ក្រុងប៉ោយប៉ែត ៖ ប្រជាពលរដ្ឋចំនួន៣០គ្រួសាររស់នៅក្រុងប៉ោយប៉ែត សំណូមពរដល់សម្តេចហ៊ុន សែន នាយករដ្ឋមន្ត្រី មេត្តាជួយរកយុត្តិធម៏ជូនដល់ពួកគាត់ដោយក្តីអនុគ្រោះផង ព្រោះមានអាជ្ញាធរមួយចំនួន គ្នាឃុបឃិតគ្នាយកដីបង្កបង្កើនផលចំនួន១៥០ហិកតារបស់ពួកគាត់អស់រយះពេល៣ឆ្នាំហើយ មកដល់ពេលនេះ អាជ្ញាធរ សន្យាជួយដោះស្រាយជូនតែមានតែសន្យាខ្យល់ប៉ុណ្ណោះ។
ប្រជាពលរដ្ឋលើនោះ រស់នៅក្នុងភូមិក្បាលស្ពាន១ សង្កាត់និងក្រុងប៉ោយប៉ែត ខេត្តបន្ទាយមានជ័យ ពួកគាត់មានដី១៥០ហិកតា ស្ថិតនៅក្នុងភូមិល្បើកស្វាយ ឃុំស្រុកស្វាយចេក សព្វថ្ងៃនេះ ខណៈដែលពួកគាត់ទាំង៣០គ្រួសារ ជាកម្មករស៊ីឈ្នូលធ្វើចំការអោយមន្ត្រីទាហ៊ានម្នាក់ឈ្មោះ វណ្ណ សុផាត អង្គភាពយោធភូមិភាគទី៥ កាលពីឆ្នាំ២០០៦លុះមកដល់ឆ្នាំ២០១១ មន្ត្រីទាហ៊ានរូបនោះ គ្មានលុយជូនកម្មករខាងលើនោះឡើយ ដោយជូនជាដីជំនួសថ្លៃពលកម្ម ដោយក្នុងម្នាក់ៗបាន ៥ ហិកតាប៉ុណ្ណោះ ។
តាមការបំភ្លឺរបស់តំណាងពលរដ្ឋ ៣០ គ្រួសារបានបញ្ជាក់ថា នៅក្នុងឆ្នាំ ២០១១ កន្លងទៅ លោកឧត្តមសេនីយទោវណ្ណ សុផាត បានសំរេចប្រគល់ដីដូចមានចំនួន ខាងលើជូនដល់ពលរដ្ឋ ៣០ គ្រួសារ តាមរយៈលោកមេភូមិ មេឃុំស្វាយចេក មុនពេលរូបគាត់ទទួលមរណះភាពទៅ ។
តំណាងប្រជាពលរដ្ឋបន្តទៀតថា ក្រោយពេលលោក វណ្ណ សុផាត បានទទួលមរណៈភាពអស់លោកអាជ្ញាធរខាងលើនោះមិនព្រមប្រគល់ដីជូនពលរដ្ឋឡើយ ដោយគេសុខចិត្តច្បាមយកតែម្នាក់ឯងហើយយកទៅចែកបក្សពួករបស់ខ្លួនទៀតផង ។
ប្រជាពលរដ្ឋបានបន្តទៀតថា នៅថ្ងៃទី៨ ខែមិនា ឆ្នាំ២០១៣ពួកគាត់បានទៅដាក់ពាក្យបណ្តឹងដល់សម្តេច ហ៊ុនសែនតាមរយខុទ្ធកាល័យរបស់សម្តេចតែម្តង លុះមកដល់ថ្ងៃទី១៤ ខែមិនា ឆ្នាំ២០១៣ លោក ហូ សិទ្ធី នាយកខុទ្ទកាល័យបានពិនិត្យ និងចារបញ្ជូនពាក្យបណ្តឹង របស់ពលរដ្ឋ ៣០ គ្រួសារ ទៅអោយ ឯកឧត្តមឧបនាយករដ្ឋមន្ត្រី ប៊ិន ឈិន និងជាប្រធានអាជ្ញាធរជាតិដោះស្រាយទំនាស់ដីធ្លី ។
ពលរដ្ឋបានបន្តទៀតថា នៅក្នុងខែវិច្ចិកា ឆ្នាំ២០១៣ នាយឧត្តមសេនិយឆាយ សាំងយុន ប្រធានអាជ្ញាធរជាតិដោះស្រាយទំនាស់ដីធ្លី បានចេញលិខិតជួយអន្តារគម៏មកអាជ្ញាធរខេត្តបន្ទាយមានជ័យ ដោយបានសំណូមពរមកអភិបាលខេត្ត ជួយដោះស្រាយបញ្ជប់ជូនពលរដ្ឋរងគ្រោះដោយសាជនខិលខូចដែលបានទៅបោកយកលុយពីពួកគាត់ដោយអះអាងរត់កាដីជូនជនរងគ្រោះនិងអាជ្ញាធរមួយចំនួនទៀតដោយក្តីអនុគ្រោះ ។
ពលរដ្ឋបញ្ជាក់ទៀតថា នៅក្នុងខ្លឹមសារអន្តារគម៏របស់ខុទ្ទកាល័យសម្តេចហ៊ុនសែន និងអាជ្ញាធរជាតិដោះស្រាយទំនាស់ដីធ្លីខាងលើនោះ គឺពុំឃើញអស់លោកអាជ្ញាធរខេត្តណាយកចិត្តទុកដាក់ដោះស្រាយបញ្ហាទំនាស់ដីរបស់ពលរដ្ឋរងគ្រោះដូចអ្វីដែលខុទ្ទកាល័យសម្តេច និងអាជ្ញាធរជាតិសំណូមពរនោះឡើយ ។
តំណាងពលរដ្ឋបានបញ្ជាក់ទៀតថា នៅថ្ងៃទី២៦ ខែធ្នូ ឆ្នាំ០១៣ លោកគោស៊ុំ សារឿត អភិបាលខេត្តបន្ទាយមានជ័យ បានសំរេចបង្កើតគណៈកម្មកាចម្រុះ លុះមកដល់ថ្ងៃទី១៣ ខែកុម្ភះ ឆ្ន២០១៤ មានការកោះហៅតំណាងពលរដ្ឋ ៣ រូបមកប្រជុំ នៅក្នុងសាលប្រជុំសាលាខេត្ត ក្រោមការចូលរួមរបស់លោកចុង ផែត ប្រធានគណះកម្មកាដោះស្រាយដីធ្លីថ្នាក់ខេត្ត ក្រោយមកអង្គប្រជុំសំរេចអោយពលរដ្ឋទៅបោះបង្គោលលើដី ដើម្បីសម្គាល់ពិតប្រាកដ ដីរបស់ពលរដ្ឋ នាថ្ងៃទី១៨ ខែឆ្នាំដ៏ដែល លុះមកដល់ថ្ងៃទី១៨ គឺពុំមានអស់លោកណាម្នាក់ក្នុងជួរគណះកម្មកាចូលរួមជាមួយពលរដ្ឋដូចនៅក្នុងអង្គប្រជុំឡើយ បែជាឃើញលោកលីសោន អតីតះមេឃុំស្វាយចេក សព្វថ្ងៃជាប្រធានក្រុមប្រឹក្សាឃុំខាងលើ ដែលកំពុងរងនៅកាចោទថា បានលួចដីរបស់ពួកគាត់កន្លងទៅ មកដោះស្រាយជំនួសមុខអោយលោកឃូ ពៅ អភិបាលស្រុកស្វាយចក ដែលមានតួនាទីជាសមាជិករបស់គណះកម្មកាមកដោះស្រាយទៅវីញ ។
ពលរដ្ឋបានបន្តទៀតថា លោកឃូ ពៅបានចញលិខិតបំភ្លឺមកសាលាខេត្ត កាលពីថ្ងៃទី១៣ កញ្ញា ឆ្ន២០១៣ថា ដីចំនួន១៥០ហិកតានោះ ជាកម្មសិទ្ធរបស់ក្រុមហ៊ុនអភិ
វឌ្ឈន៍មានជ័យ តំណាងប្រជាពលរដ្ឋដ៏ដែលបានបញ្ជាក់ទៀតថា ដីរបស់ពួកគាត់ដែលត្រូវគេរំលោភយកនោះ គឺគេសម្គាល់ឃើញបក្សពួករបស់លោកប្រធានក្រុមប្រឹក្សាឃុំស្វាយចេក បាននាំគ្នាទៅដាំដំឡូងមីយ៉ាងរំភើយ ហើយគ្មានអាជ្ញាធរណាទៅហាមឃាត់ឡើយ ឯប្រជាពលរដ្ឋរងគ្រោះគ្រាន់តែនាំគ្នាដើរទៅមើលដីរបស់ខ្លួននោះត្រូវគេហាមឃាត់មិនអោយឆ្លងកាត់ឡើយ ដូច្នេះហើយ ទើបប្រជាពលរដ្ឋ សំណូមពរដល់ សម្តេចហ៊ុនសែនមេត្តាជួយអន្តារគម៏និងរកយុត្តិធម៏ជូនពួកគាត់ផង ។
លោកគោស៊ុំ សារឿត បានជួបតំណាងរបស់ប្រជាពលរដ្ឋជាច្រើនដងដែរ តែលោកបានសន្យាថា លោកនិងខិតខំដោះស្រាយរឿងនេះបញ្ចប់ជូនអោយបងប្អូននាពេលឆាប់ៗនេះ ប៉ុន្តែកាលើកឡើងរបស់អភិបាលខេត្តនោះ គឺមិនដូចបំណងលើពាក្យសន្យារបស់គាត់ឡើយ គឺមានតែពាក្យសន្យាខ្យល់តែប៉ុណ្ណោះរហូតមកដល់ពេលនេះ ការទន្ទឹងរង់ចាំលើដំណោះស្រាយរបស់អាជ្ញាធរនោះ ប្រៀបដូចជាកាប់បំពង់ រង់ចាំទឹកភ្លៀងអឹចឹង ៕
