លោកអធិការស្រុកឈ្មោះ លោក សុខ ផន ជាអធិការឡើងថ្មីនិងលោកមេប៉ុស្ត៍ថ្មស លោក មាស ភា ទើបឡើងថ្មីនៅក្នុងឃុំថ្មស ស្រុកបូទុមសាគរខេត្តកោះកុង និងលោកម៉េប៉េអ៊ឹមស្រុក លោកសន យ៉ាន សហការជាមួយគ្នាចុះមកបង្ក្រាបអ្នកលក់ចែកចាយគ្រឿងញៀន និងអ្នកសេពគ្រឿងញៀន បន្ទាប់ពីថ្នាក់ខេត្តនិងលោកអភិបាលស្រុកលោក អន ភារៈ និងលោកមេឃុំថ្មស ប្រជុំនិយាយពីការទប់ស្កាត់គ្រឿងញៀនមក លោកមេប៉ុស្ត៍ មាស ភា បានតាមដានយ៉ាងស្អិតរមួតចុះចាប់ដល់កន្លែងអ្នកចែកចាយគ្រឿងញៀនទើបចាប់បានសម្រេច ក្នុងនោះមានអ្នកលក់ចែកចាយថ្នាំញៀន ៧នាក់
១.ឈ្មោះ ណាំ ខៀង អាយុ៦១ឆ្នាំ ជាមេធំក្នុងការចែកចាយ មានទីលំនៅភូមិចម្លងគោ ឃុំថ្មស ពីមុនជាអតីតមេភូមិចម្លងគោផងដែរ ហើយជាអ្នកលក់ថ្នាំប្រភេទ ម៉ាទឹកក យកមកចែកចាយក្នុងឃុំថ្មស
២.ឈ្មោះ សុខ សាន្ត ហៅ អាម៉ៅ ភេទប្រុស អាយុ២៧ឆ្នាំ ជាអ្នកចែកចាយលក់ និង សេពខ្លួនឯងទៀតផង ឈ្មោះនេះដែរជាជើងខ្លាំងនៅក្នុងឃុំថ្មស ហើយគ្មានអ្នកណាហ៊ានប៉ះពាល់ទេ ទើបតែលោកមេប៉ុស្ត៍ មាស ភា ឡើងថ្មី ហ៊ានចាប់ ឈ្មោះ សុខ សាន្ត ហៅអាម៉ៅនោះ ជាអ្នកលក់ថ្នាំដុះស្លែរយូមកហើយ
៣.ឈ្មោះ យ៉េង ឈីង ភេទប្រុស អាយុ២៥ឆ្នាំ ជាអ្នកលក់បន្ត និងចែកចាយក្នុងឃុំថ្មស នោះដែរ ហើយជាអ្នកពូកែជិះម៉ូតូលឿនល្បីជើងខ្លាំងប្រចាំថ្មស តាមប្រជាពលរដ្ឋរស់នៅក្នុងឃុំថ្មស ទាំងមូលបានប្រាប់អ្នកសារពត៌មានយើងថា អ្នកទាំងពីរនាក់នេះ(ឈ្មោះទី២និងទី៣)លក់ថ្នាំជាយូរមកហើយនៅឃុំថ្មសនោះ
៤.ឈ្មោះ សុខ សំណាង ភេទប្រុស អាយុ២០ឆ្នាំ
៥.ឈ្មោះ គួន គន្ធី ភេទប្រុស អាយុ២៩ឆ្នាំ
៦.ឈ្មោះ អិន សុខមៀន ភេទប្រុស អាយុ ៤០ឆ្នាំ
៧.ឈ្មោះ ឡាយ សារ៉ាត ភេទប្រុស អាយុ ២៨ ឆ្នាំ ។
ជនសង្ស័យទាំង៤នាក់នោះជាអ្នកយកថ្នាំបន្តពី ឈ្មោះ សុខ សាន្ត ហៅអាម៉ៅ និង ឈ្មោះ យ៉េង ឈីង ដើម្បីយកមកចែកចាយបន្តទៀត ។
ចំណែកប្រជាពលរដ្ឋរស់នៅក្នុងឃុំថ្មសទាំងអស់ ត្រេកអរខ្លាំងណាស់រកអ្វីប្រៀបផ្ទឹមពុំបានទេ ពេលដែលលឺដំណឹងថាគេចាប់អ្នកលក់ថ្នាំញៀន បានសរសើរល្អណាស់ ប្រជាពលរដ្ឋសម្តែងការស្មោះត្រង់ដល់អាជ្ញាធរសម្ថកិច្ចនិយាយតៗគ្នាថា ពួកគាត់ទូទាំងឃុំថ្មសសរសើរលោកមេប៉ុស្ត៍ថ្មី និងលោកអធិការស្រុកឡើងថ្មី ឈ្មោះ លោក សុខ ផន និងលោកវរៈសេនាទោ យឹម ផេង ស្នងការរង ខេត្តកោះកុង ទទួលបន្ទុកផែនប្រឆាំងបទល្មើសចុះមកបង្ក្រាបនិងចាប់ខ្លួនបានអ្នកលក់ថ្នាំញៀននិងចែកចាយថ្នាំនៅក្នុងឃុំថ្មស ស្រុកបូទុមសាគរ ខេត្តកោះកុង ហើយនិងក៏សាងសំណុំរឿងបញ្ជូនទៅតុលាការខេត្តកោះកុង ចាត់ការតាមផ្លូវច្បាប់ ៕
ដោយ លោក យូន ឈីវ
