អនុវត្តន៍ច្បាប់ចរាចរណ៍ផ្លូវគោកថ្មី ឲ្យមានប្រសិទ្ធិភាព ដើម្បីកាត់បន្ថយ គ្រោះថ្នាក់ចរាច រឲ្យនៅក្នុងកម្រឹតទាប ជាអតិបរមា

ខេត្តសៀមរាប៖ថ្លែងទៅកាន់មន្រ្តីនគរបាលជាតិប្រមាណជា ជាង ២០០នាក់ នាយឧត្តមសេនីយ៍ ខេង សុមេធ អគ្គស្នង ការរងនគរបាលជាតិ និងជាមេបញ្ជាការនគរបាលជាតិប្រចាំទិសភូមិភាគទី៤ និងទី៥ បានលើកឡើងថា ៖ យើងចាប់ផ្តើមអនុវត្តច្បាប់ចរាចរណ៍ផ្លូវគោកថ្មីហើយ ចាប់ពីដើបឆ្នាំ២០១៦នេះតទៅ រួមទាំងបណ្តាលិខិត បទដ្ឋានមួយចំនួនទៀត ដើម្បីធានាឲ្យការអនុវត្តច្បាប់ចរាចរណ៍ថ្មីនេះ មានប្រសិទ្ធិភាព ហើយអ្វីដែលយើង ត្រូវបានរឹតបណ្តឹងនេះ គឺសំដៅកាត់បន្ថយគ្រោះថ្នាក់ចរាចរណ៍នៅតាមដងផ្លូវ ឲ្យនៅក្នុងកម្រឹតទាប ជាអតិ បរមា ព្រោះថាច្បាប់នេះ នឹងត្រូវបានជម្រុញឲ្យបងប្អូនប្រជាពលរដ្ឋយើង ទទួលយកនូវការយល់ដឹង និង គោរព អនុវត្តន៍ ។

ការលើកឡើងយ៉ាងដូច្នេះ នៅក្នុងពិធីប្រកាសផ្ទេរភារកិច្ច តែងតាំងមុខតំណែងជូនដល់មន្រ្តីនគរបាលជាតិ ចំនួន៦៦រូប និងបំពាក់ឋានន្តរសក្តិ ជូនមន្រ្តីនគរបាលជាតិចំនួន ១៣៤រូបចាប់ពីថ្នាក់វរសេនីយ៍ឯក ដល់ថ្នាក់ ពលបាលឯក នៅស្នងការដ្ឋាននគរបាលខេត្តឧត្តរមានជ័យ នារសៀលថ្ងៃទី០៥ ខែមករា ឆ្នាំ២០១៦ នេះ ។

នាយឧត្តមសេនីយ៍ ខេង សុមេធ បានបង្ហាញរបាយការណ៍គ្រោះថ្នាក់ចរាចរណ៍នៅក្នុងទូទាំងប្រទេស នា ឆ្នាំ២០១៥ កន្លងមក ផងដែរ ដែលទាំងនោះគ្រោះថ្នាក់ចរាចរណ៍បានកើតឡើងចំនួន ៤,៥៩៥លើក មាន មនុស្សស្លាប់ ២,២៦៥នាក់ និងរងរបួស ៧,៥១០នាក់ ដែលទាំងនោះ គឺជាប្រការដែលគួរឲ្យសោកស្តាយ ព្រោះតែវាកើតឡើងដោយការបើកបរមិនគោរពច្បាប់ចរាចរណ៍ ធ្វេសប្រហែស មិនយល់អព្យាស្រ័យគ្នា សារុបមក គឺហេតុផលធំបំផុត មកអំពីកត្តាមនុស្ស ។

ជាមួយនឹងការពង្រឹងការអនុវត្តច្បាប់ចរាចរណ៍ផ្លូវគោកថ្មីឲ្យមានប្រសិទ្ធិភាពឯកឧត្តម បានក្រើនរំលឹកថា ៖ មុនគេបង្អស់ គឺសុំឲ្យមន្រ្តីនគរបាលជាតិទាំងអស់ ធ្វើជាគំរូក្នុងការអនុវត្តច្បាប់ចរាចរណ៍ផ្លូវគោកថ្មីនេះ ។ ឯកឧត្តមបញ្ជាក់បន្ថែមថា មិនចំពោះមន្រ្តីនគរបាលជំនាញណាមួយនោះទេ គឺត្រូវតែជាមន្រ្តីនគរបាលគ្រប់ ជំនាញទាំងអស់( ចរាចរណ៍ គ្រឿងញៀន ព្រហ្មទណ្ឌ សណ្តាប់ធ្នាប់ )និងជំនាញផ្សេងៗទៀត ត្រូវទទួល យក នូវសំណូមពរបង្កាមួយ ដែលជាក្រមសីលធម៌វិជ្ជាជីវៈ នោះគឺត្រូវនៅឲ្យឆ្ងាយ ពីការប្រព្រឹត្តិ យកច្បាប់ ធ្វើជាមុខរបរ របស់ខ្លួន ដែលនាំឲ្យប៉ះពាល់ដល់កិត្តិយសអង្គភាព និងសង្គមជាតិ ជាពិសេសធ្វើប្រជាពលរដ្ឋ បាត់ជំនឿមកលើអង្គភាព គឺវាស្មើនឹងធ្វើឲ្យប្រជាពលរដ្ឋ បាត់ជំនឿ មកលើការដឹកនាំរបស់រាជរដ្ឋាភិបាលផងដែរ ៕ Bunthoeun (Siem Reap