ខេត្តបន្ទាយមានជ័យ ៖ ប្រជាពលរដ្ឋរស់នៅតាមព្រំ ដែនកម្ពុជាថៃបានសម្តែងនូវក្តី ព្រួយបារម្ភចំពោះសកម្មភាពអ្នក រកស៊ីម៉ូតូក្តៅគេចពន្ធនាំចូលមកពីប្រទេសថៃតាមច្រករបៀង នានាក្នុងខេត្តបន្ទាយមាជ័យមក លក់នៅលើទីផ្សារកម្ពុជា ។ ម៉ូតូ គេចពន្ធទាំងនោះសុទ្ធសឹងតែ ប្រភេទម៉ូតូសេរីថ្មីពេញនិយមដូច ជា ស្កូពី អាយខុន ភីស៊ីអិច ឃ្លិក និងអេហ្សិតជាដើម ៘
ប្រជាពលរដ្ឋបានឱ្យដឹងទៀតថា ក្នុង១យប់ៗមានការនាំ ចូលមិនតិចជាង ៥០គ្រឿងនោះ ទេ ចំណែកក្រុមអ្នករកស៊ីម៉ូតូ ក្តៅបានទម្លាយឱ្យដឹងថា ម៉ូតូ សេរីទំនើបដែលនាំចូលពីប្រ- ទេសថៃនោះមានតម្លៃយ៉ាង ទាបបំផុតក៏ត្រឹម ៣៧.០០០ បាត ទៅ៥ម៉ឺនបាតដែរ ទៅតាម សេរីរបស់វា ។ ហើយច្រករបៀង ដែលនាំចូលម៉ូតូរួចពន្ធបានទាំង នោះមានរបៀងស្រុកមេឡៃ ត្រង់ចំណុចទន្សាយអើត ស្ថិត ក្នុងភូមិទន្សាយអើត ឃុំទួលពង្រ ស្រុកមេឡៃ ខេត្តបន្ទាយមាន ជ័យ ហើយមួយចំនួនទៀតនៅ តំបន់បឹងត្រកួនស្រុកថ្មពក ស្រុក ស្វាយចេក និងស្រុកអូរជ្រៅ រួម ទាំងក្រុងប៉ោយប៉ែតមួយចំនួន ផងដែរ ។ ចំណែកក្រុមអ្នករកស៊ី ម៉ូតូក្តៅទាំងនោះបានបង្ហើបមក ថា ម៉ូតូ ១ គ្រឿង ពួកគេត្រូវ រៀបចំសួយអាករជូនសមត្ថកិច្ច គ្រប់ស្ថាប័នមានទាំងប៉ូលីសេដ្ឋ កិច្ចខេត្តផងដែរ ហើយកាដូ នោះមិនក្រោមពី ៥០ដុល្លារទេ ក្នុង១គ្រឿងៗ បើមិនស៊កសៀត ខ្លះទេមុខជាត្រូវចាប់ផាក់ពិន័យ ធ្ងន់កហើយ ។
ចំពោះកាតព្វកិច្ចពន្ធរដ្ឋ ដែលត្រូវបង់នោះម៉ូតូ១គ្រឿង តម្លៃស្មើ និង២,៨០០,០០០ រៀល(ពីរលានប្រាំបីសែនរៀល) ជិត៧០០ដុល្លារនេះ បើគិតជា មធ្យមភាគ ១ឆ្នាំ ម៉ូតូគេចពន្ធ ដែលមន្ត្រីគយបង្ក្រាបបានពី ឈ្មួញស្មើនិង៧២០គ្រឿង ។
ដូច្នេះប្រាក់ចំណូលពន្ធរដ្ឋ បានមកពីការបង្ក្រាបលើម៉ូតូរួច ពន្ធនៅក្នុងខេត្តបន្ទាយមានជ័យ នោះស្មើនិង៥០៤០០០ដុល្លារ សហរដ្ឋអាមេរិកក្នុង១ឆ្នាំ នេះ បើតាមការអះអាងពីមន្ត្រីគយ ក្រសួងខាងលើ ។
គេបានសង្កេតឃើញម៉ូតូ គេចពន្ធចេញតាមច្រករបៀង នានា ក្នុងខេត្តបន្ទាយមានជ័យ និងតាមបណ្តាស្រុកជាប់ព្រំដែន មួយចំនួនទៀតហើយក្រុមឈ្មួញ លក់ម៉ូតូទាំងនោះភាគច្រើនលួច សិះស៊ុះជាមួយមន្ត្រីប៉ូលីសខេត្ត បន្ទាយមានជ័យដែលគ្រប់គ្រង ដោយលោកស្នងការ អាត់ ខែម និងមន្ត្រីគ្រប់ស្ថាប័នទាំងអស់ ដើម្បីនាំផ្លូវគេចពន្ធម៉ូតូហើយ យកលុយទៅចែកគ្នាដែលធ្វើឱ្យ បាត់បង់ប្រាក់ចំណូលចូលរដ្ឋយ៉ាង ច្រើនសន្ធឹកសន្ធាប់បែបនេះ ។
មតិនានាជាច្រើនបានលើក ឡើងថា ច្រករបៀងដែលនាំ ទំនិញគេចពន្ធខុសច្បាប់តាម ច្រករបៀងម៉ាឡៃ និងច្រក របៀងអូរបីជាន់ច្រកប៉ូលិសវរៈ ព្រំដែនគោកលេខ ៨៩១ ដែល គ្រប់គ្រងដោយ ហាំ វណ្ណៈ បើក ភ្លើងខៀវឱ្យក្រុមឈ្មួញរកស៊ីរត់ ពន្ធខុសច្បាប់ដូចជា ម៉ូតូគេចពន្ធ ហ្គាស ខោអាវគីប ជ្រូក មាន់ ទា និងទំនិញគេចពន្ធផ្សេងៗ ជាច្រើនថែមទៀត ។
ក្នុងការឆ្លើយតបទៅនឹង ការរិះគន់ពីអំពើពុករលួយជា ប្រព័ន្ធរបស់មហាជនទើបនៅ ម៉ោង ៨ ៖៣០នាទីព្រឹក ថ្ងៃទី ០៧ ខែកក្កដា ឆ្នាំ២០១៤ ស្ថិត នៅចំណុចទីតាំងផ្សេងគ្នាៗក្នុង ក្រុងប៉ោយប៉ែត ខេត្តបន្ទាយ មានជ័យ មានក្រុមប៉ូលិសបង្ក្រាប បទល្មើសក្រសួងមហាផ្ទៃសហ ការជាមួយប៉ូលិសសេដ្ឋកិច្ចនៃ ស្នងការនគរបាលខេត្តបន្ទាយ មានជ័យដែលលោក អាត់ ខែម ទើបមកកាន់តំណែងជាស្នងការ ថ្មីបានចុះបង្ក្រាបម៉ូតូគេចពន្ធ នៅតាមដេប៉ូលក់ម៉ូតូក្នុងក្រុង ប៉ោយប៉ែត ។
ប៉ូលិសបានរឹបអូសម៉ូតូគេចពន្ធបានជាច្រើនគ្រឿងយកទៅ ទុកនៅអធិការដ្ឋាននគរបាល ក្រុងប៉ោយប៉ែត ដើម្បីបញ្ជូនទៅ ឱ្យស្ថាប័នគយនិងរដ្ឋាករខេត្ត វាយតម្លៃពន្ធនិងផាកពិន័យទៅ តាមច្បាប់តែមកទល់ពេលនេះ ម៉ូតូទាំងនោះ ពុំទាន់ត្រូវបាន បញ្ជូនមកកន្លែងគយនៅឡើយ ពុំដឹងលោក អាត់ ខែម មាន បញ្ហាអ្វីបានជាពុំព្រមបញ្ជូនទៅ នោះឡើយ ។
សារព័ត៌មានថ្ងៃនេះមិន អាចសុំការពន្យល់ពីលោក អាត់ ខែម ស្នងការខេត្តបន្ទាយមាន ជ័យបានឡើយ តែនឹងព្យាយាម សុំការបំភ្លឺនៅលើកក្រោយ ៕
