ខេត្តឧត្តរមានជ័យ៖ប្រជាពលរដ្ឋចំនួន ៧គ្រួសារ ដែលស្មើរនឹង ៧ក្បាលដី ដែលពួកគាត់សង់ជាដីលំនៅដ្ឋាន និងមានប័ណ្ណកម្មសិទ្ធិ ដែលចេញដោយក្រុមយុវជនសម្តេចតេជោ តែត្រូវបានមន្រ្តីយោធា នៃយោធាភូមិភាគទី៤ ក្នុងអង្គភាពការិយាល័យទី២ ប្រចាំទិសអន្លង់វែងបានធ្វើរបងហ៊ុំព័ទ្ធយកដីរបស់ពួកគាត់ប្រមាណ
៧ក្បាលដីជាង៩ហិចតា ។ មន្រ្តីយោធារូបនោះមានឈ្មោះ ឯក សាបាន នាយរងការិយាល័យទី២
នៃយោធភូមិភាគទី៤ ប្រចាំនៅទិសមុខ ឈរជើងនៅចំណុចដងទង់ ។
លោក លឹម អូរ អាយុ៤៥ឆ្នាំ ជាអតីតមេភូមិជ្រឹងខាងកើត និងជាតំណាងប្រជាពលរដ្ឋ៧គ្រួសារ ដែលរស់ នៅភូមិជ្រឹងខាងកើត សង្កាត់កូនក្រៀល ក្រុងសំរោង ខេត្តឧត្តរមានជ័យ ដែលត្រូវបានមន្រ្តីយោធា ក្នុងអង្គភាពការិយាល័យទី២ នៃយោធាភូមិភាគទី៤ បានបោះបង្គោលរបងហ៊ុំព័ទ្ធលើដីលំនៅដ្ឋានរបស់ពួកគាត់ នៅចំណុចផ្លូវ បំបែកដងទង់ ក្នុងភូមិជ្រឹងខាងកើត សង្កាត់កូនក្រៀល ក្រុងសំរោង ខេត្តឧត្តរមានជ័យ ។
បើទោះជានៅដឹងថា ដីរបស់ប្រជាពលរដ្ឋ មានប័ណ្ណកម្មសិទ្ធិកាន់កាប់ត្រឹមត្រូវ ដែលចេញដោយក្រុមនិសិ្សត ក៍ដោយ ! មន្រ្តីយោធារូបនោះនៅតែធ្វើរបងហ៊ុំទ័ព្ធ លើដីរបស់ពួកគាត់មិនកោតក្រែងនិងច្បាប់ឡើយ ! ហើយ បាននិយាយថា ( ប្លង់កម្មសិទ្ធិកាន់កាប់ដីធ្លីរបស់ក្រុមនិសិត្ស ពុំមានប្រសិទ្ធិភាពនោះឡើយ ) មិនតែប៉ុណ្ណោះ មន្ត្រីយោធារូបនោះបានជំរុញ ឱ្យប្រជាពលរដ្ឋ ទៅប្តឹងណា ក៏ប្តឹងទៅទៀតផង ។
លោក លឹម អូ បានបញ្ជាក់ថា កន្លងមកប្រជាពលរដ្ឋបានប្រគល់ដីទំហំ ( ១០០មគុណ១០០ម ) នៅក្បែរចំណុចខាងលើទៅឱ្យឈ្មោះ គឹម សុវណ្ណ ហៅ យឿក សំរាប់ធ្វើជាស្នាក់ការការិយាល័យទី២ របស់ភូមិភាគ តាមការស្នើរសុំរបស់មន្រ្តីមូលដ្ឋាន ! ក្រោយមកលោក គឹម សុវណ្ណ បានស្នើរសុំដីពីអាជ្ញាធរជាបន្តបន្ទាប់សរុប (២៤០ម ក្បាលដី ! បណ្តោយ១០០ម ) ចាប់តាំងពីឆ្នាំ ២០០៩មកម្លេះ ! ក៍ប៉ុន្តែលោក គឹម សុវណ្ណ ហៅ យឿក មិនបានធ្វើរបងហ៊ុំព័ទ្ធដី ដែលបានស្នើរសុំពីអាជ្ញាធរមូលដ្ឋាន មានទំហំ(២៤០ក្បាលដី ! បណ្តោយ ១០០)នោះទេ បែជាដាក់កម្លាំងបោះបង្គោលរបង ធ្វើការហ៊ុំព័ទ្ធលើដីប្រជាពលរដ្ឋចំនួន៧ក្បាលដីមានទំហំជាង៩ហិចតា ! ដែលប្រជាពលរដ្ឋពួកគាត់អាស្រ័យផលរហូតមក ទៅវិញ ។ បច្ចុប្បន្នលោក ឯក សាបាន បានកាន់កាប់បន្ត ! កាលពីពេល ថ្មីៗនេះ បានប្រើអំណាចយោធាហាមឃាត់ មិនឱ្យប្រជាពលរដ្ឋពួកគាត់កាប់ឆ្ការ ឬអាស្រ័យផល នៅលើដីរបស់ពួក គាត់ព្រមទាំងគំរាមកំហែងទៀតផង ។ ជាងនេះទៅទៀត ប្រជាពលរដ្ឋបានដាក់ពាក្យបណ្តឹងទាំងដីមានប្លង់រឹង និងដីគ្មានប្លង់រឹង នៅឃុំ និងក្រុង រហូតដល់ថ្នាក់ខេត្ត មានរយៈពេលជាងមួយឆ្នាំកន្លងមកហើយ មិនទាន់មាន ចំណាត់ការណាមួយសម្រាប់ពួកគាត់ឡើយ ។
អ្នកព័ត៌មានបានសួរទៅលោក ឯក សាបាន តាមទូរស័ព្ទនៅចុងសប្តាហ៍នេះថា ដីខាងលើនេះ ជាដីរបស់ អង្គភាព បានកាន់កាប់ចាប់តាំងពីឆ្នាំ ២០០៦ មកម្លេះ ! ចំពោះការចោទប្រកាន់ថាអង្គភាពរំលោភយកដី ខាងលើ មិនត្រឹមត្រូវនោះទេ ! ចំពោះប្លង់កម្មសិទ្ធកាន់កាប់របស់ប្រជាពលរដ្ឋ ដែលចេញដោយក្រុមនិស្សិត្យសម្តេចតេជោ នៅពេលក្រោយនោះទេ ! ដោយសារតែអាជ្ញាធរបានឃុំឃិតគ្នាឱ្យក្រុមនិស្សិតវាស់យកដីអង្គភាព ។ បច្ចុប្បន្នរូបលោកគ្រាន់ តែឈរជើងការពារដីនេះឱ្យអង្គភាពប៉ុណ្ណោះ មិនមែនការពារ ទុកធ្វើជាកម្មសិទ្ធិខ្លួនឯងនោះឡើយ ។
ជុំវិញទំនាស់ដីធ្លីខាងលើ អ្នកព័ត៌មាន ! បានសួរទៅឯកឧត្តម វ៉ាត់ ប៉ានីន អភិបាលរងខេត្តឧត្តរមានជ័យ តាមទូរសព្ទ័នៅចុងសប្តាហ៍នេះថា៖ បញ្ហាទំនាស់ដីប្រជាពលរដ្ឋ ! ដែលមន្រ្តីយោធាបោះបង្គោលរបងរំលោភយក ខាងលើពួកគាត់មិនបានដាក់ពាក្យបណ្តឹងដល់ខេត្តនោះទេ ! ឯកឧត្តមមិនបានជ្រាបរឿងនេះឡើយ ចំពោះការ រំលោភយកដីរបស់ប្រជាពលរដ្ឋ ដែលមានប្លង់កម្មសិទ្ធ និងត្រូវទទួលទោសជាមិនខាន ។ ឯកឧត្តមបញ្ជាក់ថា អាជ្ញាធរទទួល ! តែបណ្តឹងដីធ្លីណាដែលមិនមានប្លង់រឹងនោះទេ ! ចំពោះប្រជាពលរដ្ឋដែលមានប័ណ្ណកម្មសិទ្ធ (ប្លង់រឹង) ត្រូវដាក់ពាក្យបណ្តឹងនៅតុលាការ ៕ ប៊ុនធឿន (សៀមរាប )
