កំពង់ធំ៖ មហាជនទូទៅក្នុងស្រុកបារាយណ៍ បានខកចិត្ត និងមានការថ្នាង់ថ្នាក់ ចំពោះលោក សឺន ស័ព្ទ ប្រធានគណៈបក្សប្រជាជនស្រុកបារាយណ៍ និងប្រធានក្រុមប្រឹក្សាស្រុក បានឃុបឃិតប្រព្រឹត្តអំពើពុករលួយ ជាមួយនឹងឧញ៉ា មួយរូប ក្នុងស្រុកបារាយណ៍ បានរត់ការដោយមិនមានការឯកភាព ពីម្ចាស់ដីគឺមេឃុំព្រមទាំងក្រុមប្រឹក្សាចំនួន ៩រូប បានជំទាស់និងការលួចលក់ នឹងដោះដូរដីគណៈបក្សឃុំទ្រាល ដោយបង្ខំឲ្យឃុំទទួលទីតាំងថ្មី ដោយគ្មានពាក្យតវ៉ា ។ បច្ចុប្បន្ន ក្រុមប្រឹក្សាឃុំទ្រាល កំពុងតែក្តៅក្រហាយនិងលោក សឺន ស័ព្ទ ប្រធានគណៈបក្សស្រុក អែបឃុបឃិតគ្នា ជាមួយ លោកឧក វ៉ុន រត់ការសុំផ្លាស់ប្តូរទីតាំងស្នាក់ការបក្សចាស់ ឲ្យទទួលយកស្នាក់ការថ្មី ដែលនៅឃ្លាតឆ្ងាយពី ស្នាក់ការចាស់ប្រមាណជិត២គីឡូម៉ែត្រ ព្រមទាំងបានសាងសង់ស្នាក់ការថ្មីរួចជាស្រេច ហើយបង្ខំឲ្យឃុំទទួលយកស្នាក់ការថ្មី ដោយសារតែទីតាំងស្នាក់ការចាស់ គឺស្ថិតនៅទីប្រជុំជន និងជាដីដែលត្រូវប៉ាន់មាន ហាងឆេងខ្ពស់ ដូច្នេះលោក សឺន ស័ព្ទ បាន លក់ក្នុងតំលៃ១៧ម៉ឺនដុល្លា ក្នុងផ្ទៃដី ៥០គុណ១០០ ម ឲ្យទៅលោក ឧក វ៉ុន ដោយពុំមានការដឹងលឺពីឃុំទ្រាល ។ ហើយខណៈពេលដែលមិនទាន់ ត្រូវរ៉ូវគ្នាផង លោក ឧក វ៉ុន បែរជាសាងសង់ស្នាក់ការបក្សថ្មី សម្រាប់ធ្វើការដោះដូររួចជាស្រេច ។ប្រភពពត៌មានផ្ទៃក្នុង បាននិយាយថា ហេតុអ្វីបានជា រដ្ឋបាលខេត្ត ពុំព្រមពិភាក្សាជាមួយ ម្ចាស់ដី គឺមេឃុំ និងក្រុមប្រឹក្សាឃុំទាំង៩រូប នៅស្ងាត់ៗបែរជាបង្ខំឲ្យទទួលយកស្នាក់ការថ្មី ហើយលក់ដីស្នាក់ការបក្សដែលជាដីកម្មសិទ្ធិរបស់ឃុំ មកជាយូរយាណាស់មកហើយ ឲ្យទៅឈ្មួញ មិនតែប៉ុណ្ណោះរដ្ឋបាល ខេត្ត ហេតុអ្វីបានជាត្រូវយោងតាមសំណើររបស់លោក ឧក វ៉ុន ដែលជាប្រជាពលរដ្ឋធម្មតាទៅវិញតើប្រជាពលរដ្ឋមានសិទ្ធិបញ្ជាឲ្យរដ្ឋបាលខេត្ត ដោះដូរដីដែរឬទេ ចំណែករដ្ឋបាលឃុំហេតុអ្វីបានជាពុំមានសិទ្ធហើយបង្ខំឲ្យឃុំ ទទួលយក តាមសំណើររបស់លោក ឧក វ៉ុន ទៅវិញ ។
ក ហាក់ មុងហួត អភិបាលស្រុក បានមានប្រសាសន៍ថា ករណីផ្ទុះរឿងតវ៉ានេះ គឺបណ្តាលមកពីការមាន ម៉ូយដណ្តើមគ្នា ចំណែករដ្ឋបាលស្រុកពុំមានអំណាចក្នុងការចាត់ចែងរឿងនេះទេ ដោយសារតែដីស្នាក់ការបក្សនេះគឺជាទ្រព្យសម្បត្តិរបស់បក្ស ហើយការដោះដូរនេះគឺមានការឯកភាពពីថ្នាក់ខេត្ត ដែលមានលោក សោម សុផាត ជាអភិបាលរងខេត្តកំពង់ធំ ជាអ្នកទទួលការងារដោះដូរដីស្នាក់ការបក្សចាស់ ឲ្យទៅទីតាំងថ្មី ធ្វើដូចម្តេចបើអង្ករក្លាយជាបាយទៅហើយ ។
តាមប្រភពពត៌មានបានបញ្ជាក់ថា ដីទីតាំងស្នាក់ការចាស់នេះនៅជិតផ្សាររំលង ១៥០ ម៉ែត្រ ក្នុងទីប្រជុំជនកាល២ឆ្នាំមុនឈ្មួញហ៊ានឲ្យតំលៃដល់ទៅ ៦០០០ដុល្លា ក្នុងមួយម៉ែត្រដើរ តែពេលនេះលិចលឺមានការឃុបឃិតគ្នាលក់តែក្នុង ១ម៉ែត្រ ត្រឹមតែ២៣០០ដុល្លារ ។ ភាពមិនប្រកតីនេះត្រូវបានប្រជាពលរដ្ឋមានការថ្នាង់ថ្នាក់ ចំពោះថ្នាក់ដឹកនាំខេត្តកំពង់ធំ ដែលមិនបានគិតពីផលប្រយោជន៍រួម ព្រោះទីតាំងស្នាក់ការបក្សនេះមានទីធ្លា ធំល្វឹងល្វើយ ប្រជាពលរដ្ឋ តែងតែប្រារព្វពិធី មង្គលការ ពិធីបុណ្យ និងពីធីផ្សេងៗដែលមានភាពងាយស្រួល ក្នុងការចតយានយន្ត តែពេលនេះប្រជាពលរដ្ឋ ខកចិត្តយ៉ាងខ្លាំងដែល ត្រូវបានគេឃុបឃិតលក់ទៅវិញ ។
ចំណែកលោកប្រធានបក្សប្រជាជនស្រុកបារាយណ៍ ពុំអាចសុំការពន្យល់បានឡើយ ព្រោះទូរស័ព្ទពុំអាចទំនាក់ទំនងបាន ៕
