ក្រុងប៉ោយប៉ែត ៖ ទាហានថៃ ក្រោមការដឹកនាំរបស់លោក ប្រាយុទ្ធ ចាន់អូចា មេទ័ពជើងគោកថៃ មានការបន្ទន់ឥរិយាបទមកវិញជាបណ្តើរៗហើយ ខណៈដែលយោធាថៃបានចាប់បញ្ជូនពលករខ្មែរមកមាតុភូមិ កម្ពុជាវិញ ក្នុងគ្រាដែលប្រទេសជាតិរបស់ថៃកំពុងជួបវិប្បត្តិធ្ងន់ធ្ងររឿងធ្វើរដ្ឋប្រហាយោធា ហើយឈាន ទៅដល់ការបង្ខំចិត្តទាំងកំរោល ដេញពលរដ្ឋខ្មែរដែលជាពលករស្លូតត្រង់ អោយមកស្រុកកំណើតវិញ ជាបន្តបន្ទាប់ ឥឡូវនេះឮសូរថា មេទ័ពថៃសំណូមពរអោយពលរដ្ឋខ្មែរទៅរកការងារធ្វើដូចដើមវិញផងដែរ។
ថ្មីៗនេះ ប្រភពព័ត៌មានផ្លូវការ ជាពិសេស គឺនៅល្ងាចថ្ងៃទី ១៦ ខែមិថុនា ឆ្នាំ២០១៤នេះប្រភពព័ត៌មាន បានបញ្ជាក់ថា លោក ប្រាយុទ្ធ ចាន់អូចា មេទ័ពជើងគោកថៃ ដែលជាអ្នកដឹកនាំទាហ៊ានធ្វើរដ្ឋប្រហារក្នុងប្រទេសថៃកន្លងទៅបានបញ្ជាក់ប្រាប់ប្រជាពលរដ្ឋខ្មែរ ដែលនៅសេសសល់ក្នុងដីថៃថា ខ្លួនមិន បានបង្ខំអោយពលរដ្ឋមកស្រុកកំណើតវិញទេ ប៉ុន្តែបើបងប្អូនអាចទៅរកការងារធ្វើនៅកន្លែងដើមវិញ គឺពុំមាននណាមួយទៅបណ្តេញដូចមុននោះឡើយ ដោយឡែក ក្រុមហ៊ុនសហគ្រាស និងក្រុមហ៊ុនជាច្រើនទៀតនៅក្នុងប្រទេសថៃ ដែលធ្លាប់មានពលករខ្មែរបំពេញភារកិច្ចនៅទីនោះ ហើយបានបោះបង់ចោលការងារ ដោយសារទាហ៊ានថៃបណ្តេញកន្លងទៅ បានស្តីបន្ទោសទៅលើទាហ៊ាន ដែលធ្វើរដ្ឋប្រហារកន្លងទៅ បណ្តាលអោយបាត់បង់កំលាំងពលកម្មទាំងស្រុងក្នុងសហគ្រាស និងក្រុមហ៊ុនជាច្រើន ។
លោក គោ ស៊ុំសារឿត អភិបាលខេត្តបន្ទាយមានជ័យ បានថ្លែង នៅក្នុងសណ្ឋាគាលី ហេង ឆាយ ក្រុងប៉ោយប៉ែតថា មកដល់ពេលនេះគឺចាប់ពីថ្ងៃទី១៤ ខែមិថុនា ឆ្នាំ២០១៤នេះ គឺចំនួនពលករខ្មែរ ដែលមកស្រុកមាតុភូមិវិញមានចំនួន១៥ម៉ឺន៧ពាន់ នាក់ហើយ ។
លោកអភិបាលខេត្តបានបន្តទៀតថា ឥឡូវនេះកងទ័ពថៃមានកាបន្ទន់ឥបរិយាបទទន់ភ្លន់ជាមួយពលរដ្ឋខ្មែរវិញហើយ ហើយយកចិត្តទុកដាក់ពលករយើងដូចអាជ្ញាធរមូលដ្ឋានយកចិត្តទុកដាក់ពលរដ្ឋដូចសព្វថ្ងៃនេះអឹចឹង លោកអភិបាលបន្ថែមទៀតថា មានក្រុមហ៊ុននិងសហគ្រាស និងរោងចក្រធំៗរបស់ថៃ បានស្តីបន្ទោសទៅលើមេដឹកនាំកងទ័ពថៃ ដែលបង្កអោយមានបញ្ហាបាត់បង់កំលាំងពលកម្មទាំងស្រុង នៅតាមក្រុមហ៊ុននីមួយៗនិងខូចខាតសេដ្ឋកិច្ចធ្លាក់ខ្លាំងផងដែរ។
ដោយឡែក លោកអភិបាលខេត្តបញ្ជាក់ទៀតថា ចំពោះពលរដ្ឋខ្មែរយើងនៅតែបន្តមកជាបន្តបន្ទាប់ចូលស្រុកកំណើតវិញ ហើយកំពុងតែរកការងារធ្វើជាបន្តបន្ទាប់ ដោយអះអាងថា ខ្លួនមិនត្រលប់ទៅដីថៃវិញទេ រឿងថៃនិយាយបែបណានោះ វាជារឿងរបស់គេយើងដឹងតែយកចិត្តទុកដាក់ ទៅលើពលរដ្ឋយើងដែលបានមកដល់ស្រុកកំណើតវិញ តាមអនុសាសដ៏ខ្ពង់ខ្ពស់របស់សម្តេច ហ៊ុន សែន ជានាយករដ្ឋមន្ត្រីនៃប្រទេសកម្ពុជា ដែលបានតម្រូវអោយអាជ្ញាធរមូលដ្ឋានបន្តការខិតខំប្រឹងប្រែងការពារសុខភាពពលរដ្ឋ និងសុវត្ថិភាពតាមដងផ្លូវជាចំបង ៕
ដោយចិន្តា
