ទំនាស់សុំបើកផ្លូវ របស់ពលរដ្ឋ១៤គ្រួសារ ត្រូវបានបកស្រាយ

ខេត្តសៀមរាប ៖ តំណាងប្រជាពលរដ្ឋ១៤គ្រួសារ ដែលបានសុំឲ្យព័ត៌មានផ្សព្វផ្សាយ ! ដើម្បីស្នើរសុំ អន្តរាគមន៍ទៅសម្តេចតេជា ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជាថា៖ ឯកឧត្តម ដុម ហាក់ អនុរដ្ឋលេខា ធិការ ក្រសួងការពារជាតិ បានបិទផ្លូវ ទំហំ ៥ ម៉ែត្រ គុណ ៥០ ម៉ែត្រ នៅចំណុច ស្ពានរ៉ោករ៉ាក ! ស្ថិតក្នុងភូមិមណ្ឌល០៣ សង្កាត់ស្លក្រាម ក្រុងសៀមរាប កាលពីពេលថ្មីៗកន្លងមកនេះ ។

តំណាងពលរដ្ឋទាំងនោះមានឈ្មោះ វណ្ណ ធឿន ភេទស្រីអាយុ ៤៥ ឆ្នាំ និង ឈ្មោះ ភោគ វណ្ណ ធឿន យ៉ា អាយុ ៤០ ឆ្នាំ អ្នកទាំងពីរស់នៅភូមិ មណ្ឌល០៣ សង្កាត់ស្លក្រាម ក្រុង សៀមរាប ។

ជុំវិញបញ្ហាខាងលើ ! ឯកឧត្តម ដុម ហាក់ បានយកឯកសាកាន់កាប់ដីធ្លី ដែលប្រជាពលរដ្ឋ ១៤ គ្រួសារ បានចោទប្រកាន់នោះមកបញ្ជាក់ ប្រាប់អ្នកយកព័ត៌មាន នៅវេលាម៉ោង ១០ និង១៥ នាទី ព្រឹកថ្ងៃទី ០៥ ខែមេសា ឆ្នាំ២០១៦ ដើម្បីពិនិត្យមើលទាំងអស់គ្នា ! ជុំវិញកសារកាន់កាប់ដីធ្លី ដែលពលរដ្ឋចោទ ប្រកាន់ខាងលើ ! ពុំមានឈ្មោះ ឯកឧត្តម ដុម ហាក់ នោះឡើយ ។ ឯកសាកាន់កាប់ដីធ្លីនោះ មាន ឈ្មោះ ជា សា មឿន ! ក្រុមមន្រ្តីពាក់ព័ន្ធបានពិនិត្យ លិខិតកាន់កាប់ដីធ្លីទាំងអស់ ពុំមានព្រំប្រទល់មួយណាបញ្ជាក់ថា ! ជាប់នឹងផ្លូវ ៥ ម៉ែត្រ គុណ និង ៥០ ម៉ែត្រ នោះទេ ! និងមិនមានអាជ្ញាធរ ចុះហត្ថលេខា ទទួលស្គាល់នោះដែរ គឺមានន័យថារាល់ ឯកសារទទួលស្គាល់តែគ្នាឯងប៉ុណ្ណោះ ។

លោក ម៉ី សាំកដ មេភូមិមណ្ឌល ០៣ សង្កាត់ស្លក្រាម បានបញ្ជាក់ថា៖ ដីចំណុចនេះដើមឡើយជាដី របស់កងទ័ព ក្រោយមកពួកគេបានលក់បន្តគ្នា រហូតមកដល់ពេលនេះ ពលរដ្ឋពួកគាត់បានឆ្លងកាត់ តាមនេះមែន ប៉ុន្តែពុំមែនផ្លូវទេ ! ព្រោះជាដីកម្មសិទ្ធរបស់គេកាន់កាប់ ។

លោកពូ តឹក សារឿន ជាចាស់ទុំនៅតំបន់នេះបាននិយាយថា៖ ឈ្មោះ វណ្ណ ធឿន និង ភោគ យ៉ា ពួកគេទាំងពីរខាងលើ បានឲ្យគាត់និងកូនចៅចូលរួមស្នើរសុំ តវ៉ាដែរ ប៉ុន្តែគាត់និងកូនចៅមិនព្រម អ្វីដែល គួរខឹងនោះ ពួកគេទាំងពីរ បានក្លែងបន្លំ ឈ្មោះ និងស្នាមមេដៃ ដែលពលរដ្ឋ១៤គ្រួសារ បានស្នើរសុំអន្តរាគមន៍ ! ក្នុងនោះ មានឈ្មោះគាត់ និងកូនចៅរបស់គាត់ទៀតផង ។

តំណាងពលរដ្ឋទាំង១៤គ្រួសារ ខាងលើបានសំដែងនូវការមិនពេញចិត្ត និងចង់វៃរបងដីរបស់ ជា សា មឿន កាន់កាប់សព្វថ្ងៃដើម្បីរកម្ចាស់ទៀតផង ។

ឯកឧត្តម ដុម ហាក់ បានស្នើរសុំកុំឲ្យពលរដ្ឋយកឈ្មោះរបស់គាត់ទៅប្រើជាម្ចាស់កម្មសិទ្ធ កាន់កាប់ដី មួយនេះទៀត ព្រោះវាពាក់ព័ន្ធនិងកិត្តិយសរបស់លោក ៕