ក្រចេះ៖ ប្រភពព័តមានក្តៅហុយពី ប្រជាពលរដ្ឋឲ្យដឹងថា នៅយប់ថ្ងៃទី៤ខែវិច្ចិកាឆ្នាំ២០១៦ មានរថយន្ដដឹកឈើប្រណិត ប្រភេទសាំយ៉ុង កាមរីស្វិត កាមរីហើម ហាយឡែនឌ័រ នឹងរថយន្ដមួយប៉ាំងកន្លះ ប្រមាណពី១៥ទៅ២០គ្រឿង រួមទាំងរថយន្ដយីឌុប៥ភ្លៅ ដឹកដើមត្រៀកចំនួន២គ្រឿងផងដែរ បានធ្វើចរាចរបានយ៉ាងរលូន លើដងផ្លូវជាតិលេខ៧៦ A ប្រកបដោយសុវត្ថិភាព ដោយពុំមានសមត្ថកិច្ចរារាំងនោះឡើយ ដោយចេញពី
ក្រចេះស្នូល ឆ្ពោះទៅប្រទេសយួន។
បើតាមសេចក្ដីរាយការណ៍ ឈើប្រណិតទាំងអស់នោះ ត្រូវបានគេប្រមូល ដឹកចេញពីតំបន់នាៗ ស្ថិតនៅចំណុច ភ្នំខៀវ ក្នុងភូមិសាស្ត្រ អូរកណ្ដៀ ឃុំអូរគ្រៀង ស្រុកសំបូរ ខេត្តក្រចេះ។
ករណីនេះ ប្រជាពលរដ្ឋសហគមន៏ឲ្យដឹងថា ជារៀងរាល់ថ្ងៃគេសង្កេតឃើញ មានមេឈ្មួញដ៏ល្បីឈ្មោះ នឹងមានឥទ្ធិពល ដែលកំពុងប្រមូលទិញឈើនៅតំបន់នោះ ហើយមន្ទ្រីមានសមត្តកិច្ចក្នុងខេត្តក្រចេះ ពុំហ៊ានលូដៃបង្ក្រាបនោះ គឺមានបុគ្គលពីរនាក់ ប្រចាំនៅខេត្តក្រចេះ ដែលពលរដ្ឋឲ្យ រហ្សសនាមថា ធីបាញ់ នឹង ធី កាប៉ូ ដែលជាមេកន្ទ្រាញរកស៊ីឈើខុសច្បាប់ដុះស្លែ ។
ធីបាញ់ នឹង ធី កាប៉ូ ជំរុញឲ្យពលរដ្ឋយករថយន្តកែឆ្នៃ នឹងត្រាក់ទរ័ជាច្រើនគ្រឿង ចូលកាប់ជ្រៀអាឈើប្រណិត ដឹកជញ្ជួន យ៉ាងអនាធិបតេយ្យនៅចំណុចភ្នំខៀវ យកមកលក់ឲ្យ ខ្លួនក្នុងតំលៃថោកៗ ដើម្បីដឹកបន្តទៅលក់ ឯស្រុកយួន ជារៀងរាល់ថ្ងៃ តែគេពុំឃើញស្រមោលមន្ទ្រីពាក់ពន្ធ័និងមេព្រៃ ណាម្នាក់ទៅក្បែនោះឡើយ មិនត្រឹមតែប៉ុណ្ណោះ ការដឹកជញ្ជូនតាមរថយន្ដ តូចធំនៅលើដងផ្លូវជាតិ៧៦អា បានយ៉ាងរលួនដោយពុំមាន សមត្ថកិច្ចរឺ មន្រ្តីពាក់ពន្ធ័ណាបង្រ្កាបនោះឡើយ .។
បច្ចប្បន្ននេះមាន មន្ត្រីអាវុធហត្តលើផ្ទៃប្រទេសមួយក្រុម បានចុះមកប្រចាំការ តែចំពោះឈ្មួញឈ្មោះ ធី បាញ់នេះ បែជាកក់ក្តៅដូចអាំងផេះចឹង ជាមួយនិងក្រុមអាវុធហត្តទាំងនោះ ។
សកម្មភាពដឹកជញ្ជួន ឈើប្រណិតនឹងដើមត្រៀក បង្កឡើងដោយឈ្មួញជាទាហ៊ានឈ្មោះ ធី បាញ់នេះ បានយ៉ាងរលូន ធ្វើឲ្យគេជឿថា បើគ្មាន ការឃុបឃិតគ្នាជាលក្ខណៈប្រពន្ធ រាប់ទាំងពួកក្រុមប៉េអឹម របស់លោកនាយឧត្តមសេនីយ៍សៅ សុខាផងនោះទេ ឈ្មោះធីបាញ់និងឈ្មោះធី កាប៉ូ មិនអាចប្រព្រឹត្តបទល្មើសព្រៃឈើបានឡើយ ខណៈនៅតំបន់ផ្សេង ការបង្រ្កាបការជួញដូរឈើខុសច្បាប់ កំពុងមានភាពក្តៅគគុក សូមនាយឧត្តមសេនីយ៍សៅ សុខាជួយពិនិត្យមើលផង៕
