ប៉ោយប៉ែត៖ កម្លាំងនគរបាលនៃអធិការដ្ឋានក្រុងប៉ោយប៉ែត ដឹកនាំកម្លាំងផ្ទាល់ដោយលោកវរសេនីយ៍ ត្រីអ៊ុំ សុផល អធិការក្រុងបានចុះប្រតិបត្ត័ការណ៍បង្ក្រាបក្រុមជនសង្គមងងឹតចែកចាយនិងប្រើប្រាស់ គ្រឿង ញៀនខុសច្បាប់រយះពេល២ថ្ងៃ ចាប់ពីថ្ងៃទី០៣ រហូតដល់ថ្ងៃទី០៤ ខែកក្កដា ឆ្នាំ២០១៤នេះ ឃាត់ខ្លួនជនសង្ស័យ បានចំនួនជាង៣០នាក់កក្រើកពេញក្រុងប៉ោយប៉ែត ។
លោកវរសេនីយ៍ត្រីអ៊ុំ សុផល អធិការក្រុងប៉ោយប៉ែត បានឱ្យដឹងថា ការចុះប្រតិបត្តិការណ៍បង្ក្រាបក្រុម ជនសង្ស័យសង្គមងងឹតចែកចាយនិងប្រើប្រាស់គ្រឿងញៀនខុសច្បាប់ខាងលើនេះ គឺយោងតាមបទ បញ្ជាពីលោកឧត្តមសេនីយ៍ត្រីអាត់ ខែម ស្នងការខេត្តបន្ទាយមានជ័យ ដែលបានដាក់បទបញ្ជាយ៉ាងម៉ឹង ម៉ាត់បំផុតចំពោះកងកម្លាំងក្រោមឱវាទឱ្យជួយយកចិត្តទុកដាក់ក្នុងការពារសន្តិសុខសណ្តាប់ធ្នាប់សាធារណះជូនដល់ប្រជាពលរដ្ឋ នៅក្នុងតំបន់ឈរជើងរៀងៗខ្លួនឱ្យខាងតែបាន ។
លោកអធិការបន្តថា ជនសង្ស័យដែលសមត្ថកិច្ចរបស់លោកឃាត់ខ្លួនបានជាបន្តបន្ទាប់សរុបជាង៣០ នាក់ រួមទាំងវត្ថុមួយចំនួនផងនោះ ត្រូវបានសមត្ថកិច្ចរបស់លោកកំពុងតែសួរនាំជាបណ្តោះអាសន្ន តាមនិតិវិធីផងដែរ ! បន្ទាប់មកចំពោះជនសង្ស័យដែលសួរនាំរួច មួយចំនួនពួកគេបានឆ្លើយសារភាពពី កំហុសឆ្គងថា ខ្លួនពិតជាបានប្រព្រឹត្តល្មើសច្បាប់ពិតមែននោះ ត្រូវបានកម្លាំងជំនាញរបស់លោកកសា ងសំណុំរឿងបញ្ជូនពួកគេបន្តទៅស្នងការខេត្តដើម្បីចាត់ការតាមច្បាប់នាពេលក្រោយតែម្តង ៕
