ខេត្តស្ទឹងត្រែង ៖ ខេត្តស្ទឹងត្រែង ស្ថិតនៅភាគឥសាន្តនៃ ប្រទេសកម្ពុជា សំបូរទៅដោយ ព្រៃឈើបច្ចុប្បន្នបានក្លាយទៅ ជាតំបន់ដែលក្រុមហ៊ុនទ្រីភាព ជ្រើសរើសយកទីតាំងអាថកំបាំង មួយកន្លែងនៅភូមិតាខែង ឃុំ ព្រែកមាស ស្រុកសៀមប៉ាង តំបន់ស្រែគរ ធ្វើជាឃ្លាំងស្តុក ឈើប្រណីតមានបារ៉ាស់និងអ្នក យាមកាមយ៉ាងតឹងរ៉ឹងប្រៀបដូច ជាបន្ទាយយុទ្ធសាស្ត្រយោធា សម្រាប់ក្រុមហ៊ុនទ្រីភាពប្រមូល ឈើប្រណីតដែលអះអាងថា ស្របច្បាប់យកមកស្តុកទុកនៅ ទីនោះដើម្បីនាំចេញទៅលក់នៅ ប្រទេសក្រៅ ។
អ្នកមើលការខុសត្រូវឱ្យក្រុម ហ៊ុនទ្រីភាពនៅឃ្លាំងស្តុកឈើ ខាងលើមានឈ្មោះ ស្រេង ម៉េង ដែលជាឈ្មួញរកស៊ីទិញឈើ យ៉ាងអនាធិបតេយ្យដុះស្លែជា យូរមកហើយ និងឈ្មោះ តាំង សុផាន់ណា តំណាងឱ្យ ស្រេង ម៉េង ជាអ្នកសម្របសម្រួលជា មួយសមត្ថកិច្ចពាក់ព័ន្ធក្នុងការ ប្រមូលទិញឈើអនាធិបតេយ្យ គ្មានប្រភពច្បាស់លាស់លក់ឱ្យ ក្រុមហ៊ុន ។
លោក ស្រេង ម៉េង គេស្គាល់យ៉ាងច្បាស់ថា ជាមន្ត្រីយោធាបំរើការនៅខេត្តព្រះវិហារ ធ្លាប់បានប្រមូលទិញឈើប្រណិត ដូចជា ធ្នង់ បេង នាងនួន ល្បី នៅពេញខេត្តព្រះវិហារ ។ បន្ទាប់ពីការប្រមូលទិញអស់ ឈើនៅក្នុងខេត្តនេះរួចមកក៏បន្ត ទៅប្រមូលទិញឈើប្រណិតនៅ ក្នុងខេត្តស្ទឹងត្រែងបន្តទៀត ដោយបំផុសបំផុលប្រជាពលរដ្ឋ ដែលរស់នៅក្នុងស្រុកសៀមប៉ាង រកស៊ីកាប់ឈើមកលក់ឱ្យបក្ខពួក របស់ខ្លួនដែលបានបង្កើតឃ្លាំង ស្តុបឈើយ៉ាងធំដើម្បីប្រមូល ទិញឈើប្រណិត ។
លោក ស្រេង ម៉េង យក តួនាទីខ្លួនជាយោធាមកប្រើ ប្រាស់ទើបសមត្ថកិច្ចមិនហ៊ាន ចេញមុខបង្ក្រាប ជាពិសេសគឺ មន្ត្រីជំនាញរដ្ឋបាលព្រៃឈើខេត្ត ស្ទឹងត្រែងមិនហ៊ានប៉ះទាល់តែ សោះ ។ ដោយឡែកប្រភពពី ស្រុកថាឡាបរិវ៉ាត់ ខេត្តស្ទឹងត្រែង វិញបានប្រាប់ឱ្យដឹងថា មេឈ្មួញ លោក ស្រេង ម៉េង ដែលល្បី ខាងដើរប្រមូលទិញនិងបំផុស បំផុលប្រជាពលរដ្ឋឱ្យកាប់បំផ្លាញ ព្រៃឈើរួបនេះបានដាក់កូនចៅ ចំនួន៣នាក់ឱ្យប្រមូលទិញយ៉ាង ពេញគំហុកតែម្តង ។
ការងារប្រមូលទិញឈើ បានធ្វើជាយូរមកហើយសំរាប់ លក់ឱ្យក្រុមហ៊ុនទ្រីភាព ដែល មានអាជ្ញាប័ណ្ណពីរដ្ឋាភិបាល ប៉ុន្តែការកាប់បំផ្លាញព្រៃឈើ និងការប្រមូលទិញនេះត្រូវបាន បំផុសបំផុលពីសំណាក់កូនចៅ ក្រុមមេការ និងកូនចៅផ្ទាល់ របស់លោក ស្រេង ម៉េង ធ្វើឱ្យ ប្រជាពលរដ្ឋទន្ទ្រានកាប់ព្រៃ ឈើបំផ្លាញយ៉ាងរង្គាលរហូត ដល់ប្រជាពលរដ្ឋមួយចំនួនធំបាន នាំគ្នាចាប់យកអាជីពនេះដើម្បី យកឈើមកលក់ឱ្យក្រុមឈ្មួញ លោក ស្រេង ម៉េង ស្តុកទុក ក្នុងឃ្លាំងសម្រាប់នាំចេញទៅ លក់នៅប្រទេសវៀតណាមនឹង លក់ក្នុងប្រទេសកម្ពុជាផងដែរ។
តាមប្រភពរាយការណ៍ពី ស្រុកសៀមប៉ាងបានបង្ហើបឱ្យដឹង ថាគេសង្កេតឃើញមានរថយន្ត ប៉ាកុង(រថយន្តកែឆ្នៃ)និងគោ យន្តកន្ត្រៃរាប់សិបគ្រឿង ដឹកជញ្ជូនឈើប្រណិតចេញពីក្នុង ព្រៃយ៉ាងគគ្រឹកគគ្រេងដឹកយ៉ាង អនាធិបតេយ្យបំផុតធ្វើឱ្យផ្លូវ ដែលក្រាលគ្រួសក្រហមត្រូវរង ការបំផ្លិចបំផ្លាញខ្ទេច ដោយ សារតែក្រុមឈ្មួញរបស់លោក ស្រេង ម៉េង ផងដែរ ។
ចំណែក តាំង សុផាន់ណា ដែលមានមានយសស័ក្តិខ្ពង់ខ្ពស់ ឈ្មោះ តាំង វិរ៉ាដា ជាខ្នងបង្អែក ក៏កំពុងរួមដៃជាមួយ ស្រេង ម៉េង បំផ្លាញព្រៃឈើនៅខេត្ត ស្ទឹងត្រែងយ៉ាងគឃ្លើនដោយពុំ ញញើតច្បាប់ហើយមតិសាធារ ណៈបានយល់ឃើញថាព្រៃឈើ នៅតំបន់នោះនឹងវិនាសសាប សូន្យអស់ជាមិនខានឡើយ បើ គ្មានការទប់ស្កាត់ជាបន្ទាន់ ព្រោះក្រុមហ៊ុនទ្រីភាពដែលមាន ជំនាញរកស៊ីឈើមានឥទ្ធិពលធំ ធេងណាស់អាជ្ញាធរពុំហ៊ានប៉ះ នោះឡើយ ។ ដូច្នេះអ្នកដែល យកឥទ្ធិពលក្រុមហ៊ុននេះទៅប្រើ ក្នុងការប្រមូលទិញឈើអនាធិ បតេយ្យនិងមានភាពរលូនព្រោះ អាជ្ញាធរមិនហ៊ានក្អកចំណែក ព្រៃឈើច្បាស់ជារលាយដោយ ស្នាដៃជនឱកាសនិយមទាំងនោះ ដូច្នេះសំណូមពរដល់រាជរដ្ឋាភិ បាលជួយទប់ស្កាត់និងបង្ក្រាប ជាបន្ទាន់ផង ។
ករណីការប្រមូលទីញឈើ យ៉ាងអនាធិបតេយ្យខាងលើនេះ សារព័ត៌មានយើងមិនអាចសុំ ការបំភ្លឺពីក្រុមហ៊ុនទ្រីភាពបាន ឡើយតែនឹងព្យាយាមទំនាក់ ទំនងសុំការពន្យល់នៅលើក ក្រោយ ៕
