ព្រះវិហារ៖ បន្ទាប់ពីក្រុមអ្នកយកពត័មានក្នុងខេត្តព្រះវិហារ ចេញផ្សាយពីករណីអ្នកមានអំណាចនៅក្នុងខេត្តព្រះវិហារ យកដីសាធារណៈរបស់រដ្ឋនៅចំនុចអតីតវាលយន្តហោះនឹងដីធារាសាស្ត្រចំនុចភូមិស្រះឈូកចែកគ្នាជាកម្មសិទ្ឋបុគ្គល ពេលនេះបែកធ្លាយរឿងថែមទៀត គឺដីឯកជនរបស់រដ្ឋ គឺកន្ទុយដីសាលាបឋមសឹក្សាអនុវត្តន៍ នឹងដីសាលាគរុកោសល្យ ខេត្តព្រះវិហារ ត្រូវបានលោក នុត សោភណ្ឌ័ អភិបាលក្រុងព្រះវិហារ កាត់យផ្នែកខាងក្រោយជាង១០មែត្រ បណ្តោយប្រហែល៤០មែត្រ យកធ្វើកម្មសិទ្ឋផ្ទាល់ខ្លួន នេះបើតាមការអោយដឹងពីសំណាក់លោក រដ្ឋ សុខា នាយកសាលាគរុកោសល្យខេត្ត។
លោក រដ្ឋ សុខា បានអោយដឹងថា កាលពីជាង១ឆ្នាំមុន ដីសាលាមានទំហំធំ ពេលនេះដីមួយផ្នែកខាងក្រោយ ដែលជាដីសំរាប់ដាំបន្លែ ត្រូវបានខាងសាលាក្រុងលោក នុតសោភណ្ឌ័ កាត់យកអស់ជាង១០មែត្រ មិនដឹងថាគាត់កាត់យកទុកខ្លួនឯងឬក៍ទុកធ្វើអ្វីទេ ពេលនេះសាលាគ្មានដីដាំបន្លែសំរាប់ផ្គត់ផ្គង់ដល់
លោកគ្រូអ្នកគ្រូ ដែលមកពីឆ្ងាយស្នាក់នៅបង្រៀនសិស្សទេ ។
លោកហន ឆន ប្រធានមន្ទីអប់រំខេត្តព្រះវិហារ បានអោយដឹងថា លោកមិនបានដឹងរឿងនេះទេ សូមសួរទៅសាលាក្រុងល្អជាង ។
លោកគង់ សោភណ្ឌ័ ប្រធានមន្ទីរៀបចំដែនដីនគររូបនីយកម្មនឹងសំណង់នឹងសូរិយោលដីខេត្តឆ្លើយថាជាប់រវល់ប្រជុំ ។
លោកនុត សោភណ្ឌ័ អភិបាលក្រុងព្រះវិហារ មិនអាចទាក់ទងសុំការបកស្រាយបំភ្លឺបានទេ ពាក់ពន្ឋ័ករណីថាបានកាត់យកដីគរុកោសល្យផ្នែកខាងក្រោយអស់ជាង១០មែត្រ យកមកធ្វើកម្មសិទ្ឋរបស់ខ្លួន ។
ប្រជាពលរដ្ឋនឹងមន្ត្រីរាជការតូចតាចនៅក្នុងខេត្តព្រះវិហារ បានសំណូមពរទៅស្ថាបន័ពាក់ពន្ឋ័ សុំអោយជួយពិនិត្យលើករណីនេះផង ដោយសាថា មន្ត្រីរាជការ ដែលបានបំរើប្រទេសជាតិ មានអ្នកខ្លះចូលនិវត្តន៍ទៅហើយ មិនទាន់ទទួលបានដីគោលនយោបាយពីរដ្ឋ១មែត្រផង ចំណែកអ្នកមានបក្សពួក មានអំណាច យកដីរដ្ឋមកធ្វើកម្មសិទ្ឋខ្លួនឯងបានតាមអំពើចិត្ត មិនខ្វល់ពីការរឹះគន់របស់មហាជនឡើយ ពេលនេះដីអតីតវាលយន្តហោះកំពង់ដំណើការសាងសង់វិឡា បានយ៉ាង រលូន មិនមានការហាមឃាត់ ពីសំណាក់សមត្ថកិច្ចណាឡើយ ។អស់ពីរឿងដីខាងលើ លោក នុត សោភណ្ឌ័ បានដាក់ម៉ាស៊ីន បូមយកខ្សាច់បាតស្ទឹងនៅចំនុចគល់ស្ពានស្ទឹងសែន យកមកចាក់សង់វិឡារបស់ខ្លួនទៀតផង យើងនឹងព្តាតាមសុំការបំភ្លឺនៅពេលក្រោយ
៕
