នៅទីបញ្ជាការកងពលតូចថ្មើរជើងលេខ៤១ នាព្រឹកថ្ងៃទី០៦ ខែកុម្ភៈ ឆ្នាំ២០១៦ ! ឧត្តមសេនីយ៍ទោ ពៅ ហេង មេបញ្ជាការរង ជានាយសេនាធិការយោធភូមិភាគទី៤ បានលើកឡើងថា ៖ ចំណុចមួយចំនួន ជាយន្តការថ្មី ដែលអគ្គបញ្ជាការបានដាក់ជូន អង្គភាព ត្រូវលើកយកមកពិភាក្សា ដើម្បីយក មកអនុវត្តន៍ បន្តនៅឆ្នាំខាងមុខ ចំពោះ ចំណុចខ្លាំងនៃសកម្មភាពការ ងារ វាគឺជាបទពិសោធន៍ និងជាលទ្ធផល ដែលអង្គភាព ទទួលបានជោគជ័យ ! ត្រូវតែ លើកទឹកចិត្ត ជូនដល់ នាយទាហាន ពលទាហ៊ានទាំងអស់ នៃគ្រប់បណ្តាអង្គភាព វរសេនាតូចចំណុះដែលគោរពបទបញ្ជារបស់ មេបញ្ជាការកងពល ។
មេបញ្ជាការរងតំណាងគ្រប់បណ្តាវរៈសេនាតូច និងនាយការិយាល័យចំណុះរបស់កងពលតូចថ្មើរជើងលេខ៤១ បានធ្វើ សេចក្តីរាយការណ៍ អំពីលទ្ធផលការងារនៅតាមអង្គភាពរបស់ខ្លួន ដែលក្នុងនោះ គឺបានឆ្លុះបង្ហាញថា ចំណុចអវិជ្ជមាន ! នៅមានសេសសល់តិចតួចប៉ុណ្ណោះ ក៏ប៉ុន្តែភាពអសកម្ម ទាំងនោះ ត្រូវបានមេបញ្ជាការតាម បណ្តាអង្គភាពបានកែលម្អឡើងវិញនូវរាល់ចំណុចត្រូវបានដាក់ បញ្ជូលទៅក្នុងទិសដៅអនុវត្តបន្ត សម្រាប់ឆ្នាំ២០១៦ ។
តាមសេចក្តីរាយការណ៍របស់ឧត្តមសេនីយ៍ទោ នាង ឃីម មេបញ្ជាការកងពលតូចថ្មើរជើងលេខ៤១ បាន ឲ្យដឹងថា ៖ សកម្មភាពការងារឆ្នាំ២០១៥ កន្លងទៅនេះ អង្គភាពបានយកចិត្តទុកដាក់ អនុវត្តន៍កម្មវិធី នយោបាយ របស់រាជរដ្ឋាភិបាល និងតាមទិសដៅកំណែរទម្រង់ថ្មីរបស់ក្រសួងការពារជាតិ លើផ្នែកយុទ្ធសាស្រ្ត ការពារ ក្នុងដែនអធិបតេយ្យភាពរបស់ជាតិ ។ ហើយអ្វីដែលអង្គភាព ឆ្លងកាត់ការងារយោធាឆ្នាំ២០១៥ កន្លងមក នេះ គឺកងពល មានស្មារតីទទួលខុសត្រូវខ្ពស់ ក្នុងការបំពេញភារកិច្ចមិនខ្លាចនឿយហត់ បើទោះបីជាស្ថានការណ៍ យោធា នៅខ្សែរ បន្ទាត់ព្រំដែនកម្ពុជា-ថៃ មានសភាពស្ងប់ស្ងាត់ និងធូរស្រាល ក៏ប៉ុន្តែអង្គភាពកងពលតូចថ្មើជើង លេខ៤១ នៅតែ បន្តការប្រុងប្រយ័ត្ន គ្រប់ពេលវេលា រួមជាមួយការត្រៀមលក្ខណៈរួចជាស្រេច នូវកម្លាំង សំភារៈសឹក និងស្បៀងអាហារ រក្សាទុក ជាប់ជាប្រចាំ ។
ក្នុងឱកាសនោះ ឧត្តមសេនីយទោ ពៅ ហេង មេបញ្ជាការរង ជានាយសេនាធិការយោធភូមិភាគទី៤ បាន ប្រគល់លខិតសរសើរ ! ប័ណ្ណសសើរ និងឥស្សរិយស ជូនដល់នាយទាហានឆ្នើមចំនួន ១៨ រូប ដែលបំពេញភារកិច្ច បានល្អប្រសើរនៅក្នុងអង្គភាព ដែលថ្នាក់លើបាន ប្រគល់ជួន ស្របតាម យុទ្ធសាស្រ្តថ្មី នៃផែនការកំណែរទម្រង់ របស់ក្រសួងការពារជាតិ ! គោរព បទបញ្ជា វិន័យថ្លៃថ្នូរ សីលធម៌ល្អ និងអនុវត្តបានតាមបទបញ្ជារបស់អគ្គបញ្ជាការ នៃកងយោធពលខេមរភូមិន្ទ ។
ឧត្តមសេនីយ៍ទោ ពៅ ហេង បានវាយតំលៃខ្ពស់ផងដែរ ចំពោះការខិតខំប្រឹងប្រែងរបស់នាយទាហាន និងពលទាហាន ដែលបានលះបង់អស់កម្លាំងកាយចិត្តទាំងយប់ទាំងថ្ងៃ ការពារបូរណភាពដែនដី នៃមាតុភូមិ នៅតាម ខ្សែរបន្ទាត់ព្រំដែនសមរភូមិមុខ ។ ឯកឧត្តមបានបង្ហាញនូវក្តីសង្ឃឹមយ៉ាងមុតមាំថា ៖ នៅក្នុងឆ្នាំ២០១៦ នេះ បទពិសោធន៍ឆ្នាំចាស់ វាជាផែនទីចង្អុលផ្លូវ ហើយចំណុចអវិជ្ជមាន វានឹងប្រែក្លាយទៅ ជាយន្តការ ដ៏មាន ប្រសិទ្ធិភាពខ្ពស់ ដើម្បីលើកយកទៅអនុវត្តនៅតាមបណ្តាអង្គភាព ចំណុះរបស់ កងពល ប្រកបដោយជោគជ័យ ៕ ប៊ុនធឿន ( សៀមរាប )
