ខេត្តបាត់ដំបង៖ ក្រោយពេលចូលឆ្នាំខ្មែរ បទល្មើសនេសាទក្នុងតំបន់អភិរក្សក្នុងឡូតិ៍នេសាទលេខ ៩ កើនឡើង មានដូចទូករុញស៊ីប មានប្រមាណ ២៥គ្រឿង ការហ៊ុមកំប្លោកដាក់សំរាស់ជាដើម ចំណែកនាយជលផលប្រាក់ព្រា ស្រុកឯកភ្នំ ខេត្តបាត់ដំបង សម្ងំស្ងៀម មើលពុំឃើញទៅវិញ ។
តាមប្រភពពីប្រជានេសាទបានឱ្យដឹងថា បទល្មើសនេសាទរុញស៊ីបមានយ៉ាង គគ្រឹកគគ្រេង តាំងពីចុងខែមីនា មក ម៉្លេះ។ ក្នុងនោះមានទូករុញស៊ីបប្រហែល២៥ គ្រឿង ហើយក្នុង១ទូកត្រូវបង់ប្រាក់ចំនួន ៣០ម៉ឺនរៀលក្នុង១យប់ ជូន សមត្ថកិច្ចពាក់ព័ន្ធ ទើបរកស៊ីប្រព្រឹត្តបទល្មើសបាន ។ មិនតែប៉ុណ្ណោះក្នុងដែនអភិរក្សដែនឡូត៍លេខ៩ នេះមានការ ហ៊ុមកំប្លោកដាក់សម្រាស់ ជាហូរហែថែមទៀតផង។ម៉្យាងទៀតនៅ ចំណុចឡូត៍លេខ១០ តាមស្ទឹងក៏មានការ ហ៊ុម កំប្លោកយ៉ាងច្រើន បណ្តាលឱ្យអ្នកធ្វើដំណើរតាមទូកកាណូត មានការរាំងស្ទះចរាចរណ៍ យ៉ាងខ្លាំងឯសមត្ថកិច្ច ខ្លះគិត តែយកប្រាក់មិនរៀបចំសណ្តាប់ធ្នាប់ផ្លូវទឹកឱ្យបានល្អនោះទេ ។
កាលពីថ្ងៃទី១២ ខែមេសា ឆ្នាំ២០១៤ ប្រជាពលរដ្ឋបានទទួលដំណឹងថា លោក នឹម សោម នាយសង្កាត់ជល ផល បាក់ព្រាត្រូវ បានសមត្ថកិច្ចថ្នាក់លើ ចុះទៅស៊ើបអង្កេត ពាក់ព័ន្ធនឹងអំពើពុករលួយ បទល្មើសនេសាទ និងដកតំ ណែង តែពេលក្រោយចូលឆ្នាំខ្មែរស្រាប់តែឃើញ លោកនាយសង្កាត់នេះមកកាន់ការងារ វិញ។
ទាក់ទិននឹងការចោទប្រកាន់នេះលោក នឹម សោម នាយសង្កាត់ជលផលបាក់ ព្រាកាលពីវេលាម៉ោង ១០ព្រឹក ថ្ងៃ ទី២៣ ខែមេសា ឆ្នាំ២០១៤ អ្នកយកព័ត៌មាន បានទូរស័ព្ទចូលចំនួន២ដងតែគ្មានអ្នកទទួល ។
ដោយឡែកលោក ជួង សុភា នាយខណ្ឌជលផលខេត្តបាត់ដំបងបានឱ្យដឹងថា បទល្មើសនេសាទ រុញស៊ីបនេះ លោក មិនបាន ទទួលដំណឹងអ្វីសោះ ហើយក៏មិនទាន់ដឹង រឿងមន្ត្រីក្រោមឱវាទណាដើរប្រមូលប្រាក់ ពីបទល្មើស ទាំងនេះនោះដែរ ។ លោក ថានឹងចុះបង្ក្រាប និងស្រាវជ្រាវមន្ត្រីពាក់ព័ន្ធ ដែលយកប្រាក់ពីបទ ល្មើស ដើម្បីឱ្យ អប់រំ កែប្រែ ។
គួរំលឹកថា ទោះបីជារដ្ឋបាលជលផលខិតខំបង្ក្រាបយ៉ាងសកម្មក៏ដោយក៏បទល្មើសនេសាទនៅដងទន្លេសាប នៅ តែកើតមានជាហូរហែរ ៕
