ខេត្តបាត់ដំបង ៖ ប្រជាពលរដ្ឋ នៅក្រុងបាត់ដំបងមានក្តីព្រួយ បារម្ភអំពីការកក្រើកឡើងវិញ នៅល្បែងភ្នាល់ទឹកភ្លៀងដែល ទាក់ទាញប្រជាពលរដ្ឋឱ្យធ្លាក់ ចុះក្នុងភាពក្រីក្រ ដោយសារតែ អាជ្ញាធរមិនអាចបង្ក្រាបល្បែង ភ្នាល់ទឹកភ្លៀងបានរហូតដល់ មានប្រជាពលរដ្ឋខ្លះនិយាយថា លោក ចាន់ សុផល អភិបាល ខេត្តបាត់ដំបងដែលទើបមកកាន់ តំណែងគ្មានសមត្ថភាពបញ្ជាឱ្យ សមត្ថកិច្ចបង្ក្រាបបនល្បែងទឹក ភ្លៀងបាននោះឡើយ ។
ប្រជាពលរដ្ឋបាននិយាយ ទៀតថា ក្រោយពេលលោក ចាន់ សុផល ឡើងកាន់តំណែង ជាអភិបាលខេត្តជំនួសលោក ប្រាជ្ញ ច័ន្ទ មកគេឃើញបន ល្បែងទឹកភ្លៀងមានភាពស្ងប់ ស្ងាត់នាដើមរដូវវស្សាឆ្នាំនេះ បណ្តាលឱ្យប្រជាពលរដ្ឋក្រុង បាត់ដំបង សរសើរអភិបាលខេត្ត ថ្មីថា មានសាច់ដុំខ្លាំង ទើបពួក ញៀនល្បែងទឹកភ្លៀងមិនហ៊ាន រត់ការបើកលេងល្បែងទឹកភ្លៀង ដូចរៀង រាល់ឆ្នាំនោះឡើយ ។
ប៉ុន្តែមិនបានមួយដង្ហើមចង្រឹតផងល្បែងភ្នាល់ទឹកភ្លៀង ចាប់ផ្តើមមានសកម្មភាពឡើង វិញ ដោយគេឃើញមាន អ្នក រត់ការពីរបីនាក់ កំពុងរត់ការ សម្របសម្រួលជាមួយសមត្ថកិច្ច គ្រប់លំដាប់ថ្នាក់រហូតដល់អ្នកធំ នៅក្នុងខេត្ត ដើម្បីបើកលេងឱ្យ រលូនដោយមានអ្នករត់ការជើង ចាស់មួយរូបដែលទើបចេញពី ពន្ធនាគារជាប់ចោទពីបទព្រៃ ឈើជាអ្នករត់ការសកម្មជាងគេ ចំណែកមេការបើកបនល្បែង ភ្នាល់ទឹកភ្លៀងនេះត្រូវគេស្គាល់ ថា មានឈ្មោះ តាល់ ដែលជា មេបនមានភាគហ៊ុនធំជាងគេ ។
តាមប្រភពព័ត៌មានបានឱ្យ ដឹងថាអ្នកញៀនល្បែងទឹកភ្លៀង បានប្រមូលផ្តុំគ្នានៅវាលស្រែ ១០០ ភូមិចំការសំរោង សង្កាត់ សំរោង ក្រុងបាត់ដំបង ប្រជា ពលរដ្ឋរង់ចាំមើលស្នាដៃលោក ចាន់ សុផល ថា តើខ្លាំងហ៊ាន បង្ក្រាបពួកលេងល្បែងភ្នាល់ទឹក ភ្លៀងប្រវាស់មេឃដែរឬទេឬ មួយក៏លោកសម្ងំស្ងៀមឱ្យពួក នេះធ្វើព្យុះធ្វើភ្លៀងបានបង្ក អសន្តិសុខក្នុងសង្គម ដែលប្រជា ពលរដ្ឋចោទថាលោកអភិបាល ខេត្តគ្មានសមត្ថភាពនិងគ្មានឆន្ទៈ ពិតប្រាកដក្នុងការបង្ក្រាបបន ល្បែងភ្នាល់ទឹកភ្លៀង ៕
