ខេត្តសៀមរាប៖ថ្ងៃទី ២១ ខែ កុម្ភះ គឺជាទិវាជាតិ សុខភាពមាតាទារក និងកុមារ ក្នុងគោលបំណងលើកកម្ពស់ និងយក ចិត្តទុកដាក់ចំពោះសុខភាពមាតា ទារក និង កុមារនៅទូទាំងប្រទេស និងដើមី្បគាំទ្រ សម្តេចគតិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា និងជាឥស្សរជនឆ្នើមថ្នាក់ជាតិ នៃផែនការសកម្មភាពរួម អគ្គលេខា ធិការអង្គការសហប្រជាជាតិដើមី្បសុខភាពស្ត្រី និងកុមារ ។
នៅព្រឹកថ្ងៃទី២៣ កុម្ភះ ឆ្នាំ២០១៦នេះ គណៈប្រតិភូ កាកបាទក្រហមខេត្តសៀមរាប ដឹកនាំដោយលោកជំទាវ គួយ ណាលីន ឃឹមប៊ុនសុង អនុប្រធានគណៈកម្មា ធិការសាខាកាកបាទក្រហមខេត្ត និង លោកជំទាវ អ៊ុន វុនលី សៀង ណាំ សមាជិកាកិត្តិយសកាកបាទ ក្រហម កម្ពុជា រួមទាំងសមាជិក សមាជិកាគណៈកម្មាធិការសាខាកាកបាទ ក្រហមបានចុះជួបសំណេះសំណាល សួរសុខ ទុក្ខ និងនាំយកអំណោយរបស់សម្តេចគតិព្រឹទ្ធ បណ្ឌិត ប៊ុនរ៉ានី ហ៊ុនសែន ប្រធានកាកបាទក្រហមកម្ពុជា ទៅចែក ជូនដល់បងប្អូនស្ត្រី ដែលទើបសម្រាលកូនតូច នៅមណ្ឌលសុខភាព តាយ៉ែក និង សំរោង ក្នុងស្រុកសូត្រនិគម ខេត្តសៀមរាប ចំនួន ៤៥នាក់
លោកជំទាវ គួយ ណាលីន ឃឹមប៊ុនសុង ក៏បានពាំនាំនូវប្រសាសន៍ ផ្តាំផ្ញើរ សួរសុខទុក្ខពីសំណាក់ សម្តេចគតិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា បានធ្វើការណែនាំ ចំពោះបងប្អូនជា ស្ត្រី សំខាន់ស្ត្រីដែលទើបសម្រាល់កូនតូច ត្រូវយកចិត្តទុកដាក់ថែទាំសុខភាពទាំងម្តាយ និង កូន ដោយត្រូវនាំកូន របស់ខ្លួនមកមណ្ឌលសុខភាព ដើមី្បទទួលការចាក់ថ្នាំបង្កា ដើម្បីការពារជម្ងឺផ្សេងៗ ។
លោកជំទាវបន្តទៀតថា៖ ការសង្រ្គោះជីវិតមាតា ទារក និងកុមារ គឺជាសកម្មភាពមនុស្សធម៌ និងជាការ កសាង សង្គមគ្រួសារ បន្តទៅកូនចៅជំនាន់ក្រោយឲ្យមានសុខភាពរឹងមាំ ។ ដូច្នេះហើយការថែទាំសុខភាពមាតា ជាប់ ជាបន្ត គឺថែសុខភាពក្នុងពេលមានគភ៌ ពេលសម្រាលបុត្រ និង មានបុត្របន្ទាប់ ព្រមទាំងការពន្យាកំណើត គឺជាការអន្តរាគមន៍ចាំបាច់ សម្រាប់ទារក និង កុមារ ។
លោកជំទាវក៏បានអំពាវនាវ ដល់ស្ត្រីគ្រប់រូប ត្រូវធ្វើការយកចិត្តទុកដាក់ជាប្រចាំ ក្នុងការថែទាំសុខភាពឲ្យបានគ្រប់ពេលវេលា ព្រោះថា សុខភាពជា បញ្ហាចំបងរបស់មនុស្សជាតិយើងគ្រប់គ្នា ។
ក្នុងឱកាសនោះគណៈប្រតិភូបាននាំយកអំណោយដ៏ថ្លៃថ្លារបស់សម្តេចគតិព្រឹត្តបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ចែកជូនបងប្អូនជាស្ត្រី ដែលទើបសម្រាលបុត្រ ទាំង៤៥នាក់ ក្នុងម្នាក់ៗ ទទួលបាន មុង០១ , ភួយ០១, សារុង០១ , ក្រមា០១ , កន្សែងពោះគោធំ០១ , មី០១កេសតូច, ត្រីខ ០១យូរ , ទឹកដោះគោ ០២កំប៉ុង , ស្ករស ២គក្រ និង ថវិកា ៥ម៉ឺនរៀល ៕ប៊ុនធឿន (សៀមរាប)
