ខេត្តឧត្តរមានជ័យ ៖ ទីតាំងល្បែងយុគី បៀរ និងអាប៉ោង ដែលចាក់លេងភ្នាល់គ្នារាប់លានរៀល នៅជាប់ក្នុង ផ្សារ ស្រុកត្រពាំងប្រាសាទ ខេត្តឧត្តរមានជ័យ ដែលកំពុងលេងយ៉ាងអនាធិបតេយ្យ ពុំក្រែងចិត្តចំពោះ សមត្ថកិច្ចនៅ ក្នុង ស្រុក និងអាជ្ញាធរ ស្រុក នោះឡើយ។
ចំពោះសកម្មភាពល្បែងស៊ីសង នៅក្នុងផ្សារស្រុកត្រពាំងប្រាសាទនេះ បានដំណើរការជាយូរមកហើយ គ្មានសមត្ថ កិច្ចណាហ៊ានបង្ក្រាបនោះឡើយ ហើយកន្លងមកមានប្រជាពលរដ្ឋមួយចំនួនចូលលេងល្បែងយុគី បៀរ និងអាប៉ោង នៅទីតាំងខាងលើ បានចាញ់អស់ម៉ូតូ ឡាន មានអ្នកខ្លះទៀតត្រូវប្រចាំប្លង់ផ្ទះ ដីស្រែចំការ រហូតដល់ប្តីប្រពន្ធ ឈ្លោះ ទាស់គ្នា ដល់លែងលះគ្នាក៏មាន មិនតែប៉ុណ្ណោះ ប្រជាពលរដ្ឋនៅ ក្នុងស្រុកត្រពាំងប្រាសាទ រអ៊ូរទាំយ៉ាង ខ្លាំង ចំពោះទីតាំងល្បែងនោះ ដែលលេងទាំងយប់ទាំងថ្ងៃ រំខានដល់ការសំរាក របស់ប្រជាពលរដ្ឋ នៅ ពេលយប់ ផងដែរ។
ក្នុងនោះ ចំពោះទីតាំងល្បែងដែលត្រូវបានគេស្គាល់ច្បាស់មានបុរសពីរនាក់ ដែល អ្នកគ្រប់គ្រង និងជាអ្នករត់ការ ចំពោះសមត្ថកិច្ចគ្រប់ជំនាញ មិនតែប៉ុណ្ណោះពួកគាត់ទាំង២នាក់ បានដាក់កម្លាំងយាមការ ពារយ៉ាងតឹងតែង បំផុត បិទទ្វារមិនឱ្យអ្នកប្លែកមុខចូលដល់ទីតាំងលេងល្បែងនេះបានឡើយ។
គួរបញ្ជាក់ថា នៅក្បែទីតាំងល្បែងខាងលើនេះប្រជាពលរដ្ឋបានស្គាល់យ៉ាងច្បាស់ ម្ចាស់បើកទីតាំងល្បែងនេះផង និងជាអ្នកកាងការពារមិនឱ្យរាល់អ្នកសារព័ត៌មាន ឬសមត្ថកិច្ចណាចូលទៅរំខាន ចំពោះសកម្មភាពល្បែង កំសាន្ត ចាញ់អស់ ប្រាក់រាប់លានបាននោះឡើយ ហើយមិនតែប៉ុណ្ណោះល្បីឈ្មោះជាយូរមកហើយ ក្នុងការរៀបចំ ជាល្បែង ប្រពៃណីលេងល្បែ ស៊ីសងដ៏ល្អម្នាក់ប្រចាំនៅក្នុងទីរួមស្រុកត្រពាំងប្រាសាទនេះ ហើយក៏ជាអ្នកឈរជើង បានយូរ ជាងគេដែរ ក្នុងការជាប់ឈ្មោះជាអ្នកកាង និងបើកទីតាំងល្បែងស៊ីសងគ្រប់ប្រភេទនៅក្នុងស្រុកត្រពាំងប្រាសាទ។
យ៉ាងហោចណាស់ក្នុងមួយថ្ងៃក៏មានប្រជាពលរដ្ឋមិនតិចអ្នកដែលចាញ់អស់នៅតែខោអាវ ត្រឡប់ទៅផ្ទះវិញ ដែល មកលេងល្បែងនៅក្នុងផ្សារទីរួមស្រុកត្រពាំងប្រាសាទនេះ ចាប់តាំងពីឯកឧត្តម ស ថាវី ឡើងកាន់ដំណែងជា អភិ បាលនៃគណៈអភិបាលខេត្តឧត្តរមានជ័យ និងឯកឧត្តមឧត្តមសេនីយ៍ត្រី ម៉ែន លី ស្នងការនគរបាលខេត្ត ឧត្តរមាន ជ័យ នៅក្នុងវេទិការសេរីក្នុងភូមិឃុំសុវត្ថិភាព ឯកឧត្តមបានដាក់បទបញ្ជាឱ្យបញ្ឈប់ រាល់សកម្មភាពល្បែង ស៊ីសង គ្រប់រូបភាព ទាំងអស់ ពីព្រោះនៅទីកន្លែងណាមានសកម្មភាពល្បែងស៊ីសង មានអ្នកចាញ់ បង្កទៅជារឿង មាន ចោរ កម្មអសន្តិសុខ ចំពោះមូលដ្ឋានភូមិឃុំ និងសេចក្តីសុខរស់នៅប្រជាពលរដ្ឋ ក៏ប៉ុន្តែចំពោះទីតាំង ល្បែង ស៊ីសង ដែលមានយុគី បៀរ និងអាប៉ោង នៅក្នុងផ្សារទីរួមស្រុកត្រពាំងប្រាសាទ អាចដំណើរការបានទាំងយប់ទាំងថ្ងៃ ក៏ ដោយមានការឃុបឃឹតពីសមត្ថកិច្ចគ្រប់ជំនាញ់ផងដែរ ៕
