អន្តរជាតិ៖ រហូតមកដល់ពេលនេះ ក្រុមបាតុករនៅតាមទីក្រុងសំខាន់ជាច្រើន ក្នុងសហរដ្ឋអាមេរិក នៅតែបន្តធ្វើបាតុកម្មតវ៉ានៅ ថ្ងៃអាទិត្យ ដែលជាថ្ងៃទី៥ ដើម្បីប្រឆាំងនឹងប្រធានាធិបតីទើបជាប់ឆ្នោត លោក ដូណាល់ ត្រាំ ខណៈប្រធានយុទ្ធនាការឃោសនាបោះឆ្នោតរបស់លោកត្រាំ ជំរុញឱ្យលោកបារ៉ាក់ អូបាម៉ា និងលោកស្រី ហ៊ីលឡារី គ្លីនតុន បង្កើនការគាំទ្រដល់ការផ្ទេរអំណាចដោយសន្តិវិធី។ នេះបើតាមការចេញផ្សាយ ដោយទីភ្នាក់ងារសារព័ត៌មាន Reuters នៅថ្ងៃចន្ទ ទី១៤ ខែវិច្ឆិកា ឆ្នាំ២០១៦។
យោងតាមប្រព័ន្ធផ្សព្វផ្សាយអាមេរិក ក្រុមបាតុករ បាននាំគ្នាដើរហែរជាក្បួនតវ៉ា នៅតាមឧទ្យាន នៅក្នុងទីក្រុង New York , San Francisco, Oakland និងទីក្រុង California ហើយលើសពីនេះទៅទៀត បាតុកររាប់ពាន់នាក់ បានប្រមូលផ្ដុំគ្នាធ្វើការតវ៉ា នៅខាងមុខអាគារពាណិជ្ជកម្មរបស់លោកត្រាំ នៅសង្កាត់ Manhattan តែម្ដង ដោយក្រុមបាតុករមួយចំនួនធំយល់ថា លទ្ធផលបោះឆ្នោតនាពេលថ្មីៗនេះ បង្ហាញថា លោកត្រាំបានបាត់បង់ ប្រជាប្រិយភាពយ៉ាងខ្លាំង ប៉ុន្តែលោកបែរជាទទួលបានចំនួនប្រតិភូគ្រប់គ្រាន់ ក្នុងចំណោម ៥៣៨ ដើម្បីក្លាយ ជាប្រធានាធិបតីអាមេរិកទៅវិញ។
ចំណែក គ្រូទាយពិការភ្នែកដ៏ល្បីពេញពិភពលោក បានទស្សន៍ទាយថា ប្រទេសអាមេរិកនឹងត្រូវរលំរលាយ ក្នុងអាណត្តិប្រធានាធិបតីទី៤៥នេះ ខណៈដែលការទស្សន៍ទាយនេះ ធ្វើឲ្យមានការភ្ញាក់ផ្អើលពេញពិភពលោក ព្រោះថា ការទស្សន៍ទាយរបស់គ្រួពិការភ្នែកម្នាក់នេះធ្លាប់បានទស្សន៍ទាយត្រូវមុនហេតុការណ៍កើតឡើងជាបន្តបន្ទាប់ ពិសេស ហេតុការណ៍នៅប្រទេសអាមេរិក។
សូមជម្រាបថា គ្រូទាយពិការភ្នែកដ៏ល្បី ដែលបានទស្សន៍ទាយពីហេតុការណ៍ ក្រុមភេរវកម្មអ៊ីស្លាមប្លន់យន្តហោះ និងបើកបុកអគារភ្លោះ World Trade Center កាលពីថ្ងៃទី១១ ខែកញ្ញា ឆ្នាំ២០០១ និងការកកើតឡើងនៃរដ្ឋអ៊ីស្លាម ISIS រួមទាំងគ្រោះរញ្ជួយដី កម្រិត៩,៣វ៉ិចទ័រ និងព្យុះស៊ូណាមី នៅមហាសមុទ្រឥណ្ឌា កាលពីថ្ងៃទី២៦ ខែធ្នូ ឆ្នាំ២០០៤ និងហេតុការណ៍ធំៗជាច្រើនទៀត នៅជុំវិញពិភពលោក ក៏ធ្លាប់បានទស្សន៍ទាយ ពីប្រធានាធិបតីអាមេរិកដែរ ដោយនិយាយថា លោក បារ៉ាក់ អូបាម៉ា នឹងក្លាយជាប្រធានាធិបតីអាមេរិក ចុងក្រោយគេបង្អស់។
គ្រូទាយសញ្ជាតិប៊ុលហ្គារី ឈ្មោះ Baba Vanga ដែលបានស្លាប់ ក្នុងឆ្នាំ១៩៩៦ នៅអាយុ៨៥ឆ្នាំ រូបនេះទាយឆុតខ្លាំងណាស់ ដោយមានអាត្រាទាយត្រូវរហូតដល់ទៅ ៨៥ភាគរយ និង ធ្លាប់បានទាយយ៉ាងត្រឹមត្រូវថា ប្រធានាធិបតីអាមេរិក ទី៤៤ (អូបាម៉ា) នឹងជាជនជាតិ អាហ្វ្រិក-អាមេរិក ស្បែកខ្មៅ។
គ្រូទាយខាងលើ ធ្លាប់បាននិយាយនៅពេលទស្សន៍ទាយនោះថា «មនុស្សគ្រប់គ្នានឹងដាក់ក្ដីសង្ឃឹមលើរូបគាត់ (អូបាម៉ា) រហូតដល់ទីបញ្ចប់ ប៉ុន្តែភាគីម្ខាងទៀតនឹងកើតមានឡើង។ ភាគីម្ខាងនោះនឹងនាំឲ្យប្រទេសជាតិធ្លាក់ចុះ និងមានការប៉ះទង្គិចគ្នា រវាងភាគខាងជើង និងបណ្ដារដ្ឋភាគខាងត្បូង កាន់តែខ្លាំងឡើង»៕ ដកស្រង់
