ខេត្តក្រចេះ៖ ប្រជាពលរដ្ឋ៥៦គ្រួសារ រស់នៅក្នុងភូមិកំពុងគរ ឃុំកំពុងគរ និងភូមិជ្រោយអំពិល ឃុំចំបក់ ស្រុកព្រែកប្រសព្វ ខេត្តក្រចេះ បានស្នើរសុំអន្តរាគមន៍ ពីសម្តេចអគ្គសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា ដើម្បីឲ្យពួកគាត់ទទួលបាន ប័ណ្ណកម្មសិទ្ធកាន់កាប់ដីធ្លីស្របច្បាប់ផងដែរ ។
តំណាងពលរដ្ឋទាំងនោះ មានឈ្មោះ ១! នុត សា វុន ២! ទី លាងផេង ៣ ! អ៊ុំ ច្រន ៤! ឆៃ សុភាព ៥! វ៉ាន់ សុខណៃ តំណាងពលរដ្ឋទាំង៥ប្រាំ
បានរៀបរាប់ប្រាប់ នៅរសៀលថ្ងៃទី២៨ ខែមីនា ឆ្នាំ២០១៦ នេះ ថា៖ ដីដែលពួកគាត់ អាស្រ័យផលចាប់តាំង ពីឆ្នាំ២០០៦មកម្លេះ មានពលរដ្ឋខ្លះរស់នៅអាស្រ័យផល តាំងពីឆ្នាំ ១៩៧៩ទៀតផង ! កន្លង មកមិនដែលមានអាជ្ញាធរ មួយណា ! មកអះអាងថា ជាដីកម្មសិទ្ធ របស់បុគ្គលមួយណា នោះឡើយ ។ លុះដល់ថ្ងៃទី១៧ ខែមិថុនា ឆ្នាំ២០១៤ មានអាជ្ជាធរខេត្តក្រចេះ ! បានដឹកនាំកម្លាំង និងជំនាញ ចម្រុះចុះហាមឃាត់ មិន ឲ្យពួកគាត់ អាស្រ័យផល ! រុះរើ លំនៅដ្ឋានចាំចំការ និងបំផ្លាញផលដំណាំអស់មួយចំនួន ! ព្រមទាំងបោះ បង្គោលព្រំ លើដីដែលពួកគាត់ កំពុងអាស្រ័យផលទៀតផង ។
អាជ្ញាធរអះអាងថា៖ ជាដីសម្បទានសង្គមកិច្ច ដែលរដ្ឋាភិបាលប្រគល់ជូនឃុំចំបក់ សម្រាប់ចែកជួនពលរដ្ឋក្រីក្រ ចំនួន ៤០០ គ្រួសារមកពីគ្រប់កន្លែងផ្សេងៗគ្នា ។
ពលរដ្ឋទាំងអស់បានបញ្ជាក់ថា៖ ពលរដ្ឋក្រីក្រ៤០០ គ្រួសារដែលអាជ្ញាធររៀបចំនោះ សុទ្ធសឹង ជាអ្នកមានម៉ូតូ ល្អៗនិងខ្សែរកធំៗ ។ នៅមានប្រជាពលរដ្ឋ ប្រមាណជាង១០០គ្រួសារ ទៀតដែលកំពុងរស់នៅ និង អាស្រ័យផល ! បង្ករបង្កើនផលនៅចំណុច អូរធ្លក អូរត្រឡប់ អូរថ្ម និងព្រៃស្រ្កំ កំពុងរងគ្រោះផងដែរ ។
ប្រជាពលរដ្ឋទាំងអស់ បានរិះគន់គន់ថា៖ លោក តាវ ពេងឡាយ មេឃុំចំបក់ បានចុះហត្ថលេខាក្នុងកិច្ចសន្យាលក់ដី ចំនួន ( ១០៥១ ហិកតា ) ដែលមានភាគី អ៊ឹង ម៉េងតឹក ភេទប្រុស អាយុ ៤៦ឆ្នាំ និង សុន សានី ភេទស្រី អាយុ ៤៣ ឆ្នាំ អ្នកទាំងពីរ រស់នៅក្នុងភូមិ តាម៉ៅក្រោម ឃុំ តាម៉ៅ ស្រុកព្រែកប្រសព្វ ខេត្តក្រចេះ បានលក់ឲ្យ ឈ្មោះ សុខ ហេង ភេទប្រុស អាយុ ៦០ ឆ្នាំ រស់នៅខេត្តកំពង់ចាម ។ ( មានឯកសារចុះហត្ថលេខាលក់ដីមេឃុំ )
ទង្វើទាំងនេះ មិនមានសមត្ថកិច្ច ឫជំនាញមួយណាយកភ្នែកមើល សូម្បីតែអាជ្ញាធរខេត្តក្រចេះក៍ដូច្នោះដែរ ។
ទាក់ទិនបញ្ហាដីធ្លីខាងលើ ឯកឧត្តម ខាន់ ចំណាន អភិបាលរងខេត្តក្រចេះ មានប្រសាសន៍កាលពីថ្ងៃទី១៩ ខែ ឧសភា ឆ្នាំ២០១៥ កន្លងទៅថា៖ បើមានឯកសារលោកមេឃុំ ចុះហត្ថលេខាក្នុងកិច្ចសន្យាលក់ដី( ១០៥១ ហិកតា ) មែននោះ ! លោក នឹងចាត់វិធានការទៅតាមផ្លូវច្បាប់ ។
ពលរដ្ឋទាំងអស់បានបញ្ជាក់ថា៖ មានតែសម្តេចតេជោ ហ៊ុន សែន ទេ ! ដែលជាអ្នកសង្រ្គោះ អាយុជីវិតពួកគាត់ ! នឹងធ្វើឲ្យពួកគាត់ទទួលបាន នូវប័ណ្ណកម្មសិទ្ធដីស្របច្បាប់ ៕ ប៊ុនធឿន (សៀមរាប)
