ប្រេងសាំងគេចពន្ធ នាំចូលពី ប្រទេសថៃ ស្តុកទុកនៅទីតាំងដីឡូតិ ក្រុងសៀមរាប ធ្វើឲ្យបាត់ចំណូលរដ្ឋ

ខេត្តសៀមរាប៖មន្ត្រីគយបើកភ្លើងខៀវឲ្យប្រេងសាំងគេចពន្ធដែលនាំពីប្រទេសថៃ ចូលក្រុងសៀមរាបយ៉ាងរលូន យកមកស្តុកទុកនៅទីតាំងដីឡូតិមួយកន្លែងនៅជាប់និងភូមិគ្រឹះ សុខាណារី ផ្លូវបាក់ខែង (ខាងជើង វត្តស្វាយដង្គំ) ស្ថិតក្នុង សង្កាត់ ស្វាយដង្គំ ក្រុង-ខេត្តសៀមរាប ។

មហាជនបានកោតសសើរមន្រ្តីគយ ដែលបានខិតខំ ប្រឹងប្រែង យ៉ាងខ្លាំងពីការពិន័យពន្ធ! រថយន្ត !និង ម៉ូតូគ្រប់ប្រភេទដើម្បីប្រមូលថវិការចូលរដ្ឋ ! ចំពោះសាំងគេចពន្ធវិញ មន្រ្តីគយទាំងនោះមិនគិតប្រមូលថវិការ ចូលរដ្ឋ នោះទេ ! គិតតែប្រយោជន៍ផ្ទាល់ខ្លួន ប្រជាពលរដ្ឋដែលរស់នៅជិតទៅតាំងស្តុកសាំងខាងលើ ! ពួកគាត់កំពុង មានការភ័យខ្លាចយ៉ាងខ្លាំង នូវបញ្ហាផ្សេងៗ ឫអាច បង្កឲ្យមានការឆាបឆេះដោយ ប្រការណាមួយ ។

ទីតាំងស្តុកសាំងគេចពន្ធខាងលើ មិនមានជំនាញមួយណាហ៊ានបញ្ចេញឈ្មោះ លោក ថៅ កែ មួយនោះឡើយ ដោយធ្វើសកម្មភាពចំហរ ពេញទំហឹងមិនញញើតច្បាប់ និងអាជ្ញាធរសមត្ថកិច្ចឡើយ ។
ប្រភពព័ត៌មានបានឲ្យដឹងថា មានរថយន្តគ្រប់ប្រភេទដឹកប្រេងសាំងចូលក្នុងទីតាំងដីឡូចំណុចខាងលើនេះ ! រៀងរាល់យប់ រួចហើយចាក់សោ របងជិតឈឹង ក្រោយពីរថយន្ត រឺម៉ក ជាច្រើនមកទទួលយកទៅចែកចាយបន្ត ដើម្បីយកទៅលក់នៅតាមដងផ្លូវគ្រប់ទីកន្លែងនានានៅក្នុង ក្រុង-ខេត្តសៀមរាប ឫយកទៅចែកចាយនៅតាមបណ្តាខេត្តផ្សេងៗទៀតផងដែរ ។

ប្រភពព័ត៌មានបានបន្តថា៖ រថយន្តដឹកប្រេងសាំងគេចពន្ធយកមកស្តុកនៅចំនុចខាងលើឈរជើងយួរឆ្នាំមកហើយនិយា យបានថា ដុះស្លែរទៀតផង ប្រហែលជាមានខ្នងក្រាស់ហើយ ! បានជាមិនដែលឃើញមានមន្ត្រីគយ ឫ សមត្ថកិច្ចជំនាញមួយណាចុះមកធ្វើ ការបង្រ្កាបម្តងណានោះ ! ប្រហែលជាសំងំប្រមូលយកផល ! ទទួល លាភសក្កាៈដាក់ហោប៉ៅ ផ្ទាល់ខ្លួនពីឈ្មួញហើយមើលទៅ ។

អ្នកព័ត៌មានបាន(call)ទៅលោក សុខ ដារ៉ា មេគយប្រចាំខេត្តសៀមរាប ! កាលពីវេលាម៉ោង ០៤ និង២០នាទី នៅរសៀលថ្ងៃ ទី១៧ ខែកុម្ភៈ ឆ្នាំ២០១៦ ដើម្បីសុំការបំភ្លឺ ប៉ុន្តែលោកមិនទទួល ។ កាលពីថ្ងៃទី២២ ខែ វិច្ឆិការ ឆ្នាំ២០១៥ កន្លងមកលោកបានបំភ្លឺថា ៖ ប្រេងសាំងគេចពន្ធ ដែលមេឈ្មួញនាំចូលយកមកស្តុកទុកនៅទីតាំងខាងលើ លោកមិនបានដឹងនោះទេ ! ហើយរូបលោកកំពុង តែតាមដាន តើប្រេងសាំងគេចពន្ធនៅចំនុចមួយនោះចូលមកតាមប្រភពណា ៕ ប៊ុនធឿន (សៀមរាប)