បាត់ដំបង ៖ កាលពីរសៀលថ្ងៃទី១៧ ខែកក្កដា ឆ្នាំ២០១៤ នៅភូមិព្រៃទទឹង ឃុំជ្រៃ ស្រុកថ្មគោល ខេត្តបាត់ដំបង បានឃាត់ខ្លួននារី ២ រូប ដែលស្ត្រី៣នាក់ដើមឡើយ ស្រឡាញ់គ្នាចាក់ទឹកមិនលិច តែស្ត្រី២នាក់គិតថា ស្ត្រីម្នាក់ដែលមានស្នេហាជាមួយពួកនាង ឥឡូវ កូនកូនស្ត្រីម៉េម៉ាយនោះពេញកម្លោះអស់ក៏នាំគ្នារត់ចោល ធ្វើអោយនាងស្រីមេម៉ាយកូន ២ ក្តៅ ។ ភ្លើងប្រច័ណ្ឌតាមវាយស្ត្រី២នាក់នោះហើយប្តឹងនគរបាលចាប់ខ្លួនតាមដីកាលេខ៣១៦ដនខនិង៣១៧ដនខចុះថ្ងៃទី២៦ខែមិថុនាឆ្នាំ២០១៤ចេញដោយលោកអ៊ុកសុវណ្ណរិទ្ធចៅក្រមស៊ើបសួរនៃសាលាដំបូងខេត្តបាត់ដំបងរឿងហឹង្សាចេតនាដោយភ្លើងប្រច័ណ្ឌស្រីនិងស្រី ។
នគរបាលអនុវត្តដីកាបានអោយដឹងថាស្ត្រីជាប់ចោទតាមដីកា៣១៦ដនខមានឈ្មោះអ៊ុយសៃយឿបអាយុ៣២ឆ្នាំនិងស្ត្រីជាប់ចោទតាមដីការ៣១៧មានឈ្មោះយិនសាម៉ុនអាយុ៤០ឆ្នាំអ្នកទាំង២នាក់មានទីលំនៅភូមិព្រៃទទឹងឃុំជ្រៃស្រុកថ្មគោលខេត្តបាត់ដំបង។
ជនជាប់ចោទទាំង២នាក់បានប្រាប់អ្នកយកព័តមានថា កាលពីមុនពួកខ្លួនទាំង៣នាក់ឈ្មោះ អ៊ុយ សៃយឿប និងឈ្មោះ យិន សាម៉ុន និងស្ត្រីមេម៉ាយឈ្មោះ រ៉ុម ប៉ុន បានរស់នៅជាមួយគ្នានៅភូមិព្រៃដាច់ ។ កាលនោះ ឈ្មោះ យិន សាម៉ុន និងស្ត្រីមេម៉ាយឈ្មោះ រ៉ុម ប៉ុន បានស្រឡាញ់គ្នាជាប្តីប្រពន្ធ ក្រោយមកយល់ឃើញថាកូនប្រុស២នាក់របស់ឈ្មោះ រ៉ុម ប៉ុន វាធំពេញរូបពេញរាង ពួកខ្លួន(ឈ្មោះ អ៊ុយ សៃយឿប និងឈ្មោះ យិន សាម៉ុន) ក៏នាំគ្នាទៅរស់នៅបងស្រីឈ្មោះ លឿង ឡាន អាយុ៥២ឆ្នាំនៅភូមិព្រៃដាច់ផ្ទះក្បែរគ្នា ។ នៅថ្ងៃទី១៥ ខែមិនា ឆ្នាំ២០១២ ឈ្មោះ រ៉ុម ប៉ុន បានទៅវាយឈ្មោះ យិន សាម៉ុន ថា ពួកមីស្រីក្បត់ រត់ចោលអញ ពេលនោះម្ចាស់ផ្ទះនិងខ្លួនឈ្មោះ អ៊ុយ សៃយឿប បានចូលជួយឃាត់ ហើយវាយប្រតាយគ្នាតែម្តង ហើយបានទៅប្តឹងសមត្ថកិច្ចដែរតែគេមិនទទួលបណ្តឹង។
នគរបាលអនុវត្តដីកាបានបញ្ជាក់ថាស្ត្រីទាំង ២ នាក់ ត្រូវបញ្ជូនទៅតុលាការ នាព្រឹកថ្ងៃទី១៨ ខែកក្កដា ឆ្នាំ២០១៤ មិនអាចបង្អង់បានយូរឡើយ៕
