អាជីវករកាប់ជ្រូក រិះគន់ផលិតកម្ម និងបសុព្យាបាល ខេត្តកំពង់ឆ្នាំង សង្ស័យមានអំពើពុករលួយ ទើបបានជា អាជីវករកាប់ជ្រូកចាស់ និងអាជីវករថ្មីទាស់គ្នា

កំពង់ឆ្នាំង៖ក្រុមអាជីវករចាស់ចំនួន១២នាក់បានផ្ទុះការតវ៉ានិងក្រុមអាជីវករថ្មី៦នាក់ហើយបានរិះគន់ផលិតកម្មនិងបសុព្យាបាលខេត្តកំពង់ឆ្នាំងសង្ស័យថាបានប្រព្រិត្តឃុបឃិតគ្នានិងអាជីវករថ្មី។ អាជីវករកាប់ជ្រូកនៅ ទីសត្តឃាដក្នុងភូមិទី១ សង្កាត់ខ្សាម ក្រុងខេត្តកំពង់ឆ្នាំង លក់ដូរនៅផ្សារលើ និងផ្សារឆ្នាំង(ផ្សារក្រោម)ចំនួន ១២នាក់បានប្រតិកម្មតវ៉ាចំពោះការបញ្ចូលបន្ថែមអាជីវករថ្មីចំនួន៦នាក់ទៀត។

អាជីវករប្រតិកម្មតវ៉ាខាងលើនេះបានកើតឡើងរយពេលជាង១ខែកន្លងមកហើយប៉ុន្តែមិនទាន់មានដំណោះស្រាយសមស្របណាមួយដែលក្រុមអាជីវករចាស់ទទួលយកមិនត្រឹមតែគ្មានដំណោះស្រាយបែរជាអនុញ្ញាតិចេញលិខិតអាជីវកម្មអោយអាជីវករថ្មីទាំង៦នាក់ចូលទៅកាប់ជ្រូកនៅទីសត្តឃាដខាងលើនៅព្រឹកថ្ងៃទី២៨ខែមករាឆ្នាំ២០១៦នេះការតវ៉ារៀបនៅកើតជាជម្លោះហឹង្សារវាងអាជីវករចាស់និងអាជីវករថ្មី ។

ស្ត្រីជាអាជីវករម្នាក់ក្នុងចំណោម៨នាក់បានរៀបរាប់ថាអាជីវករមានគ្នាទាំងអស់មាន១២នាក់ក្នុងមួយថ្ងៃកាប់ជ្រូកម្នាក់១ក្បាល ឯអ្នកខ្លះទៀតពីរឬបីក្បាលប៉ុណ្ណោះលក់មិនអស់សាច់ជ្រូកផង បើថែមអាជីវករថ្មីទៀតបែបនេះធ្វើអោយពួគគាត់រិតតែមានបញ្ហាធ្ងន់ធ្ងរពិសេសជីវភាពប្រចាំថ្ងៃព្រោះហេតុថាអាជីវករថ្មីទាំងនោះពួកគេមានអាជីវកម្មកាប់ជ្រូកនៅផ្សារពង្ររួចទៅហើយមិនគួរអនុញ្ញាតអោយចូលមកក្នុងផ្សារលើនិងផ្សារឆ្នាំង(ផ្សារក្រោម)ធ្វើអោយមានការប្រជែងគ្នាបែបនេះឡើយ ។

កន្លងទៅថ្មីៗនេះនៅស្នាក់ការផលិតកម្មនិងបសុព្យាបាលខេត្តកំពង់ឆ្នាំងមានការប្រជុំរកដំណោះស្រាយរវាងក្រុមអាជីវករលើបញ្ហាការតវ៉ានេះប៉ុន្តែការប្រជុំនាពេលនោះត្រូវបានគេរាយការណ៍ថាមិនចេញលទ្ធផលវិជ្ជមានឡើយបែរជាក្លាយទៅជាទីលានជម្លោះរវាងអាជីវករ និងមន្ត្រីបសុពេទ្យទៅវិញ ។ក្រុមអាជីវករបានរៀបរាប់ទៀតថា ជារៀងរាល់ដង ប្រចាំថ្ងៃគឺជ្រូក១ក្បាលដែលកាប់នៅទីសត្តឃាដគេយកតម្លៃភាស៊ី៥ពាន់រៀលនិងបង់អោយពេទ្យសត្វ៤ពាន់រៀល ពន្ធដារ១៥០០រៀល ។

ពាក់ព័ន្ធពត៌មានខាងលើបើយោងប្រភពមួយមិនទាន់ជាផ្លូវការបានបង្ហើបអោយដឹងថាការបញ្ចូលអាជីវករថ្មីទាំងនេះត្រូវបានគេសង្ស័យថាមានការប្រព្រឹត្តអំពើពុករលួយដោយហេតុពត៌មានទទួលបាននោះនិយាយថាក្នុងម្នាក់ៗចំណាយលុយរត់ការចាប់ពី៣ពាន់ទៅ៥ពាន់ដុល្លា ។

ជុំវិញប្រភពខាងលើមន្ត្រីពេទ្យសត្វកាលពីវេលាម៉ោង៤ទៀប ភ្លឺដែលឈរនៅទីសត្តឃាដនិយាយថាទីផ្សារេសរី អាជីវករណាក៍មានសិទ្ធិចូលកាប់ជ្រូកដូចគ្នាដូច្នេះមិនអាចហាមឃាត់ពួកគាត់បានឡើយ ។ ការចោទប្រកាន់យ៉ាងណានោះត្រូវបានច្រានចោលទាំងស្រុងផងដែរ ។
បើទោះយ៉ាងណាក្រុមអាជីវករចាស់ បានដាក់ពាក្យបណ្តឹងសុំអន្តរាគមន៍ទៅលោករដ្ឋមន្ត្រីក្រសួងកសិកម្មរុក្ខាប្រមាញ់និងនេសាទបណ្ឌិតអ៊ុករ៉ាប៊ុនរួចហើយ ។ជា សុវណ្ណារិន