ខេត្តសៀមរាប៖ឯកឧត្តម គឹម ឆៃហៀង អភិបាលរងខេត្តសៀមរាប បានលើកឡើង នៅក្នុងពិធីសម្ភោធសមិទ្ធិផល សិក្សាអាគារ ១ខ្នង ! ៥ បន្ទប់ និងបន្ទប់ទឹកចំនួន១០ របស់សមាគមមូលនិធិឡាយអិនក្លិប ! មកពីប្រទេសជប៉ុន នៃសាលាបឋម សិក្សាស្វាយធំ ឃុំកណ្តែក ស្រុកប្រាសាទបាគង ខេត្តសៀមរាប ! នាព្រឹកថ្ងៃទី១៥ ខែមករា ឆ្នាំ២០១៦ នេះថា ៖ របត់ ថ្មីរបស់រាជរដ្ឋាភិបាលកម្ពុជា គឺការប្រមូលផ្តុំរាល់កម្លាំង ដៃគូរ អភិវឌ្ឍន៍នានា ដើម្បី វិនិយោគ និងកំណែទម្រង់សង្គម ! សេដកិច្ច ឲ្យមានភាពរីកចំរើន ក្នុងទិសដៅកាត់បន្ថយ ភាពក្រីក្រ របស់ប្រជាពលរដ្ឋ និងលើកកំពស់គុណភាព នៃវិស័យអប់រំផងដែរ ។
លោក រឿន រុណ នាយកសាលាបឋមសិក្សាស្វាយធំបានលើកឡើងថា ៖ ដើមឡើយសាលាមួយនេះមានតែ ១ខ្នង៣បន្ទប់ ! បានកសាងឡើងនៅទស្សវត្យ១៩៦០ មុនថ្ងៃរំដោះ ៧មករា ឆ្នាំ១៩៧៩ វាជាទីលានប្រយុទ្ធរបស់ទាហានលន់ណុល និងទាហានខ្មែរក្រហម ! បានធ្វើឲ្យសាលាបាក់បែកខ្ទេចខ្ទីគ្មានសល់ដោយសាសង្រ្គាមនាពេលនោះ ។
លុះក្រោយថ្ងៃរំដោះ ៧មករា ១៩៧៩ ទីតាំងមួយនេះសុទ្ធសឹងជាព្រៃ និងយុទ្ធភ័ណ្ឌមិនទាន់ផ្ទុះត្រូវបានអាជ្ញាធរមូលដ្ឋាន និងប្រជាពលរដ្ឋនាំគ្នាបោសសំអាតដើម្បីសង់រោង ដោល ដើម្បីឲ្យកុមារ ៧៥ នាក់បានរៀនសូត្រ ។ ដោយសាមាន ការ ជ្រោមជ្រែងរបស់រាជរដ្ឋាភិបាល ក៍ដូចជាអាជ្ញាធរ ឃុំ កណ្តែក និងអង្គការដែលជាដៃគូរ អភិវឌ្ឍន៍នានា បានជួយអាគារ បន្ថែមជាបន្តបន្ទាប់ ! រហូតមកដល់ពេលនេះ ! សិស្សានុសិស្សមានចំនួន ១២៨១ នាក់ ។
លោក យូ ស៊ីហារ៉ា នាយកសមាគមមូលនិធិឡាយអិនក្លិបអន្តរជាតិ បានឲ្យដឹងថា ៖ គោលបំណងរបស់ឡាយ អិនក្លិបអន្តរជាតិ គឺជួយគាំទ្រគម្រោងអប់រំសម្រាប់សិស្សានុសិស្ស ព្រោះថាមានតែវិស័យអប់រំប៉ុណ្ណោះ ដែលជាគន្លឹះ សំ ខាន់ ដើម្បីកាត់បន្ថយភាពក្រីក្រ របស់ប្រជាពលរដ្ឋ និងប្រទេសជាតិមានការអភិវឌ្ឍន៍ជាបន្តបន្ទាប់ផងដែរ ។
ឯកឧត្តម គឹម ឆៃហៀង អភិបាលរងខេត្តបានលើកឡើងថា ៖ សម្ពោធសមិទ្ធិផលសិក្សានេះ គឺជាសក្ខីកម្ម នៃការចូលរួម ! វិភាគទានដ៏មានតម្លៃរបស់ មូលនិធិឡាយអិនក្លិបអន្តរជាតិ ចំពោះវិស័អប់រំនៅកម្ពុជា វាគឺជាការគាំទ្រ ដល់នយោបាយបើកជើងមេឃថ្មី របស់រាជរដ្ឋាភិបាលកម្ពុជា ក្នុងការប្រមូលយកដៃគូអភិវឌ្ឍន៍ ។
ឯកឧត្តមបង្ហាញថា ក្រោមកិច្ចសហការ រវាងរាជរដ្ឋាភិបាល ជាមួយសហគមឡាយអិន នៅកម្ពុជាក៍ដូចជាឡាយអិនអន្តរជាតិ ក៏ជាវិភាគទាន យ៉ាងសំខាន់ ផងដែរ ដើម្បីដោះស្រាយការប្រមូលសិស្សានុសិស្សឲ្យចូលរៀនគ្រប់ៗគ្នា ៕
ប៊ុនធឿន (សៀមរាប)
