កំពង់ធំ៖ ស្នងការដ្ឋាននគរបាលខេត្តកំពង់ធំ ការិយាល័យកណ្ដាលប្រឆាំងបទល្មើសគ្រឿងញៀន បានឲ្យដឹងថា ការបង្រ្កាបមុខសញ្ញាជួញដូរចែកចាយ និងប្រើប្រាស់គ្រឿងញៀនក្នុងឆ្នាំ២០១៥ នៅតាមបណ្ដាស្រុកក្រុង ក្នុងខេត្តកំពង់ធំ សរុបមានចំនួន៨៥ករណី ក្នុងនោះនៅក្នុងស្រុកបារាណ៍ មាន១១ករណីស្រុកសន្ទុក៥ករណី ក្រុងស្ទឹងសែន ៤៤ករណី ស្រុកកំពង់ស្វាយ ០៩ករណី ស្រុកស្ទោង២ករណី ស្រុកប្រាសាទបល្ល័ង្គ ៣ករណីស្រុកប្រាសាទសំបូរ៤ករណី ស្រុកសណ្ដាន ០៧ករណី ក្នុងនោះទាំង៨ ស្រុកក្រុង មានការជួញដូរ៦០ករណី ជនសង្ស័យសរុប ៩៥នាក់និងស្រី០៤នាក់ ការប្រើប្រាស់ទាំង៨ស្រុកក្រុង មាន២៤ករណី ក្នុងនោះមានជនសង្ស័យ ១៤៦នាក់ ស្រី១៧នាក់ អនុវត្តន៍ដីកា ចំនួន២លើក ជនសង្ស័យ១នាក់ បញ្ចូនទៅតុលាកា សរុប៩៨នាក់ ស្រី៤នាក់ ធ្វើកិច្ចសន្យាអប់រំ ៨៦នាក់ ស្រី១៥នាក់ ទៅមណ្ឌលកែប្រែ ៣៩នាក់ ស្រី២នាក់ ។
លោកវីរះសេនីយ៍ទោ ងួន ហ៊ាន នាយការិយាល័យប្រឆាំងបទល្មើសគ្រឿងញៀន បានមានប្រសាសន៍ថា បទល្មើសគ្រឿងញៀនក្នុងឆ្នាំ២០១៥នេះមានការថយចុះរហូតដល់៨០% ដោយសារមានការបញ្ចាផ្ទាល់ពី លោកឧត្តមសេនីយ៍ត្រី ជូ សំអាន ស្នងការនគរបាលខេត្តកំពង់ធំ ព្រមទាំងបានសហការជាមួយស្ថាប័នព្រះរាជអាជ្ញា ចុះបង្រ្កាប់ដល់ទីតាំងភូមិសាស្រ្ដតែម្ដង ដូច្នេះបទល្មើសគ្រឿងញៀននេះស្ទើរតែអស់១០០%។
លោកវីរសេនីយ៍កែវសុខផលស្នងការរងនិងជាប្រធានការិយាល័យកណ្ដាលប្រឆាំងបទល្មើសគ្រឿងញៀន បានមានប្រសាសន៍ថា កន្លងមកយើងបានធ្វើការផ្សព្វផ្សាយពីច្បាប់គ្រឿងញៀន ចុះអប់រំ ទៅតាម ភូមិឃុំ សាលារៀន ហាងការ៉ាអូខេ ម្ចាស់ផ្ទះជួល ផ្ទះសំណាក់ និងកន្លែងប្រជុំជននានាផងដែរដូច្នេះក្នុងទិសដៅខាងមុខ គឺយើងលុបបំបាត់ចោលរាល់អំពើអសន្ដិសុខ ដែលកើតពីការប្រើប្រាស់គ្រឿងញៀន ការជួញដូរគ្រឿងញៀន ដើម្បីអោយ សមស្របតាមគោលការណ៍របស់រាជរដ្ឋាភិបាល ដែលចង់បានសុវត្ថិភាពភូមិឃុំទាំង៩ចំនុច និងបំបាត់ចោលនូវភាពក្រីក្រ របស់បងប្អូនប្រជាពលរដ្ន៕ សុផាត
