កំពង់ធំ៖ កាលពីវេលាម៉ោង ៤និង៣០នាទី ទាបភ្លឺឈានចួល ថ្ងៃទី ១១ខែវិច្ឆិការ ឆ្នាំ២០១៦ កំលាំងសមត្ថកិច្ចចម្រុះ រួមជាមួយមេព្រៃសង្កាត់រដ្ឋបាលព្រៃឈើសាលាវិស័យ សហការជាមួយមេព្រៃផ្នែកស្ទោង និងដឹកនាំដោយលោក អ៊ិត សុធា ព្រះរាជអាជ្ញាអមសាលាដំបូងខេត្តកំពង់ធំ បានចុះស្ទាក់ចាប់រថយន្ដកាមរីហើម ២គ្រឿង លួចដឹកឈើគ្រញូង ចេញពីខេត្តព្រះវិហារ បំរុងឆ្លងកាត់ខេត្តកំពង់ធំ ត្រូវបានជាប់អន្ទាក់សមត្ថកិច្ច នៅចំនុចភូមិ ស្រែនិង ភូមិខ្មាក់ ឃុំ សាលាវិស័យ ស្រុកប្រាសាទបល្ល័ង្គ ខេត្តកំពង់ធំ។
តាមប្រភពត័មានពីសមត្ថកិច្ចបានអោយដឹងថា ក្រោយពីទទួលពត័មានពីភ្នាក់ងារសំងាត់រួចមក លោកអ៊ិត សុធា បាន បញ្ជាអោយត្រៀមកំលាំង ស្ទាក់ចាប់នៅចំនុចខាងលើ ដោយឃាត់ខ្លួនបានមនុស្ស២នាក់ និង រថយន្ដកាមរីហើម២គ្រឿង ពណ៍ខ្មៅទាំងពីរ និងវត្ថុតាងឈើគ្រញូងយកមករក្សាទុក នៅផ្នែករដ្ឋបាលព្រៃឈើស្ទោង ដើម្បីធ្វើការវាស់វែងមានឈើគ្រញ៉ូងចំនួន៨៣ដុំស្មើនិង១៩១គឺឡូក្រាម ព្រមទាំងឈើនាងនួន២ដុំផងដែរក្នុងនោៈ រថយន្ដទី១ ពាក់ផ្លាកលេខ ភ្នំពេញ 2E0737 បើកបរដោយជនល្មើសឈ្មោះ ខេង សំភ័ស្ស ភេទប្រុស អាយុ ២៧ឆ្នាំ រស់នៅភូមិ ស្រអែម ឃុំកន្ទួត ស្រុកជាំក្សាន្ដ ខេត្តព្រៈវិហារ រថយន្ដទី២ ពាក់ផ្លាកលេខ ប,មានជ័យ 2A3219 បើកបរដោយជនល្មើសឈ្មោៈ លី ថៃ ភេទប្រុស អាយុ ៤៣ឆ្នាំ រស់នៅភូមិ កំពង់ថ្ម ឃុំកំពង់ថ្ម ស្រុកសន្ទុក ខេត្តកំពង់ធំ។
ក្រោយពីវាស់វែងរួច សមត្ថកិច្ចបានបញ្ចូនជនល្មើសទាំង២ទៅសួរនាំ ដើម្បីធ្វើកំណត់ហេតុកសាងសំនុំរឿង បញ្ចូនទៅតុលាការ ដើម្បីចាត់វិធានការតាមច្បាប់៕
