កំពង់ធំៈ បទល្មើសព្រៃឈើស្រុកសណ្តាន់ ឈ្មួញនៅតែបន្តដឹកយ៉ាង កគ្រឹកគ្រេងចេញពីព្រៃឡង់ បន្តែក្នុងនោះត្រូវបានគេដឹងថា គឺសុទ្ធរបស់មន្រ្តីរាជការ និងកម្លាំង ដឹកឈើសុទ្ធតែរថយន្តកូរ៉េ និងរថយន្តកែច្នៃបុកស័រ សម្រាប់ប្រជាពលរដ្ឋរកព្រឹកខ្វះល្ងាចដឹកឈើបន្តិចបន្តួច បាននាំគ្នាកាក់យកលុយ ដូចដាក់ភាគហ៊ុន ហើយបានកំណត់ទឹកលុយដែលត្រូវបង់ឲ្យសមត្ថកិច្ច ក្នុងកាឡេថង ៨ម៉ឺនរៀលខ្វះមួយម៉ឺននឹងត្រូវចាប់ប្រគល់ឲ្យមេព្រៃ។
ក្នុងនោះប្រជាពលរដ្ឋដែលត្រូវបាន គេកំណត់ឲ្យបង់លុយ ដោយសារខ្លួនដឹកឈើដោយគ្មានច្បាប់ អនុញ្ញាតិ មេព្រៃ និងប៉ូលិស បរិស្ថាន ពុំបានកំណត់ឲ្យបង់លុយនោះទេ គឺតាមមនោសញ្ចេតនា សម្រាប់ការជួយដល់ ម្ហូបអាហាររបស់អង្គភាព ដោយសារតែយោគយល់ពីការខ្វះខាតរបស់ប្រជាពលរដ្ឋ លោកបានបន្តទៀតថា ចំណែកលោក សឹង សឿង ( ហៅស្មី ) ដែលជាមន្រ្តីកងរាជអាវុធហត្ថស្រុកសណ្តាន់បានកំណត់ឲ្យបង់លុយ ជាកំហិតក្នុងមួយកាឡេថង ៨ម៉ឺនរៀល ដោយគ្មានការយោគយល់ ដោយសារតែអះអាងថា ជាបទបញ្ជារបស់មេ។
ដោយឡែក លោក លក វង្ស មេបញ្ជាការកងរាជអាវុធហត្ថស្រុកសណ្តាន់ បានឲ្យដឹងថា ករណីចាប់កាឡេថងនេះ លោកពុំបានដឹងនោះទេព្រោះលោកបានបិទសំលេងទូរស័ព្ទ ហើយបានដេកលក់ ក្រោយពីបានចុះ បំពេញបេសកម្មដោយមានការនឿយហត់ លុះព្រឹកឡើងទើបបានឃើញលោក សឹង សឿង ហៅស្មី ខលមក រាយការណ៍ ថាបានចាប់កាឡេថងចំនួន២គ្រឿង ជាទូទៅលោកមិនដែលឲ្យមន្រ្តីរបស់លោក ប៉ះពាល់និងរបរ របស់ប្រជាពលរដ្ឋ ដែលដឹកឈើបន្តិចបន្តួចសម្រាប់ធ្វើផ្ទះសំបែងនោះទេ។
មហាជនទូទៅបានសំណូមពរ ឲ្យឯកឧត្តម អភិបាលខេត្តកំពង់ធំមេត្តាជួយយោគយល់ ពីទុក្ខលំបាកប្រជា ពលរដ្ឋដែលរកព្រឹកខ្វះល្ងាច ហើយជួយលុបបំបាត់ចោលកុងត្រូលជជុះនៅតាមដងផ្លូវ ដើម្បីទុកផ្លូវឲ្យប្រជាពលរដ្ឋរស់ផង ដោយសារតែប្រជាពលរដ្ឋគ្មានមុខរបរ ក្រៅពេលទំនេរ រកទិញឈើបន្តិចបន្តួចដើម្បីយកមក លក់គ្រាន់បានកំរៃចិញ្ចឹមគ្រួសារ ។
