មេល្បែងខ្លាឃ្លោក គំរាមដាក់ខ្នោះអ្នកយកព័ត៌មាន និងធ្វើឲ្យខូចម៉ាស៊ីនថតវីដេអូ សមត្ថកិច្ចមិនទាន់មានចំណាត់ការ ជាមួយជនបង្កនោះឡើយ

ខេត្តសៀមរាប៖ ភ្នាក់ងារយកព័ត៌មាន៣នាក់ប្រចាំខេត្តសៀមរាបត្រូវបានមេល្បែងស៊ីសងធ្វើការ
គម្រាមកំហែងដាក់ខ្នោះ និងប្រតាយប្រតប់ ដណ្តើមយកម៉ាស៊ីនថតវីដេអូខណៈពេលដែលអ្នក
យកព័ត៌មានទាំងនោះ ចុះទៅទៅថតយករូបភាព កំពុង លេងល្បែងខ្លាឃ្លោក មួយកន្លែងនៅ
ផ្សារត្រីដើមក្រឡាញ់ សង្កាត់គោកចក ក្រុងសៀមរាប ។

ភ្នាក់ងារយកព័ត៌មានទាំង៣នាក់នោះមានឈ្មោះ ១ ! អ៊ួង ប៊ុនធឿន បម្រើអង្គភាពទូរទស្សន៍ ប៉ុស្តិលេខ៣ ! ២ ! លុច ណាម ភ្នាក់ងារកាសែតដំណឹងក្នុងស្រុក ! និងទី ៣ ! គឹម ភីសី បម្រើអង្គភាពកាសែតអ្នកតស៊ូ ។

អ្នកទាំងបីជូបហេតុការណ៍ កាលពីវេលាម៉ោង ០៣ និង ៥០នាទី ថ្ងៃទី ១១ ខែធ្នូ
ឆ្នាំ២០១៥ ខណៈពេលពួកគេ ចុះ ទៅថតយករូបភាព ! ត្រូវបានមេល្បែងខ្លាឃ្លោក ឈ្មោះ
ម៉ៅ ហៅ ខ្មៅ ក្នុងចំណោម មេល្បែងស្រីម្នាក់ទៀត ឈ្មោះ ខុន ហៅ ចែ ម៉ាប់ បានប្រតាយប្រតប់ភ្នាក់ងារយកព័ត៌មានទូរទស្សន៍ប៉ុស្តិ៍លេខ៣ ! ក្របួច ក អាវ បណ្តាល
ឲ្យដាច់ ឡេវអស់២ (ពីរ) ហើយដណ្តើមយកម៉ាស៊ីនថតវីដេអូរ !យកទៅលុបរូបភាព
ខណៈពេលនោះឈ្មោះ ម៉ៅ ហៅ ខ្មៅម្នាក់នោះបានកាន់ក្រវីក្រវាត់ម៉ាស៊ីនថតបោកទៅនិង
ជញ្ជាំងបណ្តាលឲ្យខូច១គ្រឿង និង ទូរស័ព្ទដៃ១គ្រឿងទៀតផង ។
ករណីខាងលើនោះអ្នកព័ត៌មាន បានដាក់ពាក្យបណ្តឹងកាលពីល្ងាចថ្ងៃកើតហេតុរហូតមក
ដល់ពេលនេះ គឺមានរយៈពេលជាច្រើនថ្ងៃ សមត្ថកិច្ចឈ្មោះ ឈុម សំបាន មេប៉ុស្តិ៍សង្កាត់
គោកចក ! មិនទាន់មាន ចំណាត់ការណាមួយចំពោះជនបង្កនោះឡើយ ប្រហែលជា
ពួកគេយល់ថា ! អ្នកព័ត៌មានបានបំបែកឆ្នាំងបាយពួកគេទេដឹង ! ដោយយកលេសជាប់រវល់
ជាបន្តបន្ទាប់ រហូតមកដល់ពេលនេះ ។

ក្រុមអ្នកព័ត៌មានបានបញ្ជាក់ថា ៖ ក្រោយពេលកើតហេតុពួកគាត់ទាំង៣ (បី)នាក់ ចង់បញ្ចប់
រឿងត្រឹម ប៉ុស្តិ៍នៅ មូលដ្ឋាន ប៉ុន្តែ ! លោក ឈុម សំបាន មេប៉ុស្តិ៍សង្កាត់គោកចក មិនធ្វើការ រួចហើយបំផ្លាញការសន្យា ពីមួយថ្ងៃទៅមួយថ្ងៃ ! លុះដល់វេលា ម៉ោង ៤ និង៣៥នាទី ល្ងាចថ្ងៃទី ១៧ ខែធ្នូ ឆ្នាំ ២០១៥ អ្នកព័ត៌មានបានសួរលោក ឈុម សំបាន តាម ទូរស័ព្ទ លោកឆ្លើយថា ចាំព្រឹកថ្ងៃទី១៨ ខែធ្នូ ឆ្នាំ ២០១៥ ទៅជួបនៅប៉ុស្តិ៍វេលាម៉ោង០៩ ប៉ុន្តែការណាត់ជួបនៅវេលានោះ កុហកជាដដែលដោយឆ្លើយតាមទូរស័ព្ទថា ជាប់រវល់ ។

ភ្នាក់ងារសាព័ត៌មានបានសួរបន្តទៅ លោក ទិត ណារ៉ុង អធិការក្រុងសៀមរាប តាមទូរស័ព្ទ កាលពីវេលាម៉ោង១០និង៣៨ នាទី ព្រឹកថ្ងៃទី ១៨ ខែធ្នូ ឆ្នាំ២០១៥ នាចុងសប្តាហ៍
នេះថា ៖ សំណុំរឿងខាងលើនេះ ប៉ុស្តិ៍រដ្ឋបាលសង្កាត់គោកចក បានបញ្ជួនទៅអធិការ ក្រុងរួចរាល់ហើយ ! ចំពោះរឿងនេះមិនមែនចេះតែធ្វើនោះទេ ! ប៉ូលីសធ្វើការអ្វីទៅតាមនិតិវិធី ។
មតិមហាជនបានរិះគន់ថា ៖ ហេតុការណ៍មេល្បែងគំរាមកំហែងហើយធ្វើបាបទៅ
លើអ្នកសាព័ត៌មាន សមត្ថកិច្ច ធ្វើប្រង៉ើយអញ្ចឹង ! ចុះ ! បើហេតុការណ៍ផ្សេងៗកើតមកលើ ប្រជាពលរដ្ឋពួកគាត់វិញ តើវាយ៉ាងម៉េច ! ដែរ តើពួកគាត់សង្ឃឹមអ្វី ។
ភ្នាក់ងារយកព័ត៌មានប្រចាំខេត្តសៀមរាប ដែលរងគ្រោះទាំង៣ (បី) ! សូមអំពាវនាវ ! សុំការ អន្តរាគមន៍ពីសំណាក់ នាយឧត្តម សេនីយ៍ នេត សាវឿន អគ្គស្នងការនគរបាលជាតិ និងជាពិសេស សម្តេចក្រឡាហោម ដែលជាក្តីសង្ឃឹម ជួយដល់ពួកគាត់ដោយក្តីអនុគ្រោះផងចុះ ៕