អភិបាលខេត្ត ចុះកំណត់ទីតាំងដាក់កៅអី និង រោងជ្រក កំដៅថ្ងៃ ទឹកភ្លៀង សម្រាប់ប្រជាពលរដ្ឋ រង់ចំាចូលព្យាបាលជម្ងឺ នៅមន្ទីរពេទ្យកុមារគន្ធបុប្ផា ខេត្តសៀមរាប

សៀមរាប៖ដោយមានការយកចិត្តទុកដាក់ខ្ពស់របស់សម្តេចគតិ្តព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហម កម្ពុជា និង អាជ្ញាធរខេត្តសៀមរាប ក្នុងការជួយសម្រួលនូវទុក្ខលំបាករបស់ប្រជាពលរដ្ឋមកពីទីជិត ទីឆ្ងាយនៃបណ្តា ខេត្តនានាក្នុងព្រះរាជាណាចក្រកម្ពុជា នាំកូនតូចៗ ! អ្នកមានផ្ទៃពោះមកពិនិត្យ និងសម្រាកព្យាបាល នៅមន្ទីរពេទ្យ កុមារគន្ធបុប្ផាទី៣(ខេត្តសៀមរាប) មន្ទីរពេទ្យកុមារជ័យវរ័្មនទី៧ ដែលក្នុងមួយថ្ងៃៗមានកុមាររាប់ពាន់នាក់បានចូលមកសម្រាកព្យាបាលជម្ងឺ ហើយកុមារទំាងនោះភាគច្រើនជាកូនប្រជាពលរដ្ឋក្រីក្រមកពីតំបន់ជនបទ
ដែលតែងតែមានឪពុកម្តាយបងប្អូនមកកំដរ និង រង់ចំានៅខាងក្រៅមុខមន្ទីរពេទ្យ នៅពេលមានភ្លៀងម្តងៗអ្នករង់ចំាទំាងនេះពិបាកក្នុងការរកកន្លែងជ្រកទៀតផង ។
កត្តានេះហើយ នៅព្រឹកថ្ងៃទី១៦ មីនា ឆ្នាំ២០១៦នេះ ឯ.ឧបណ្ឌិត ឃឹម ប៊ុនសុង អភិបាលខេត្ត បាន ដឹកនាំ ប្រតិភូខេត្ត និង ក្រុមជាងដើមី្បធ្វើការពិនិត្យ និងកំណត់ទីកន្លែងដាក់នូវកៅអី មានដំបូល ទុកសម្រាប់បងប្អូន ប្រជាពលរដ្ឋ ដែលបានទៅទទួលសេវាព្យាបាល បានសម្រាកនៅសមរម្យ ទៀតផង ។
តាមរបាយការណ៍របស់ប្រធានមន្ទីរពេទ្យកុមារគន្ធបុប្ផាទី៣ បានឲ្យដឹងថា កុមារដែលមក ពិនិត្យជម្ងឺរៀងរាល់ថ្ងៃ ជាមធ្យមពី១ពាន់នាក់ទៅ១ពាន់៥០០នាក់ និង ចាក់វ៉ាក់សាំង ជាមធ្យម៥០០នាក់ក្នុងមួយថ្ងៃ
និងចូលមកសម្រាកព្យាបាលនៅមន្ទីរពេទ្យមាន ២១៨នាក់ បើគិតជាមធ្យម មានពី១៥០នាក់ ទៅ ២០០នាក់ ។ ចំពោះស្រ្តីមានផ្ទៃពោះដែលមកទទួលសេវាពិគ្រោះ និង សម្រាលកូននៅក្នុងមន្ទីរពេទ្យកុមារគន្ធបុប្ផាទី៣ ជាមធ្យម មាន ៥៦០នាក់ ហើយមន្ទីរពេទ្យបានផ្តល់សេវាសម្រាលកូនជាមធ្យមក្នុង១ថ្ងៃ ៧៥ កំណើត និង មាតាសម្រាករង់ចាំការសម្រាល និងសម្រាលកូនរួច ក្នុង១ថ្ងៃ ប្រមាណជិត ២០៩នាក់ ដែលបានសម្រាកនៅក្នុងមន្ទីរពេទ្យ ។ លោកបានបន្តឲ្យដឹងថា ការផ្តល់សេវាសម្រាលកូនរបស់ផ្នែកសម្ភព នៃ មន្ទីរពេទ្យកុមារគន្ធបុប្ផាទី៣ គឺមានលទ្ធភាព ជួយសម្រាលកូនក្នុងពេលតែមួយបាន៨នាក់ ។

ឯកឧត្តម ឃឹម ប៊ុនសុង បានធ្វើការណែនាំដល់ក្រុមជាង ត្រូវ ធ្វើយ៉ាងណា ឲ្យមានភាពងាយស្រួលដល់បង
ប្អូន ក្នុងការចូលមកអង្គុយរងចាំ សំខាន់ចំពោះបងប្អូនស្ត្រី ដែលមកពិនិត្យផ្ទៃពោះ និងពលរដ្ឋ គ្រប់ខែមកសម្រាល
កូន ។ ជាពិសេសដើម្បីបង្កភាពស្រួលដល់ពលរដ្ឋពួកគាត់ មានកន្លែងជ្រកកំដៅថ្ងៃ និងទឹកភ្លៀង ក្នុងការរងចំា នាំ កូនចៅចូលទៅ ពិនិត្យ ព្យាបាលជម្ងឺ ! និងរៀបចំសណ្តាប់ធ្នាប់សោភ័ណភាពនៅជុំវិញមន្ទីរពេទ្យឲ្យ
បានស្អាត និង បញ្ជៀសនូវការកកស្ទះចរាចរណ៍នៅមុខមន្ទីរពេទ្យ ដែលជាផ្លូវឆ្លងកាត់ នៃភ្ញៀវទេសចរណ៍ទៅទស្សនាកម្សានរមណីយដ្ឋានអង្គរផងដែរ ៕
ប៊ុនធឿន (សៀមរាប)