អាមេរិកមានគម្រោងដាក់ប្រព័ន្ធមីស៊ីលការពារបន្ថែមសម្រាប់វាយស្ទាក់មីស៊ីលរបស់សត្រូវ នៅលើកោះហាវៃ សម្រាប់ទប់ស្កាត់ពេលមាន ហេតុការអាក្រក់កើតឡើង។ គម្រោងខាងលើត្រូវបានអាមេរិកពិភាក្សាជាច្រើនឆ្នាំកន្លងមកទើបតែពេលនេះបានក្លាយជាការពិត ក្រោយពេលកូរ៉េខាងជើងបានសាកល្បងគ្រាប់បែកបរមាណូដោយជោគជ័យកាលពីថ្ងៃទី៦ខែមករា។ ជាមួយនិងជោជជ័យនោះមីស៊ីនិងបរមាណូកូរ៉េខាងជើងអាចគម្រាមកំហែងអាមេរិកបានគ្រប់ពេល។
សារព័ត៌មានរ៉យទ័របានផ្សាយថា កម្លាំងមីស៊ីលការពាររបស់អាមេរិកនឹងត្រូវដាក់នៅលើកោះហាវៃ ។ អ្នកនាំពាក្យទីបញ្ចារការកងទ័ពអាមេរិកលោកDarry James បញ្ចាក់ថា ការដាក់ប្រព័ន្ធការពារនោះក្នុគោលដោះការពារទីតាំងយោធារបស់អាមេរិកនៅលើកោះGuam និងប្រទេសអាមេរិកទាំងមូលគេចផុតពីកាំជ្រួចមីស៊ីលឆ្លងទ្វីបរបស់សត្រូវ។
ប្រព័ន្ធមីស៊ីលដែលនឹងត្រូវដាក់ពង្រាយនោះគឺមានប្រភេទAegis Ashore ជាប្រភេទអាចដាក់នៅលើដីគោកលើកោះហាវៃ ។ក្រៅពីនេះមីស៊ីលក៏បានដាក់នៅលើនាវាចម្បាំងផងដែររួមទាំងនៅលើដីគោកក្នុងរដ្ឋ Alaska និង ការលីហ្វ័រនីញ៉ា។
ពាក់ព័ន្ធនិងកម្មវិធីបរមាណូរបស់កូរ៉េខាងជើង អាមេរិកបានស្នើរចិនដើរតួនាទីសំខាន់ជាងនេះក្នុងការដាក់ទណ្ឌកម្មកូរ៉េខាងជើង។ លោកTony Blinkenអនុរដ្ឋមន្ត្រីក្រសួងការបរទេសអាមេរិកបានអំពាវនាវវានខាងលើដល់ប្រទែសចិន ក្រោយពីកូរ៉េខាងជើងដែលជាសម្ព័ន្ធមិត្តរបស់ចិនបានធ្វើការបាញ់សាកល្បងគ្រាប់បែកបរិមាណូជាលើកទីបួនរបស់ខ្លួនកាលពីថ្ងៃទី៦មករាកន្លងមក។
នាដំណើរទស្សនៈកិច្ចនៅទីក្រុងសេអ៊ូលប្រទេសកូរ៉េខាងត្បូង លោក Tony Blinkenអនុរដ្ឋមន្ត្រីការបរទេសអាមេរិកបានចាត់ទុកប្រទេសកូរ៉េខាងជើង” ជាប្រភពមួយដែលគ្មានស្ថិរភាពទាល់តែសោះនៅក្នុងតំបន់អាស៊ី។ហេតុដូច្នេះហើយ បានជាលោក Blinken ធ្វើការអំពាវនាវសុំឲ្យចិនមានការទទួលខុសត្រូវនៅលើទង្វើនានារបស់កូរ៉េខាងជើងពីព្រោះទីក្រុងប៉េកាំងមានទំនាក់ទំនងដ៏ពិសេសជាមួយទីក្រុងព្យុងយ៉ាង។ នៅថ្ងៃព្រហស្បតិ៍ស្អែក លោក Tony Blinkenនឹងត្រូវជួបសន្ទនាជាមួយបណ្តាមន្ត្រីការទូតចិននៅប៉េកាំងនាមុនពេលដំណើរទស្សនកិច្ចរបស់លោក John Kerry រដ្ឋមន្ត្រីក្រសួងការបរទេសអាមេរិកនៅសប្តាហ៍ក្រោយ។
នាឳកាសជួបប្រាស្រ័យជាមួយលោក Yun Byung-Se -ប្រមុខការទូតកូរ៉េខាងត្បូង លោក Blinkenបានថ្លែងដែរថា”យើងត្រូវរង់ចាំមើលប្រទេសចិនសិនក្នុងការបង្ហាញភាពជា អ្នកដឹកនាំ នៅលើបញ្ហាកូរ៉េខាងជើង។ ចិនជាសម្ព័នមិត្តនឹងក៏ជាអ្នកជួយផ្តល់ដង្ហើមសេដ្ឋកិច្ចឲ្យដល់កូរ៉េខាងជើង ក៏ប៉ុន្តែ ទំនាក់ទំនងរវាងព្យុងយ៉ាងនិងប៉េកាំងបានរសាត់ឃ្លាតឆ្ងាយពីគ្នា ក្នុងរយៈពេលប៉ុន្មានឆ្នាំកន្លងមកនេះ។ពីព្រោះ ចិនលែងទ្រាំទ្របានទៀតហើយនៅចំពោះមុខនៃការបង្កហេតុរបស់កូរ៉េខាងជើងជាអាទិ៍នៅលើវិស័យបរិមាណូ។
គូររំលឹកថា កូរ៉េខាងជើងទើបនឹងបានប្រកាសយ៉ាងខ្ទរខ្ទារពីជោគជ័យរបស់ខ្លួននៅក្នុងការបាញ់សាកល្បងគ្រាប់បែកបរិមាណូប្រភេទអ៊ីដ្រូហ្សេនកាលពីថ្ងៃទី៦មករាកន្លងទៅ។ សេចក្តីប្រកាសពីជោគជ័យរបស់កូរ៉េខាងជើងនេះត្រូវបានក្រុមអ្នកជំនាញអន្តរជាតិ ទទួលយកតែក្នុងក្តីប្រុងប្រយ័ត្នដ៏ខ្ពស់បំផុតដោយហេតុកម្លាំងផ្ទុះគ្រាប់ដែលគេចាប់បានវាមិនសមស្របទៅនឹងកម្លាំងផ្ទុះនៃគ្រាប់បរិមាណូប្រភេទអ៊ីដ្រូហ្សែន៕
