ក្រុងប៉ោយប៉ែត៖ ក្រុមពលករប្រុសស្រីចំនួន30 នាក់បង្រុងលួចឆ្លងខុសច្បាប់ តាមរយះមេខ្យល់ យកមកទំលាក់ចោលនៅក្នុងព្រៃ ហេតុការណ៍នេះនៅត្រង់ចំណុច ម្តុំលក់ផ្ទះល្វែង ប៉ោយប៉ែត ប្រមាណជា800ម៉ែត្រ នៅវេលាម៉ោង10និង 30នាទីយប់ ថ្ងៃទី03 ខែកក្កដា ឆ្នាំ 2014 ស្ថិតក្នុងភូមិសាមគ្គីមានជ័យ សង្កាត់-ក្រុងប៉ោយប៉ែត ខេត្តបន្ទាយមានជ័យ។
បើតាមការអះអាងពីក្រុមពលករម្នាក់ ឈ្មោះចុង ចិត្ត ភេទប្រុស អាយុ20ឆ្នាំ មានលំនៅឋានខេត្តបាត់ដំបង បានប្រាប់ថា រូបគេបានទាក់ទងជាមួយបងប្អូនដែរធ្វើការងារនៅប្រទេសថៃ ថាមានការងារធ្វើល្អ ក្នុងមួយថ្ងៃអាចទទួលបានកម្រៃ250បាត លុយថៃក្នុងមួយថ្ងៃ ទើបគេគិតថានេះជាការជំរើសយកផ្លូវនេះល្អ រួចបានទំទាក់ទងជាមួយមេខ្យល់ដើម្បីជួយជូនទៅកាន់ប្រទេសថៃ ដោយលួចឆ្លងដែនតាមច្រករបៀង ក្រុងប៉ោយប៉ែត។
គាត់បន្តថា មេខ្យល់គាត់មិនដែលស្គាល់មុខទេ គឺគ្រាន់និយាយតាមទូរស័ព្ទ រួចក៏មានរថយន្តចាំដឹក ពីស្រុកកំនើតរបស់គាត់ ហើយពេលមកដល់ប៉ោយប៉ែត គេយកលុយចំនួន2700បាតសំរាប់ថ្លៃផ្លូវ តែមេខ្យល់យកលុយមុនសិនចំនួន1300 បាតសិន ចាំទៅដល់កន្លែងធ្វើការងារ ទើបយកលុយ នៅខ្វះទាំងអស់ រួចមានម៉ូតូដឹកគាត់ មកទំលាក់នៅក្នុងព្រៃបែបនេះ ដោយក្រុមម៉ូតូប្រាប់ថា រងចាំនៅទីនេះសិនហើយ ចាំយប់បន្តិចចាំនាំគ្នាលួចឆ្លងដែនតាមច្រករបៀង។
គាត់បានបញ្ជាក់ថាមេខ្យល់បានសន្យាជាមួយគាត់ការនាំទៅលួចឆ្លងដែនខុសច្បាប់ និងធានាសុវត្ថិភាព មានការងារល្អការងាយស្រួលផងដែរ។
ក្រោយពីកើតហេតុគេឃើញលោកវរសេនីយ៍ត្រី សូ ចាន់ណារី មេវរការងារព្រំដែនជើងគោកលេខ911 បានដឹកនាំកម្លាំងជាច្រើននាក់ បានចុះមកត្រួតពិន្យកន្លែងគោលដៅខាងលើ និងឃាត់ពលករទាំងអស់នេះ លោកក៏បានជួយអន្តាគមន៍ រួចធ្វើការណែនាំពលករទាំងអស់នេះថា យើងជ្រើសរើសផ្លូវណាល្អ តើយើងត្រូវតែគិតគូរអោយច្បាស់លាស់ជាមុនសិន ថាស្របច្បាប់ ឬមិនស្របច្បាប់ ទើបទៅកាន់កន្លែងធ្វើការងារនៅប្រទេសថៃ។
លោកបានបន្តថា បច្ចុប្បន្ននេះ រាជរដ្ឋាភិបាលកំពុងយកចិត្តទុកដាក់ខ្ពស់ចំពោះ បញ្ហាពលករលួច ឆ្លងដែននេះខ្លាំងណាស់ និងព្រួយបារម្មណ៍ពីសុវត្ថិភាពរបស់ពលករទាំងអស់ ។ លោកក៏បានណែនាំ ពលករថាសូមជ្រើសរើសរកក្រុមហ៊ុនណាដែលមានប្រសិទ្ធិភាពល្អ រួចទៅរកការងាស្របច្បាប់ តាម ប្រទេសផ្សេងៗដែលយើងពេញចិត្តចង់ទៅ ជាពិសេស ឥឡូវនេះរាជរដ្ឋាភិបាលបានសម្រួលក្នុងការធ្វើ លិខិតឆ្លងដែនសំរាប់ពលករ សិស្ស និសិត្ស ដោយមានតម្លៃទាប។
ក្រោយពីសមត្ថកិច្ចបានសាកសួរណែនាំ ពលករប្រុសស្រីចំនួន30នាក់ មានអ្នកខ្លះមកពីខេត្តបាត់ដំបង ខេត្តសៀមរាប ខេត្តកំពង់ធំ ខេត្តកំពង់ចាម ខេត្តព្រៃវែង។ល។ រួចក៏មាន សមត្ថកិច្ចការពារព្រំដែនជើងគោក 911 តាមពីក្រោយដើម្បីការពារសុវត្ថិភាព និងជួយនាំផ្លូវទៅកាន់ ទីប្រជុំជនវិញ រួចរថយន្តយន្តជិះទៅផ្ទះសំបែង ស្រុកកំនើតវិញទាំងអស់គ្នា ៕ ដោយចិន្តា
