រថយន្តដឹកគ្រឿងសង្ហារឹមរបស់ថៅកែស្រីជើងខ្លាំងប្រចាំឃុំសាឯមជួបគ្រោះថ្នាក់ចរាចរណ៍ដោយសារបុកសត្វគោ

ខេត្តសៀមរាប៖រថយន្តតាកូម៉ា ពណ៏ទឹកប្រាក់ ពាក់ស្លាកលេខភ្នំពេញ ២AC ៦០ ៨៤ ដឹកគ្រឿងសង្ហារឹមសំពីងសំពោង របស់ថៅកែស្រីជើងខ្លាំងម្នាក់ ដែលប្រចាំនៅឃុំសាឯម បានជួបគ្រោះថ្នាក់ចរាចរណ៍ ដោយសារការបើកបរ ក្នុងល្បឿនលឿនទិសដៅចេញពីភូមិស្រឯម យកទៅលក់ចែកចាយបន្ត នៅក្នុងរាជធានីភ្នំពេញ លុះមកដល់ចំណុចកើតហេតុ ស្រាប់តែប្រទះសត្វគោ១ក្បាល ដែលកំពង់រត់ឆ្លងផ្លូវ ក៍បុកសត្វគោនោះ បណ្ដាលឲ្យរថយន្តរេចង្កូតធ្លាក់ចូលក្នុងប្រឡាយ ខូចខាតផ្នែកខាងមុខទាំងស្រុង។

ហេតុការណ៏គ្រោះថ្នាក់ចរាចរណ៍ខាងលើនេះ បានកើតឡើងកាលពីវេលាម៉ោង០៦ ១៥នាទី ល្ងាចថ្ងៃទី១៣ ខែមិនា ឆ្នាំ២០១៦ ត្រង់ចំណុចកងពលធំអន្តរាគមន៍លេខ៣ ស្ថិតក្នុងឃុំកន្ទួត ស្រុកជាំក្សាន្ត ខេត្តព្រះវិហារ ប្រជាពលរដ្ឋនៅកន្លែងកើតហេតុបានឲ្យដឹងថា រថយន្តដឹកគ្រឿងសង្ហារឹមសំពីងសំពោងនេះ ជារបស់ថោកែសិប្បកម្មដ៍ធំមួយកន្លែង ក្នុងភូមិស្រឯម មានឈ្មោះ ឌី បើកបរដោយថៅកែស្រីម្នាក់ មិនស្គាល់ឈ្មោះ ពលរដ្ឋបានឲ្យដឹងទៀតថា រថយន្តដែលជួបគ្រោះថ្នាក់ខាងលើនេះ មានគ្នាចំនួន៣នាក់ តែសំណាងល្អមិនបណ្ដាលឲ្យមានគ្រោះថ្នាក់ដល់អាយុជីវិតនោះទេ គ្រាន់តែខូចខាតរថយន្តផ្នែកខាងមុខ ក្រោយពេលកើតហេតុម្ចាស់រថយន្ត បានហៅរថយន្តមកអូស យកទៅជួសជុលដោយខ្លួនឯង។

គួរំលឹកដែរថា កាលពីយប់ ថ្ងៃទី០៧ ខែមិនា ឆ្នាំ២០១៦ វេលាម៉ោង០៤ ៣០ រថយន្តសាំយុង ពណ៏ទឹកប្រាក់ ពាក់ស្លាកលេខ ភ្នំពេញ២T ១៦ ២២ ដឹកគ្រឿងសង្ហារឹម របស់ថៅស្រីរូបនេះ ក៍បានជួបគ្រោះថ្នាក់ចរាចរណ៍ក្រឡាប់តែឯង ត្រង់ចំណុចភូមិត្រពាំងសង្កែលិច ឃុំកន្ទួត ស្រុកជាំក្សាន្ត ខេត្តព្រះវិហារ បណ្ដាលឲ្យកម្មករម្នាក់ស្លាប់នៅនិងកន្លែង និងកម្មករម្នាក់ទៀតបានរងរបួសធ្ងន់ ដោយសារតែតៃកុងបើកបរបានងងុយដេក។

សូមបញ្ជាក់ផងដែលថាបច្ចុប្បន្ននេះរថយន្ដដឹកសិប្បកម្មសំពីងសំពោងទាំងយប់ទាំងថ្ងៃសម្ថតកិច្ចប៉ូលីសចរាចណ៏តាមដងផ្លូវហុចដៃទទួលលុយពីក្រុមឈ្មួញទាំងនោះដោយរថយន្ដមិនទាំងឈប់ផង រឺឯមន្ត្រីជំនាញ ដែលពាក់ពន្ធ័ទៅនិងបទល្មើសព្រៃឈើមិនដែលត្រួតពិនិត្យម្ដងណាឡើយបើគោយន្ដដឹកជញ្ជូនបន្តិចបន្ទួច ដេញប្រផាត់ចាប់ប្រភីងមិនឲ្យរួចខ្លួនមួយនោះឡើយ ពេលដែលឃាត់គោយន្ដពួកគាត់ ម្ចាស់គោយន្ដបានសំពះអង្វរថែមទាំងទឹកភ្នែករហេមរហាមគួរឲ្យអាណិតដល់ពួកគាត់ណាស់៕