ពីប្រទេសថៃ មកកម្ពុជាតាមច្រកទ្វារអន្តរជាតិប៉ោយប៉ែត នៅពេលគាត់បានមកដល់ចំណុចរង្វង់មូល ឃើញរូបភាពគ្មានសណ្តាប់ធ្នាប់ រថយន្ត ម៉ូតូចត ត្រៀបត្រាពេញតែដងផ្លូវជាតិ ហាក់បីជាគ្មានសមត្ថកិច្ចនគរបាលចរាចរណ៍ រៀបសណ្តាប់ធ្នាប់សោះ រហូតរូបគាត់ប៉ិះ នឹងត្រូវរថយន្តបុកពីក្រោយ ព្រោះតែគាត់សម្លឹងរកមើលរថយន្តតាក់ស៊ី ទៅកាន់ខេត្តសៀមរាប ដើម្បីទស្សនាមើលប្រាសាទអង្គវត្តដែលល្បីល្បាញពេញសកលលោកយើងនេះ ។ រូបគាត់បានបន្តថា នេះជាលើកទី១ហើយដែលរូបគាត់បានមកកាន់ប្រទេសកម្ពុជា និងជាលើកដំបូងដែរ ឃើញចំណុចរង្វង់មូលនេះគ្មានសណ្តាប់ធ្នាប់សោះ ធ្វើឲ្យរូបគាត់ហួសចិត្តយ៉ាងខ្លាំងចំពោះបញ្ហានេះ។
ប្រជាពលរដ្ឋជាច្រើននាក់បានស្រែកប្រាប់អ្នកសារព័ត៌មានថា សូមជួយផ្សព្វផ្សាយព័ត៌មាននេះផង សព្វថ្ងៃនេះគឺមានការកក់ស្ទះចរាចរណ៍ និងការចតរថយន្ត គ្មានសណ្តាប់ធ្នាប់ ជាពិសេសរថយន្តប្រភេទយីឌុប ចតតាមផ្លូវបេតុង ផ្លូវជាតិលេខ៥ គ្មានការយោគយល់ពីសុវត្ថិភាពចំពោះប្រជាពលរដ្ឋអ្វីសោះ គាត់បានសំណូមពរឲ្យលោក អាត់ ខែម ជាស្នងការខេត្តទើបតែឡើងថ្មី មេត្តាគិតគូរពីបញ្ហាខាងលើនេះ កុំពេលបានឡើងកាន់តំណែងហើយជាស្នងការខេត្ត មិនគិតពីបញ្ហាទាំងអស់នេះ ពួកគាត់បានបន្ត នៅក្នុងខេត្តបន្ទាយមានជ័យ គេសង្កេតឃើញថា បទល្មើស ជាច្រើន ដូចជា ការលួចនាំចូល ចេញឆ្លងដែនខុសច្បាប់ ល្បែងស៊ីសងគ្រប់ប្រភេទ ហ្គេមអ៊ីនធ័រណេតរាប់សិបកន្លែង ជាពិសេសការលួចឆក់ ប្លន់ គ្រឿងញៀនកំពុងតែរីកដុះដាលឡើងវីញ ជាងកាលសម័យលោក ខេង ស៊ុំ អតីតស្នងការខេត្តបន្ទាយមានជ័យ មិនសូវមានបទល្មើសខាងលើច្រើនជាងនោះសោះ គឺមានតែបង្ក្រាបជារឿយៗ ជាពិសេសនាំប្រជាពលរដ្ឋឲ្យយល់ពីភូមិឃុំមានសុវត្ថិភាពជារៀងរាល់ថ្ងៃផងដែរ។
ជាពិសេសទៅទៀតផងថាចំណែកលោក សៅ សារឿងនាយផ្នែកសណ្តាប់ធ្នាប់នៃអធិការដ្ឋាននគរបាលក្រុងប៉ោយប៉ែតគួរតែមើលពីបញ្ហាខាងលើខ្លះផងប្រហែលជារូបលោកបានទទួលចំណែកក្នុងចតយានយន្ត ម៉ូតូ និងម៉ូតូកងបីទាំងនេះហើយមើលទៅ ។
ជុំវិញបញ្ហាខាងលើនេះអ្នកដំណើរបានទទួលសុំឱ្យអាជ្ញាធរនិងសមត្ថកិច្ចក្រុងមេត្ដាជួយមានវិធានការផងកុំបណ្ដោយឱ្យនៅបែបហ្នឹងព្រោះជាច្រកទ្វារអន្តរជាតិទេសចរណ៍ដ៏សំខាន់មួយនៃព្រះរាជាណាចក្រកម្ពុជា៕
