សមាគមអង្គការ ប្រមាណជាង១០ ចាប់ផ្តើមដំណើរការតំឡើង តុក្កតាយក្ស

ខេត្តសៀមរាប = ក្រុមក្មេងៗប្រមាណ៥០០នាក់ ! មកពីសមាគមអង្គការនានាជាង១០ ! កំពុងដំណើរ ការតំឡើងតុក្កតាយក្សនៅវត្តតំណាក់ ក្រុងសៀមរាប ដើម្បីត្រៀម ដង្ហែឆ្លងកាត់(ផប់ស្រ្ទីត) ផ្សារចាស់ និងតាមដងស្ទឹងសៀមរាប នៅថ្ងៃទី ០៦ ខែកុម្ភៈ ឆ្នាំ២០១៦ នាពេលខាងមុខនេះ ។

លោក សាវ៉ាន់ អ្នកចាត់ចែងគំរោងតុក្កតាយក្សបានឲ្យដឹងថា ៖ នេះជាលើកទី១០ ហើយដែលសមាគម អង្គការ ជាង១០ បានរួមគ្នាជាមួយ សិស្សសាលាគថ្លង់ ព្រមទាំងអង្គការក្រៅរដ្ឋាភិបាលជា ច្រើន ទៀត បានរៀប ចំ គំរោងតំឡើងតុក្កតាយក្យនេះឡើងក្នុងគោលបំណង ដើម្បីលើកស្ទួយវិស័យសិល្បៈ វប្ប ធម៌ ខ្មែរ ! និងការ ចូលរួម ថែរក្សា ! អនាម័យ ! បរិស្ថាន ! សុវត្ថភាពចរាចរណ៍ជើងគោក ! និងចលនាកីឡាដើម្បីសុខភាព ព្រមទាំង លើកកំពស់ផ្នែកវិស័យ អប់រំ និងចូលរួមថែរក្សា ប្រភទ សត្វដែល កំពុងតែ រងនូវការគំរាមកំហែងនិងការបំផ្លាញ ផ្តាច់ពូជ ដូចជាប្រភេទសត្វ ក្របីទឹកព្រៃ សត្វត្រកួត សត្វស្វាកន្ទុយសរ ទាព្រៃស្លាបសរ សត្វដង្កូវបាក់ខ្នង និងប្រភេទ ទីងមោងក្រុមកីឡាបាល់ទាត់ ដែលកពុងពេញនិយមរបស់ ពលរដ្ឋផងដែរ ។

លោក សា វ៉ាន់ បានបន្តថា ៖ គំរោងប្រភេទសត្វដែលកពុងរៀបចំតំឡើងលើកនេះ ត្រូវបានជ្រើសរើសនូវ ប្រភេទសត្វ កម្ររមានស្ទើរតែផុតពូជ ហើយខុសប្លែកគ្នាពីឆ្នាំមុនៗ ដើម្បីយកទៅបង្ហាញមហាជនដែលជា ភ្ញៀង ជាតិ ភ្ញៀវអន្តរជាតិ ទស្សនា ស្វែងយល់ ដល់ការ អប់រំ សិប្បៈវប្ប ធម៌ និងផ្សព្វផ្សាយបន្ត ក្នុងការ ជួយទប់ស្កាត់ ដល់ប្រភេទសត្វ កំពុងតែ វិនាស នោះ ជាពិសេសនាំមកនូវទាក់ទាញភ្ញៀវទេសចរណ៍ អន្តរជាតិឲ្យចូលមក ទស្សនាទឹកដីប្រវត្តិសាស្រ្តទេ្វដងទៀតផង ។

លោកបានបញ្ជាក់ថា ៖ សកម្មភាពនៃក្បួនដង្ហែលើកនេះអមទៅដោយ ក្រុមភ្លេងប្រពៃណីយ៍ខ្មែរ បូរាណ និងក្រុមយុវជនកាយរិទ្ធ ថែមទាំងមានការសំដែងសៀក រហ័សកម្ម ផងដែរ ! ចំពោះសកម្មភាពដង្ហែឆ្នាំ នេះ លោកសង្ឃឹមថា មានការចូលរួមទស្សនាគាំទ្រ ពីសំណាក់ ភ្ញៀវជាតិ និងអន្តរជាតិ ច្រើនជាងឆ្នាំមុនៗ ៕ ប៊ុនធឿន ( សៀមរាប)