រាជធានីភ្នំពេញ ៖ ប្រជាពលរដ្ឋជាច្រើនគ្រួសារ បាន ចោទប្រកាន់ឈ្មោះ លី គឹមហេង អ្នករកស៊ីជីកដីលក់ដែលបានជីករណ្តៅដីមួយកន្លែង មានទីតាំងស្ថិត នៅជាយក្រុងភ្នំពេញ ក្នុងភូមិសាស្ត្រ ព្រំប្រទល់រវាង ខណ្ឌពោធិ៍សែនជ័យ និងខណ្ឌព្រែកព្នៅ ដែលឈ្មោះ លី គឹមហេង ទិញតពីឈ្មោះបូរ ដើម្បីបន្ត អាជីវកម្មកាយយកអាចម៍ដី ទៅលក់ ក្នុងទំហច្រើនហិកតា និងមានជម្រៅ ហួសក្បាលប្រែតប្រមាណ ២០ម៉ែត្រចុះក្រោម ឯណោះបណ្តាលឲ្យប្រជាពលរដ្ឋដែលរស់នៅជិតទីនោះមានការភ័យខ្លាចមានការបាក់ស្រុត។
ប្រជាពលរដ្ឋបញ្ជាក់ថា ម្ចាស់រណ្តៅដីដែលហ៊ានជីក ដល់ក្បាលប្រែតនេះ ដោយគេសំអាងខ្នង ត្រូវជាក្មួយរបស់ថ្នាក់ដឹកនាំ សាលារាជធានីភ្នំពេញទើបហ៊ាន ធ្វើដូច្នេះ ព្រោះច្បាប់អនុញ្ញាតិឲ្យជីកត្រឹមតែ ៥-៦ម៉ែត្រ ចំណែកឈ្មួញជើងខ្លាំងរូបនេះ ជីកហួសក្បាលប្រែត ជម្រៅប្រមាណ ២០ម៉ែត្រ ដោយមិនខ្លាច បង្កផលប៉ះពាល់ដល់ ប្រជាពលរដ្ឋ រស់នៅម្តុំនោះឡើយ
មិនតែប៉ុណ្ណោះ ថែមទាំងយកឈ្មោះអភិបាលរងរាជធានីភ្នំពេញម្នាក់ មកបំភិតបំភ័យប្រជាពលរដ្ឋថែមទៀត ។
រណ្ដៅដីមួយនេះ នៅជិតដីធ្វើស្រែចំការ របស់ប្រជាពលរដ្ឋ ម្យ៉ាងពួកគាត់ខ្លាច សត្វចិញ្ចឹមដើរធ្លាក់ចូលលង់ទឹកងាប់ ពីព្រោះរណ្ដៅនេះ ពុំមានព័ទ្ធរបងការពារអ្វីនោះទេ។
ប្រជាពលរដ្ឋបន្តថា ការជីករណ្តៅ ដ៏ធំនិង ជម្រៅជ្រៅ ជិត២០ម៉ែត្រ វាអាចនឹងប្រឈមទៅនឹងបាក់ដី ប៉ះពាល់ដល់ដី អាស្រ័យផលរបស់ពលរដ្ឋ ចំណែកការដឹកជញ្ជូនដីតាមរថយន្ត ហុយដីប៉ះពាល់សុខភាព រថយន្តបើកបរឆ្លងកាត់ ល្បឿនលឿន បង្កខូចផ្លូវបេតុងរបស់ប្រជាពលរដ្ឋ ថែមទៀតផង ។
យើងពុំអាចសុំការបំភ្លឺពីឈ្មោះលី គឹមហេង បានឡើយ ចំណែកមន្ទីរ៉ែនឹងថាមពលរាជធានី នឹងសាលារាជធានីសង្ស័យធ្វើគធ្វើថ្លង់ ទើបមិនលឺសំរែកប្រជាពលរដ្ឋ ភ័យខ្លាចពីរណ្តៅដីជីកហួសក្បាលប្រែត៕
