កំពង់ធំះ.ក្រុមឈ្មួញបានយកគ្រឿងចក្រ មកធ្វើសកម្មភាពឈូសឆាយ លើដីព្រៃបំរុងម៉ាត់អូរជាសម្បត្តិរដ្ឋ ជាបន្តបន្ទាប់ស្ថិតនៅចំនុចអូរផ្តិល ភូមិថ្មសំលៀង ឃុំគ្រយាស្រុកសន្ទុក ខេត្តកំពង់ធំ។
ជាក់ស្តែងនាពេលថ្មីៗនេះ គេឃើញឈ្មួញបានឆ្លៀតឧកាស យកគ្រឿងចក្រ មកឈូសរំលោភយកដីព្រៃបំរុងមាត់អូរ ដែលជាកន្លែងសម្រាប់សត្វគ្រប់ប្រភេទជ្រកជាអចិន្ត្រៃយ៏។
ប្រភពព័ត៍មានពីសមត្ថកិច្ចនៅឃុំគ្រយា បានបង្ហើបឲ្យដឹងថា គ្រឿងចក្រអេស្កាវូទ័រ ដែលកំពុងតែធ្វើសកម្មភាព ឈូសឆាយដីព្រៃខាងលើនេះ ត្រូវបានគេស្គាល់ជាលោក ឧត្តមសេនីយ៏ទោសៀង គឹមស៊ាន់ នៅក្រសួងមហាផ្ទៃ បានមកធ្វើចំការនៅទីនោះ ហើយក៏បានឆ្លៀតឪកាស ឈូសឆាយដីព្រៃបំរុងអូរ វាទយកបន្ថែមធ្វើជាកម្មសិទ្ធផ្ទាល់ខ្លួន។ ពាក់ពា័ន្ធលើករណីនេះដែរ
លោកឧត្តមសេនីយ៏ទោ សៀង គឹមស៊ាន់ បានប្រាប់អ្នកសារព័ត៍មាន តាមទូរស័ព្ទនៅដើមសប្តាហ៏នេះថា !កូនចៅរបស់លោកបានឈូសឆាយដីនោះមែន តែមិនមែនដីព្រៃហាមឃាត់ទេ ហើយដីដែលលោក បានឲ្យកូនចៅឈូសឆាយនោះគឺជាដី ដែលគាត់ទិញពីប្រជាពលរដ្ឋ យកមកធ្វើចំការ ចំនែកដីមាត់អូរនោះលោកបានបញ្ជាឲ្យកូនចៅបញ្ឈប់សកម្មភាពហើយ។
ទាក់ទិនលើករណីឈូសឆាយព្រៃខាងលើនេះ លោកតឹប ញាតា នាយខ័ណ្ឌរដ្ឋបាលព្រៃឈើកំពង់ធំ បានបង្ហើបប្រាប់ថា! លោកបានចុះទៅពិនិត្យដល់កន្លែងកើតហេតុនោះហើយ តែលោកហ៊ានឃាត់ចាប់ទេ ពីព្រោះឋានៈគេធំ ជាងខ្លួនគាត់ជាមេព្រៃ តែលោកនាយខ័ណ្ឌ ក៏បានដាក់ពាក្យបណ្តឹងរឿងនេះ ទៅតុលាការហើយសម្រេចយ៉ាងណានោះលោកមិនទាន់ដឹង
បើតាមប្រភពពី សមត្ថកិច្ចមូលដ្ឋានឃុំគ្រយាបានលួចខ្សឹបប្រាប់ថា រឿងនេះលោកបានធ្វើសាវតាជាតិ បញ្ជូនឲ្យទៅខាងជំនាញរដ្ឋបាលព្រឈើរួចហើយ! តែមិនមែនខាងរដ្ឋបាលព្រៃឈើប្តឹង លោកឧត្តមសេនីយ៏ ទោនោះទេ បែរជាមកប្តឹងពីឈ្មោះប្រជាពលរដ្ឋទៅវិញ ដោយបានចោទថា ជាអ្នកលក់ដីឲ្យទៅលោកផ្កាយ២នោះ។
