ខេត្តសៀមរាប៖ លោកជំទាវ ជា គង្គារ ភរិយានាយឧត្តមសេនីយ៍ ដុម ហាក់ អនុរដ្ឋលេខាក្រសួងការពារជាតិ ទទួលរងនូវ ការចោទប្រកាន់ពី សំណាក់ឧត្តមសេនីយ៍ទោ កែវ មាស នាយសេនាធិការរង កងទ័ពជើងគោក និងជានាយការិយាល័យទី២ ពីបទលក់ដីទំហំ ២ ហិចតា ដែលធ្វើការដោះ ទីតាំងអង្គភាពមណ្ឌល៤ នៅបន្ទាយស្រី ! សព្វថ្ងៃកំពុងមានបញ្ហាវិវាទ ជាមួយ លោក តាំង អៀង និងប្រពន្ធឈ្មោះ ជា មួយ ដែលមានលិខិតកាន់កាប់ដីធ្លីទំហំ ២០ម គុណនឹង ៣០ម ចេញដោយ អាជ្ញា ធរ ឃុំ ! ជា ភស្តុតាង នៅជាប់នឹងខ្លួន មិនទាន់ធ្វើការដោះស្រាយនោះ ! មិនតែប៉ុណ្ណោះ ! ឧត្តមសេនីយ៍ទោ កែវ មាស បាន ចោទប្រកាន់ថា ! លោកជំទាវ លក់ដី ដែលនៅទំនេ គ្រប់ទីកន្លែងទៀតផង ។
ឧត្តមសេនីយ៍ទោ កែវ មាស មានប្រសាសន៍តាមទូរស័ព្ទ នៅវេលាម៉ោង០៣ និង៤៦នាទី នារសៀលថ្ងៃទី២១ ខែមីនា ឆ្នាំ២០១៦ កន្លងមកថា៖ លោកជំទាវជា គង្គារ ភរិយានាយឧត្តមសេនីយ៍ ដុម ហាក់ ថ្នាក់ដឹកនាំមួយនេះបាន បង្កបញ្ហាគ្រប់ទីកន្លែង ។
ជុំវិញរឿងរ៉ាវខាងលើ អ្នកព័ត៌មានបានទូរស័ព្ទសួរទៅលោក ជំទាវ ជា គង្គារ ភរិយានាយឧត្តមសេនីយ៍ ដុម ហាក់ នៅវេលា ម៉ោង ១២ និង២៥នាទី ថ្ងៃទី២២ ខែមីនានេះថា៖ ការចោទប្រកាន់ របស់ឧត្តមសេនីយ៍ទោ កែវ មាស ខាងលើសុទ្ធសឹង ជាការបំប៉ោងបញ្ហា ! ធ្វើឲ្យប៉ះពាល់ដល់កិត្តិយស លោកជំទាវជាខ្លាំង ! និងកិត្តិយស នាយឧត្តមសេនីយ៍ ដុម ហាក់ ផងដែរ បើសិនជាឯកឧត្តម ! មានឯកសារណាមួយ យកមកបញ្ជាក់ លោកទំទាវទទួលខុសត្រូវចំពោះមុខច្បាប់ ។
លោកជំទាវ ជា គង្គារ បានបញ្ជាក់ថា៖ សូមឲ្យផ្លូវច្បាប់រកយុត្តិធម៌ ឲ្យបានសមស្របមួយ ចំពោះការបរិហារកេរ្តិ៍ របស់ឯកឧត្តម កែវ មាស ដែលធ្វើឲ្យប៉ះពាល់ នូវកិត្តិយសរបស់ លោកជំទាវផង ៕ ប៊ុនធឿន (សៀមរាប )
