ខេត្តសៀមរាប = ឈ្មួញដឹកជញ្ជួនឈើកំពុងធ្វើសកម្មភាពដឹកចូលក្រុង សៀមរាប បានយ៉ាងរលូន ! ជំនាញមិនយកភ្នែកមើល ! ការដឹកជញ្ជួន ឈើ នាំចេញពីខេត្តព្រះវិហារចូលមកខេត្តសៀមរាប តាមរយៈ រថយន្តនីសាន់ប្រភេទកែឆ្នៃ ដោយឆ្លងកាត់ពីសំណាក់សមត្ថកិច្ចជាច្រើនជំនាញ ដើម្បីយកមកចែកចាយតាមដេប៉ូជាបន្តទៀត ។
ប្រភពបានបញ្ជាក់ថា ៖ ក្បួនដឹកឈើរបស់ ឈ្មួញ ត្រូវបានធ្វើដំណើរឆ្លងកាត់ស្រុកជាច្រើនដូចជា ស្រុកស្វាយលើ ស្រុកសូត្រនិគម ស្រុក ប្រាសាទបាគង ដែលត្រូវឆ្លងកាត់ស្ថាប័នជំនាញពាក់ពន្ធ័ជាច្រើន តែការដឹកជញ្ជូនឈើខុសច្បាប់មិនមានបញ្ហាលំបាកនោះឡើយព្រោះបានបង់ប្រាក់អោយជំនាញតាមដងផ្លូវគ្រប់ស្ថាប័នទាំងអស់ ។
គួររំលឹកផងដែថា ប្រមុខរាជរដ្ឋាភិបាលតែងតែប្រកាសជាសាធារណៈដល់មន្ត្រីគ្រប់រូបដែលមានតួរនាទី ជាប់ខ្លួនអោយខិតខំប្រឹងប្រែងទប់ស្កាត់បង្រ្កាប បទល្មើស ដែលកើតមាននៅតំបន់របស់ខ្លួន តែផ្ទុយទៅ វិញមន្រ្តីជំនាញទាំងនោះបែរជាឃុំឃិតជាមួយនិងឈ្មួញរកស៊ីឈើទៅវិញ ។
ប្រភពបន្តថា ៖ ឈ្មួញ មិនបានដឹកញ្ជួនឈើចូលក្រុងនោះទេ ! ពួកគេមានទីតាំងសម្រាប់ សាង ដាក់ រឺម៉កនៅចំនុច វាលកូន គោល ភូមិ លលំ ស្រុក ប្រាសាទបាគង ខេត្តសៀមរាប ដើម្បី បំភាន់ភ្នែក ថ្នាក់ដឹកនាំធំៗនៅក្នុងខេត្ត ។
ទាក់ទិននិងការដឹកជញ្ជូនឈើ លោក ទាគឹម សុទ្ធបានប្រាប់បណ្តាញព័តមាននៅ ថ្ងៃទី២៩ ខែមករានេះថា ៖ លោកមិនបានដឹងនោះទេ ! ព្រោះថាកូនចៅមិនបានរាយការណ៏ឲ្យលោកនោះ ! ចាំសួរពួកគេមើលសិន បើមានមែននោះលោកនឹង ចាត់ការតាមផ្លូវច្បាប់ ។ មហាជនបានរិះគន់យ៉ាងខ្លាំងចំពោះការដឹកជញ្ជួនឈើជារៀងរាល់ថ្ងៃហេតុអ្វីបានជាធ្វើជាមិនដឹងឬមួយភ្លេចពីតួនាទីរបស់ខ្លួនទៅហើយ ៕
