ប្រព័ន្ធផ្សព្វផ្សាយនានារបស់ចិនបានផ្សាយថាតៃវ៉ានគួរតែបញ្ចប់នៅភាពស្រមើស្រមៃចង់បានឯករាជ្យផ្តាច់ខ្លួនចេញពីចិនដីគោក ។ ការប៉ុនប៉ងផ្តាច់ខ្លួននោះ គឺជាថ្នាំពុលនាំឲ្យតៃវ៉ានវីនាស។ សារព័ត៌មានស៊ីនហួរបានផ្សាយនៅអត្ថបទវិចារណកថាមួយបង្ហាញថា ការដែលគណបក្សប្រឆាំងកោះតៃវ៉ានឡើងកាន់អំណាច នឹងជម្រុញឲ្យមានភាពតានតឹងជាថ្មីរវាងចិននិងតៃវ៉ាន ដែលកំពុងតែប្រសើរឡើង ក្រោយជំនួបជាប្រវត្តិសាស្ត្ររវាងមេដឹកនាំទាំងពីរនាពេលកន្លងមក។
នៅក្នុងអត្ថបទផ្សាយនោះបានបញ្ចាក់ថា រាល់សកម្មភាពចង់បានឯករាជ្យនោះ បើទោះប្រើវិធីសាស្ត្រណាក៏ដោយសុទ្ធតែជាថ្នាំពុលធ្វើឲ្យតៃវ៉ានត្រូវរលាយជាមិនខាន។ ប្រសិនបើគ្មានសុខសន្តិភាពស្ថេរភាពទេនោះ រដ្ឋាភិបាលថ្មីនឹងជួបផលលំបាក់ក្នុងការអភិវឌ្ឍន៍សេដ្ឋកិច្ច ហើយកុមារតៃវ៉ាននឹងក្លាយជាអត់ន័យ «ដូចចាប់ត្រីនៅលើដើមឈើ»។ គណបក្សប្រឆាំងធ្លាប់ដឹកនាំតៃវ៉ានកាលពីឆ្នាំ២០០០ដល់ឆ្នាំ២០០៨ តែត្រូវបានទីក្រុងប៉េកាំងចាត់ទុកថាជាការដឹកនាំបង្ករឲ្យមានទំនាក់ទំនងតានតឹងរវាងចិននិងតែវ៉ាន។
ជាមួយគ្នានេះ មេដឹកនាំថ្មីកោះតៃវ៉ានដែលទើបតែជាប់ឆ្នោតលោកស្រីTsai Ing-wen បានអំពាវនាវឲ្យមានសេរីភាពចរាចរណ៍នៅដែនសមុទ្រចិនភាគខាងត្បូង និងរកដំណោះស្រាយដោយសន្តិភាពបញ្ចប់វិវាទដែនអធិបតេយ្យ ក្នុងតំបន់នេះ។ ការអំពាវនាវខាងលើ ត្រូវបានលោកស្រីប្រកាស់ដំបូងបង្អស ក្រោយទទួលជ័យជំនៈ ជាប្រវត្តិសាស្ត្រ។
សារព័ត៌មានAP បានផ្សាយថា កាលពីថ្ងៃទី១៧ខែមករា លោកស្រី ត្សៃ បានប្រកាសថាតៃវ៉ាននិងធ្វើគ្រប់យ៉ាងដើម្បីបញ្ចប់ភាពតានតឹងនៅសមុទ្រចិនខាងត្បូង និងសេរីភាពចរាចរណ៍នៅដែនសមុទ្រ។ មេដឹនាំអាយុ៥៩ឆ្នាំរូបនេះបានបញ្ចាក់ពីអធិបតេយ្យភាពប្រជុំកោះសែនកាគូ ឬ ដាវយូ ស្ថិតនៅដែនសមុទ្រចិនភាគខាងកើត ដែលពេលនេះស្ថិតក្រោមការគ្រប់គ្រងរបស់ជប៉ុន។ ទទឹមនិងនោះលោកស្រី ក៏បានបញ្ចាក់ថាកោះតៃវ៉ាននឹងបន្តកិច្ចការមួយចំនួនដើម្បីពង្រឹងទំនាក់ទំនងជាមួយជប៉នផងដែរ។
លោកស្រីត្សៃ ធ្លាប់ជាមេធាវី និងជាប្រធានគណបក្ស DPP កាលពីថ្ងៃទី១៧ខែមករាបានទទួលជ័យជំនៈនៅក្នុងការបោះឆ្នោតជាប្រវត្តិសាស្ត្រនៅកោះតៃវ៉ាន។ចំណែកលោក Eric Chuប្រធានគណបក្សកាន់អំណាច បានទទួលស្គល់ពីការបរាជ័យរបស់ខ្លួន។
ក្នុងពេលជាមួយគ្នានេះអាមេរិកបានអបអសាទរដល់លោកស្រីត្សៃ ទទួលបានជ័យជំនៈក្នុងការបោះឆ្នោត ហើយអាមេរិកនិងបន្តបង្កើតទំនាក់ទំនងជាមួយតៃវ៉ានដើម្បីសន្តិភាពនៅក្នុងតំបន់។ ដោយឡែកភាគីចិនវិញក៏បានបញ្ចាក់ដែរថា ចិននិងបន្តទំនាក់ទំនងជាមួយតៃវ៉ាន ប៉ុន្តែចិនមិនអនុញ្ញាត្តិឲ្យតៃវ៉ានប្រកាសឯករាជ្យផ្តាច់ខ្លួនចេញពីចិនដីគោកជាដាច់ខាត។
