ភ្នំពេញ៖កាលពីព្រឹកថ្ងៃទី២៥មករាឆ្នាំ២០១៧នេះកម្លាំងនគរបាលបានធ្វើការឃាត់ខ្លួនស្ត្រីវ័យក្មេងរូបស្រស់ម្នាក់ដែលជាប់សង្ស័យថាបាន បង្ហោះរូបភាព ប្រមាថសម្តេចតេជោហ៊ុនសែននាយករដ្ឋមន្ត្រីនៃកម្ពុជានៅលើFacebook ដែលមានឈ្មោះគីមបុប្ផា យកមកសួរនាំ នៅក្រសួងមហាផ្ទៃ។
ការចាប់ ឃាត់ខ្លួនស្ត្រីវ័យក្មេងរូបនោះ ធ្វើឡើងនៅចំណុចភូមិប្ញស្សី សង្កាត់ស្ទឹងមានជ័យ ខណ្ឌមានជ័យ រាជធានីភ្នំពេញ, វេលាម៉ោងប្រមាណ ៨៖៣០នាទីព្រឹកថ្ងៃទី២៥ ខែមករា ឆ្នាំ២០១៦នេះ។ រហូតដល់ល្ងាចថ្ងៃទី ២៥ ដដែលនេះ នាងត្រូវបាន សមត្ថកិច្ចដោះលែង អោយត្រឡប់ទៅផ្ទៃវិញ ក្រោយពេលនាងបានឆ្លើយប្រាប់ថា មានគេលួចប្រើប្រាស់ គណនីរបស់នាង។ តាមប្រភពព័ត៌មានពីសមត្តកិច្ច បានអោយដឹងដែរថា ការដោះលែង នារីរូបស្រស់ដែលមានឈ្មោះថា ដេត ម៉េងគាង អាយុ ២៣ឆ្នាំ នេះមិនមែនមានន័យថា នាងមិនជាប់ការសង្ស័យនោះទេ ។មន្ត្រីនគរបាលបានបញ្ជាក់ថា កម្លាំងសមត្ថកិច្ចនឹងតាមស្វែងរកបក្ខពួក ៤-៥នាក់ទៀត ដើម្បីយកមកសួរនាំផងដែរ។
គួរបញ្ជាក់ផងដែរថា គណនី Facebook ដែលបានបង្ហោះ រូបប្រមាថដល់ថ្នាក់ដឹកនាំរាជរដ្ឋាភិបាល មានឈ្មោះថា Kim Bopha ដែលជាគណនី Facebook របស់នាង ដេត ម៉េងគាង ដែលត្រូវបានសមត្ថកិច្ចធ្វើការឃាត់ខ្លួនសួរនាំ។ គួររំលឹកផងដែរថា នេះមិនមែនជាករណីទីមួយទេ ដែលសមត្ថកិច្ចធ្វើការ ឃាត់ខ្លួន អ្នកលេង Facebook ដែលប្រមាថ និង គំរាមដល់អាយុជីវិត នាយករដ្ឋមន្ត្រី ហើយសង្ឃឹមថា យុវជនទាំងអស់ កុំព្យាយាម ធ្វើបែបនេះទៀត ព្រោះវាមិនបាន ផលចំនណញអ្វីនោះទេ មានតែនាំទុក្ខដល់ខ្លួន និងក្រុមគ្រួសារតែប៉ុននោះ។
ចំណែកគណបក្សសង្គ្រោះជាតិក៏បានចេញសេចក្តីអំពាវនាវសុំឲ្យអ្នកដែលគាំទ្រគណបក្សសង្គ្រោះជាតិឈប់ប្រើពាក្យអសុរសជេរប្រមាថផងដែរ កាលពីពេលថ្មីនេះ៕
