ប្រជាពលរដ្ឋរស់នៅនៅតំបន់ព្រៃឈើគូលេនព្រុំទេពបានត្អូញត្អែថា៖ រៀងរាល់ថ្ងៃក្រុមឈ្មួញបានចូលកាប់ ដើមឈើធំៗ យ៉ាងអនាធិបតេយ្យមិនមានមន្រ្តីជំនាញមួយណា ! យកភ្នែកមើល ស្ថិតក្នុងភូមិសាស្រ្ត នៃខេត្តឧត្តរមានជ័យ ! ខេត្តព្រះវិហារ និង ខេត្តសៀមរាប ។
ប្រភពបញ្ជាក់ថា៖ ក្រុមឈ្មូញដឹកជញ្ជូនឈើទាំងនោះបានឆ្លងកាត់ តាម ស្រុកត្រពាំងប្រាសាទ ឆ្ពោះទៅខេត្តសៀមរាប និងខេត្តបន្ទាយមានជ័យ ! ជាពិសេសឆ្លងកាត់ក្រុងសំរោងខេត្តឧត្តរមានជ័យ ដោយ បានប្រើរថយន្តខ្នាតយក្សកែឆ្នៃតទ្រុងដឹកបន្តកន្ទុយគ្នាក្នុងមួយរថយន្តផ្ទុកចាប់ពី៥០ ទៅ៦០ម៉ែត្រគូប សកម្មភាពដឹកជញ្ជូនខាងលើបានធ្វើឲ្យផ្លូវថ្នល់មានសភាពទ្រុតទ្រោមខូចខាតជាបន្តបន្ទាប់ គ្មានសមត្ថកិច្ច ជំនាញនិងអាជ្ញាធរត្រូតពិនិត្យនោះឡើយ ។
ជាក់ស្តែងនៅយប់ថ្ងៃទី០៥ ខែមិនាឆ្នាំ២០១៦ រថយន្តកែឆ្នៃខ្នាតយក្សរបស់ក្រុមហ៊ុន លុន អេគ្រិថេក បានធ្វើសកម្មភាពដឹកឈើចេញពីចំណុចស្រុកត្រពាំងប្រាសាទ ខេត្តឧត្តរមានជ័យ ឆ្លងកាត់ ស្រុកអន្លង់វែង និងក្រុងសំរោង ឆ្ពោះទៅខេត្តបន្ទាយមានជ័យ និងខេត្តសៀមរាប ដោយមាន ប៉េសេ ដឹកត្រឹមតែ ២៥ម៉ែត្រគូប ប៉ុណ្ណោះ ! ឈើមានរហូតទៅដល់ជាង៥០មែត្រគូបឯណោះ ។ មន្ត្រីជំនាញនិងកម្លាំងសមត្ថកិច្ចតាមដងផ្លូវគ្រាន់តែ ឃាត់ពិនិត្យក្រដាស់ស្នាមរួច ហើយឲ្យបន្តរដំណើទៅទៀត ដោយមិនបានធ្វើការអប់រំ ណែនាំ ឬផាកពិន័យអ្វីនោះឡើយ ។
មន្ត្រីសមត្ថកិច្ចម្នាក់ សុំមិនបញ្ចេញឈ្មោះបានឲ្យដឹងថា៖ សកម្មភាពដឹកឈើរបស់ក្រុមហ៊ុនខាងលើ បានរលួន គឺមានការឃុបឃឹតគ្នា តាំងពីថ្នាក់ក្រោម រហូតដល់លើ ។
ពាក់ព័ន្ធការចោទប្រកាន់ខាងលើឯកឧត្តម ស ថាវី អភិបាលខេត្តឧត្តរមានជ័យបានឲ្យដឹង តាមទូរស័ព្ទថា ៖ សកម្មភាពរថយន្តដឹកឈើទាំងនោះលោកមិនបានទទួលលុយ ពីឈ្មួញម្តងណាឡើយ គឺខាងផ្នែករដ្ឋបាល ព្រៃឈើទៅវិញទេ ! ដែលជាអ្នកទទួលលាបសក្ការៈ ចំណែកខាងអាជ្ញាធរបានត្រឹមតែខាត ដោយខូចផ្លូវនិង ខូចឈ្មោះប៉ុណ្ណោះ ។ ឯកឧត្តម ស ថាវី បានបញ្ជាក់ប្រាប់អ្នកព័ត៌មានថា៖ ចាប់ពីពេលនេះតទៅប្រសិន បើមាន រថយន្តដឹកឈើណាមួយធ្វើសកម្មភាពដូចមុនសូមឲ្យផ្តល់ព័ត៍មានជូនលោក និងចាត់វិធានការបង្រ្កាប ៕
